SAMU27kyc_png

Loma Soo Anatu Lakandenge

1Kamongo doko nambana pyuo nyingi kendalinya mendeke karamo dokonakupwa sipyamo karonde daa.Kamongo doko nambana matarena konambe mendeke ingyaro karapyamo karoŋowambu pakaro doko angi api karase?
2Akali koo pingi dupwame namba nyuo kuinya palyuo pyamwali lao piraminyi dokopanakama lukumapala pao palirami ingilyamo.3Namba ami yanda singi peparaeme nyuo kako pyaraminyipape paka naro ingilyamo.Dee nambana yanda pimwai dupwame nyuo kuinya palyaraminyipapeAnatu keta mona yukwarala karalu kararo.
4Nambame renge mendaki mende Kamongo piso sipu.Renge mendaki iki nyelana suu pilyu.Doko namba lete kararono dokopa Kamongona anda dokona iki palyuo karapuli yaka.Dokona karobaa keyange wakasa ingyuo karamo lao soo nyuo rae maipalanambame baa kata keyange lasaka pinya lao piso soo kararowale.5Randa eparamo gii dokopa baame namba nee pyuo reto karara.Baame banya tembole anda dokonapedee kana londe ketae dokonape lete wai pyao nyuo yalu pyuo reto karara.6Dopa piramopa nambame nambana yanda pimwai karo kako pilyaminyi dupwa nyuo anamasi minyapala yuwa lao mambo pyakaro.Dokona pii ketaepalyuo rae maiyuo tembole anda dokona bange pyao kiso maipalaKamongo baa kenane pyao lakandaro ingilyamo.
7Kamongo emba lao kyakale laro dokopa soo sakame kumuo karapalapii yano pyakape.8Kamongo emba karo dokona epo kingi wapambupi lakao lao pisi ipu lapinyi dokopaisingi lao, Kamongo namba eparowale, lapu.9Nambapa lao yalu pii napipi.Nambapa imbwa napipi.Embena kendemande kala pena laa napipi.O Anatu, nambana pyuo nyingi dokoembame namba nyiso karapi kandapi dokonanamba kyawa yaki nyuo kaeya napipi.10Nambana endangi rakangepame namba yaki nyuo kaeyarambinyipapeKamongo baame namba sakao yaki nyii nao karara.
11Nambana yanda pimwai yuu silyaminyi dokona laoKamongo embame namba apa pipili lao suu pilini dokona mana langipalaelyape keta paliru kata dokona lanyuo pupi.12Nambana yanda pimwai dupwame namba kuinya palyuo kyambo pii laokoo keta pyambuo karaminyi dokonamata joo panda maiya napipi.
13Dae karo dakepa Kamongome wambu keta keyange piramo doko kandalanasuu pyao karapusa pilyamo.14Kamongo keta pyamalyuo karape.Baa kapa ingingi lao suu pyao karape.Mona nemba napala baa keta pyamalyuo karape.
expand_more
Search