Zabuli28vid_pbt
Kulanda utanzi
(Zabuli ya Daudi.)
1Ndangukulilila, gwa Mkulu Nguluwi,gwa italawe lya heni, uleche kunditila kota yohambe yahuliche.Wone hunyhulichize,ndowa kota wala walingudulika kuli ikulubila lya wabagame.2Uhulichize lizi lya kulanda kwa heni kwa isungu,hondikulilila unhanze,hondikwinula moko ga heni kuli ng'handa ya hegwe yelile.3Uleche kumbulunha heni hamwe na wanhu wehile,hamwe na wanhu walingudita wihe.Wala walingulonga na wayao ulonzi wa kikala goya,ila nawamema wihe mnhumbula za hewo.4Uwagaze kwa kiwhana na madito ga hewo,kwa kiwhana na wihe wowauditile.Uwagaze kwa kiwhana na gowalingudita kwa moko ga hewo,uwaditile vila vyowalinguganigwa kuditilwa.5Kwa vila hambe wajese kwa chiwalo cha madito ga Mkulu Nguluwi,hawazizelele mbuli zoyaditile,kwa chiwalo acho kowabomola,howazenga kahi unyale.6Yatogoligwe Mkulu Nguluwi,kwa vila nakahulika kulanda kwa heni kwa isungu.7Mkulu Nguluwi ndo mong'ho wa heni na ngawo ya heni,nhumbula ya heni yangitumbila kwa heye.Nakanhanza nani nditowa luchenze kwa nhumbula,kwa lwimbo lwa heni ndangulonga malumbo kwa chiwalo cha heye.8Mkulu Nguluwi ndo mong'ho wa wanhu wa heye,heye ndo honhu ha kubilimila kwa mndewa wa heye yambakalize mafuta.9Gwa Nguluwi, uwalohole wanhu wa hegwe,uwatambichize wanhu wa hegwe.Uwe mdimi wa hewo na kuwatanza mazuwa gose.