Nɨawari25hch_wb2
Rawiri nɨawarieya.
1'Ekɨ, Yawé, ne'iyari nepɨmetsiyetuirie,2nekakaɨyari, 'ahetsie yuri nepɨti'erie,pepɨkanetsipitɨaka nemɨnanaimariekakɨ,memɨnetsi'aye'unie pepɨkawapitɨaka memɨnetsiyuriyanikɨ.3Kemɨ'ane 'ahetsɨa mɨreutakwewiehatsuaku pɨkatiyutewinɨani,kemɨ'ane hipame memuwakwamanamɨkɨ mepuyutitetewiya.4Yawé, 'ahuye nemaikame kenenayeitɨa,'ahuye kemɨreuyune keneneuxeitsitɨa.5Yuri pemainekɨ keneneuwitɨximeni meta peneti'ɨkitɨatɨ.'Ekɨ nekakaɨyari pepɨhɨkɨ meta netsiwikweitsitɨwame,tukarikɨ 'ahetsie timieme nepɨtitakwewie.6Yawé, kenaye'eri kewitsipemɨtiuka'iyari, waɨkawa kepemɨti'akanaki'erie,yuheyemekɨ kepemɨnetixeitsitɨa,7'axakenemɨtiuyuri kenatɨmaiya'aitsika nemeutitsanaxɨakɨ temaikɨyari.Kenenaye'eri kepemɨti'akanaki'eriekɨ,'ekɨ Yawé 'aixɨa pemɨtiuka'iyarikɨ.8Yawé 'aixɨa pɨtiuka'iyari meta kemɨtiheitseriekɨ pɨtiyuriene,'Ayumieme 'axateyuruwamete huye pɨwaxeitsitɨa.9Mɨkɨ tixaɨtɨ memɨkate'ayuyeitɨa 'aixɨa 'anemekɨ kaniwaruwitɨximeni,meta yuhuye kaniwa'ɨkitɨaka.10Naitɨ Yawé huyeya kaninaki'eriyatɨni meta kaniyuritɨni,kemɨ'ane 'aitsika memaye'atɨwa meta tɨratuya.11'Aixɨa pemɨtikɨhɨawarɨwanikɨ Yawé,Kenetineuyehɨwiri waɨkawa 'axakenemɨtiuyurikɨ.12¿Kemɨ'ane tewi Yawé payemakaxe?Mɨkɨ huyeta 'aixɨa 'anemekɨ kaniyewitɨkiemɨkɨ.13'Aixɨa 'anemekɨ kaniuyeikamɨkɨ,wanuiwarimata kwie mekaniyetuiriyariekuni.14Yawé puwanaki'erie kemɨ'ane memeyexeiya,meta yutɨratu kaniwahekɨatsitɨiyani.15Ne Yawé xeikɨa nepayexeiya,mɨkɨ xeikɨa winiyaritsie mɨnetsi'uxɨna mɨyɨwekɨ.16Nehepa kenatanieri keneneuxeiya, kenenenenimayakanexaɨtame nepuyeika, 'uximatɨarika nehexeiyatɨ.17Ne'iyaritsie 'uximatɨarika puyumɨiriya,mɨyanemɨtiuka'eniwakɨ keneneɨxɨna.18Ne'uximatɨarika keneuxeiya meta kenemɨ'uximaya,'axakenemɨtiuyuri naime kenanuyeitɨa.19Neuxei memɨnetsi'aye'unie mepuyuwaɨkawari,'uxiwe'erika mepexeiya nehetsie 'axamenetsiyurikutɨ.20Kenene'ɨwiyani nemɨkakumemieriwanikɨ, keneneutawikweitsitɨa,pepɨkanetsipitɨaka nemɨtinetewinɨakakɨ,'ahetsɨa nekaniyu'awietani.21Nehetsie nunuwame kenehɨkɨtɨni, 'aixɨa nemɨtiuka'iyarikɨ meta heitserie nemuyeikakɨ,'ahepaɨtsita nemeuta'ikwewakɨ.22Kakaɨyari, 'ixaheritsixi keniwarɨxɨna naimekɨ kememɨte'uka'eniwakɨ.