ማዝሙረ ማፃፋ24gof_etw
ቦንቾ ካዋ
ዳዊታ ማዝሙረ
1ሳአይነ ሳአን ደእያ ኡባይ ጎዳባ፤አላመይነ እያን ደእያ አሳ ኡባይ እያሳ።2እ ሳኣ ግታ አባ ቦላ ሂፅስ፤ጪሞ ሃ ቦላ ምንድ ኤስስ።3ጎዳ ዙማ ቦላ ከያናዉ ዳንዳኤይ ኦኔ?እያ ጌሻ በሳን ኤቃናይ ኦኔ?4እያ ኩሸይነ እያ ዎዛናይ ጌሽ ግድዳይሳ፤ኤቃ ጎይኖናይሳ፥ዎርዶ ጫቆናይሳ።5እ ጎዳፐ አንጆ ኤካና፤አሽያ ፆሳፈ ፅሎ ፕርዳ ደማና።6ፆሳኮ ፄልያ አስነያይቆባ ፆሳ ሶምኡዋኮይያ አስ ሄሳ መላ አሰ። ሳላሀ7ቦንቾ ካዎይ ገላና መላ፥ህንተኖ ፐንገቶ ዶየትተ፤በን ፐንገት እያ ኡፋይሳን ሞክተ።8ሄ ቦንቾ ካዎይ ኦኔ?ምኖነ ዎልቃማ ግድዳ ጎዳ፤ኦላን ዎልቃማ ግድዳ ጎዳ።9ቦንቾ ካዎይ ገላና መላ፥ህንተኖ ፐንገቶ ዶየትተ፤በን ፐንገት እያ ኡፋይሳን ሞክተ።10ሀ ቦንቾ ካዎይ ኦኔ?ሀ ቦንቾ ካዎይ ሳሎ መተታ ጎዳ! ሳላሀ።