ዓይኑሞ ማፃኣፖ24mdy_twf
ዳውቴ ዓይኑሞ
ዼኤፖ ካኣታሢ
1ሳዖንታ ዒኢካ ዓኣ ባካ ቢያዓጮንታ ጋሮይዳ ዓኣ ባካ ቢያናንጊና ናንጋ ጎዳሮኬ።2ዒዚ ሳዖ ባዞ ዑፃ ማዤኔ፤ዬያ ዋኣፆ ዑፆይዳ ዶዲሺ ዲይሤሢያ ዒዛኬ።3ሌካ ናንጊና ናንጋ ጎዳኮ ዹኮ ዖኦኒ ኬስካንዳይ?ዒዛኮ ዱማዼ ቤዞይዳ ዖ ዔቃንዳይ?4ዬያ ማዻኒ ዳንዳዓሢጌኤሺ ኩቺና ፒዜ ዒኔና ዓኣያሜሌ ፆኦዞ ካኣሽኩዋያሉኡዙሞና ጫኣቁዋዞንሢኬ።5ዬይ ዓሳናንጊና ናንጋ ጎዳይዳፓ ዓንጆዻቂሻያ ማዔ ፔ ፆኦዛሢዳፓ ማኣዶዋ ዴንቃንዳኔ።6ናንጊና ናንጋ ጎዳ ባንሢ ዑካንዳዞንሢናያይቆኦቤ ፆኦዛሢ ኮዓንዳዞንሢዬንሢጉዴ ዓሶንሢኬ።7ዒንሢ ዼኤፖ ዓሳ ጌሎ ካሮ ቡሉዋቴ፤ናንጊና ናንጋ ጌሎ ካራ ቡሊንቶንጎ፤ቦንቺንቴ ካኣታሢያ ጌሎንጎ።8ዬይ ቦንቺንታ ካኣቲ ዖናዳይ?ናንጊና ናንጋ ጎዳኬ፤ዒዚ ዶዳሢና ዖሎናኣ ዔርቴሢኬ።9ዒንሢ ዼኤፖ ዓሳ ጌሎ ካሮ ቡሉዋቴ፤ናንጊና ናንጋ ጌሎ ካራኣ ቡሊንቶንጎ፤ቦንቺንታ ካኣታሢያ ጌሎንጎ።10ዬይ ቦንቺንታ ካኣታሢ ዖናዳይ?ዬይ ቦንቺንታ ካኣቲቢያ ባኮ ዎይሣ ጎዳሢኬ።