SAM28kij_png

Nigada paila pilasi

1Mwa Guyau! Yoku agu tokwala. Adou baisa yoku.Kunakaigali ulo dou!Kidamwa gala bukuvitakaulokaigu,yeigu bogwa bala oluwalaisi matausinaavaila availa ilokaiasi wa Tuma.2Kulagaigu avai tuta badouwaim paila pilasi,e avai tuta bayosali yamagu biwokaia om Bwala Kwebumaboma.3Taga kukwamogaigu deli matausina tomitugaga,deli matausina availa availa ivagaisi gaga -tomota matausina kasi udokaiwa wala bitainonasi,mitaga olumoulesi mina kukolosi wala availa availa.
4Kumipuki matausina paila avaka avaka bogwa eivagaisi,paila avai mitugaga avai mitugaga eivagaisi.Kumipuki matausina paila komwaidona avaka leiuvagaisi,e kusaiki avaka bibudoki kasi mipuki.5Gala itovilakaisi avaka Guyau bogwa eivagi,Kaina itovilakaisi avaka bogwa eibubuli.Mapaila baisa bimipuki matausina,deli bikatudoum wala matausina.
6Kuyakawolaisi Guyau.Matauna bogwa eilagi ulo dou paila pilasi.7Guyau itabodaigu e ikolaigu.Yeigu adubumi matauna.Ipilasaigu deli iyomwasalaigu.E yeigu deli ulo mwasawa ausiwosi kala yakaula matauna.
8Guyau itabodi la tomota,e ikoli deli ikatumovi matauna guyau availa bogwa einagi.9Mwa Guyau! Kukwatumovi m tomota,deli kumitukwaii matausina.Kuvigakaim yoku kasi toyamata,e deli kuyamati matausina taitu taitu.
expand_more
Search