Zabuli25vid_pbt
Kumlanda Nguluwi ulongozi na kwamilwa
(Zabuli ya Daudi.)
1Gwa Mkulu Nguluwi, kwa hegwe ndangigala nhumbula ya heni.2Ndangitumbila kwa hegwe, gwa Nguluwi wa heni,uleche kundeka mbasigwe soni,wang'honyo wa heni waleche kusangalala kwa kulemwela kwa heni.3Haduhu ne yumwe hali walingitumbila kwa hegwe, yawele yobasigwa soni,ila weng'ha walingukubelenhuka wabasigwe soni.4Gwa Mkulu Nguluwi, unzelese nzila za hegwe,undanguse kugawinza goulingugana.5Undongoze kuli kukomya kwa hegwe na kundangusa,kwa vila hegwe ndo Nguluwi mlohozi wa heni,ndangitumbila kwa hegwe chila zuwa.6Gwa Mkulu Nguluwi, ukumbuchile isungu na igano lya kwimilila lya hegwe,viwele navyali kulawa katali.7Uleche kukumbuchila gehile ga usongolo wa heni,ung'humbuche kwa kiwhana na igano lya kwimilila lya hegwe,gwa Mkulu Nguluwi, kwa chiwalo cha kunoga kwa hegwe.8Mkulu Nguluwi ka yanojile na yagoloche,ahyo kanguwalangusaga nzila wawele na gehile.9Kanguwalongozaga walingunyenyetela kuli hachi,ena, kanguwalangusaga nzila ya heye.10Mkulu Nguluwi kanguditaga kwa igano lya kwimilila na kukundigwa,kwa wala walingibatilila malajizo ga ilagano lya heye.11Gwa Mkulu Nguluwi, kwa chiwalo cha itagwa lya hegwe,undechele nongwa ya heni hanga ndo ng'hulu.12Chila munhu yalingumdumba Mkulu Nguluwi,Mkulu Nguluwi komlangusa nzila ya kuwinza.13Mbuli za munhu ayo zomlutila goya mazuwa gose,walelwa wa heye woihalila isi.14Mkulu Nguluwi ka goloko wa hewo walingumdumba,heye kanguwazelesaga ilagano lya heye.15Meho ga heni gangumlola Mkulu Nguluwi mazuwa gose,naye kogalavya magulu ga heni kuli idiwa.16Gwa Nguluwi, uye kwa heni na kumbonela isungu,kwa vila ndayeka na ndangugazika.17Umbusile kusanzalima kwa nhumbula ya heni,na umbuse kuli lunhwinhwi.18Ulole magazo na kusanzalima kwa heni,undechele gehile ga heni geng'ha.19Lole ndaze vyowawele wenji wang'honyo wa heni,lole ndaze vyowalingunzudila ng'hatu na kugana kundumiza.20Uwamile ukomu wa heni, undohole,uleche kukunda mbasigwe soni,ndangubilimila kikala goya kwa hegwe.21Kugoloka na kutanganika vinyamile,kwa vila ndangukutumbila hegwe.22Gwa Mkulu Nguluwi, uwagombole wanhu wa hegwe, Isilaeli,kuli magazo ga hewo geng'ha.