Yɛsɑ̃ɑ̃23tbz_sim
Kuyie nkuù tu n cɛ̃nti
1Dɑfiti yɛ̀nfɛ̀.Kuyie nkuù tu n cɛ̃nti kɛ̀ n tú ku kó fɛpìèfɛ̀n yí yóó mɔ́ntɛ́ dɛ̀mɑrɛ̀.2Kuù nh om̀pùnko timusũ̀ũ̀tì borɛ̀,kɛ n kɔrìnɛ̀ mɛniɛ nyííkú dɛ̀ só.3Kuù n kpénkùnko,kɛ m bɛnkú kucɛ sɑ̀ɑ̀kù,ku yètìrì dɛu mɛ̀ɛ̀ kpɛ́í.4Kɛ̀ n kèrí dibiìnnì diɛrì miɛkɛm bɑ́ nyĩɛ̃̀kù dɛ̀mɑrɛ̀ kɛ yɛ̃́ kù m bonɛ̀mɛ̀,kɛ tɔ kunɑɑcɛ̃ndùɔ̀kù kɛ m bɑɑ̀nɛ̀,kɛ tɔ kunɑɑcɛ̃mpɑ̀ɑ̀tidɛɛ̀ n duɔ̀ ndikɔ̃m̀bùɔ̀.5Kù n duɔ̀ mmudiì mmu,n dootitɔbɛ̀ ììkɛ̀,ɑ nconɛ̀ diwɛ̀ì ndi kɛ wɑ́ɑ̀rì mɛkɔ̀fɔ̃ɔ̃mɛ n yuu,kɛ píɛnko m bòòfɛ̀ kɛ̀ dɛ̀ cou.6Diwɛ̀ì nɛ̀ mɛsɑ̀ɑ̀ dɛ̀ yó nni mbonɛ̀mu yɛwe yɛmɔu,kɛ̀ nní mbo ɑ cĩ́ɛ̃̀tɛ̀ n fòmmu mumɔu.