ዓይኑሞ ማፃኣፖ25mdy_twf
ዳውቴ ዓይኑሞ
ሜቶ ዎዴና ሺኢቂንቴ ሺኢጲሢ
1ናንጊና ናንጋ ጎዳሢዮ!ታኣኮ ዒኖ ማሊፆ ታ ኔኤም ሺኢሻኔ።2ታ ፆኦዛሢዮ! ታኣኒ ኔና ጉሙርቃኔ፤ታ ሞርካ ታና ባሻንዳጉዲ ማሂ ታና ቦርሲሲፖ።3ኔና ጉሙርቃዞንሢ ቦርሲንቱዋሴ፤ቦርሲንታዞንሢኔኤም ዋይዞ ዒፆሮ ሩኡራዞንሢኬ።4ናንጊና ናንጋ ጎዳሢዮ! ኔ ኮጲዞ ታና ዔርዜ፤ኔ ጎይፆዋ ኔኤኒ ታና ዻዌ።5ኔኤኒ ታና ዓውሳ ፆኦዛሢኬ፤ኔኤኮ ጎኑሞ ጊንፆ ሃንቲ ናንጋንዳጉዲ ታና ዔርዜ፤ታኣኒ ቢያ ዎዴ ጉሙርቃሢ ኔናኬ።6ናንጊና ናንጋ ጎዳሢዮ!ሚናፓ ዓርቃዖ ኔ ዻዋሚጪንቲፆንታ ናንጊና ናንጋ ናሹሞዋ ማሌ።7ታኣኒ ዼጌ ዓኣዖ ማዼ ጎሞዻቢንቶዋ ታኣኮ ማሊፖ፤ናንጊና ናንጋ ጎዳሢዮ! ኔኤኮ ኮሹማሚርጌ ጎይፆ፥ ኔ ሚጪንቲፆጉዲያኣ ታኣም ማሌ።8ፆኦሲ ኮሺ፥ ሃሣ ፒዜ ማዔሢሮጎሞ ዓሳ ዓኣዻኒ ኮይሳ ጎይፆዒዚ ዔዔርዛኔ።9ሼሌዔ ማዔዞንሢ ፒዜ ጎይሢ ዒ ዔኪ ዓኣዻኔ፤ጎይፆዋ ዔያቶ ዒ ዔርዛኔ።10ዒዛኮ ጫኣቁሞና ዳምቦና ካፓዞንሢምጎይፃ ቢያ ናሹሞና ጉሙርቂንቲሢናኬ።11ናንጊና ናንጋ ጎዳሢዮ! ጎማ ታኣኮ ዼኤፒታሢሮኔኤኮ ሱንፆ ቦንቾሮ ጌዒጋፓ ዓቶንጎ ታኣም ጌዔ።12ናንጊና ናንጋ ጎዳ ዒጊጫሢ ዖናዳይ?ዔያታ ሃንታኒ ኮይሳ ጎይፆ ዶኦራንዳጉዲ ዒዚ ዔያቶ ዔርዛኔ።13ዬይ ዓሳ ዎዶ ቢያ ዖርጎቹሞና ናንጋንዳኔ፤ዔያቶኮ ናኣታኣ ሳዖ ዔካንዳኔ።14ናንጊና ናንጋ ጎዳ ዒዛም ዓይሢንታዞንሢኮ ቢያ ላጌኬ፤ዔያቶም ዒዚ ጫኣቄ ጫኣቁሞዋ ዶዲሻኔ።15ዒዚ ታና ፒራሢዳፓ ቢያ ዓውሴሢሮቢያ ዎዴ ታ ዒዛ ባንሢ ዛጋኔ።16ታኣኒ ታኣሮ ሌሊ ማዒ ሜታዻያ ማዔሢሮታ ፆኦዛሢዮ! ኔ ሃንጋ ታ ባንሢ ማዔ፤ታኣም ኮሺ ባኣዚያ ማዼ።17ታኣኮ ዒኖ ሜታሢ ሚርጌኬ፤ዋኣዪፃፓኣ ታና ሃውሺሴ።18ታኣኮ ዋኣዪፆንታ ሜታሢንታ ኔ ዛጌ፤ጎሞዋ ቢያ ኔ ታኣም ዓቶም ጌዔ።19ሞርካ ታኣኮ ዎማጉዲ ሚርጌቴያዔያታ ታና ዎማይዲ ዒፃቴያኔኤኒ ሂንዳ ዛጌ።20ሼምፓሢ ታኣኮ ካፔ፥ ታና ዓውሴ፤ኔና ታኣኒ ታኣኮ ፑኖ ካያሢ ማሄሢሮታና ቦርሲሲፖ።21ታኣኒ ኔና ሃጊ ማዓ ዎዛ ማሂ ጌሤሢሮፂሉሞንታ ፒዙሞንታ ታና ካፓንዳጉዲ ማሄ።22ፆኦዛሢዮ! ዒስራዔኤሌ ዓሶሜቶ ቢያይዳፓ ዓውሴ!