Zabuli22kdc_pbt
ZABULI YA 22
(Zabuli ya Daudi. Kwa kilanja, yatumie lwila lwa, “Nhelembo wa ulukwili.”)
1Imulungu wangu, Imulungu wangu,habali kundeka?Habali kwa kutali na ukombola wangu?Habali kwa kutali na kililo changu?2Go Imulungu wangu, imisi nolila lakini hunidika bule,ikilo noguta lakini sidaha kubwihila bule.3Lakini gweye kung'ala,gweye kokala mkigoda kamba mndewa,na kotogoligwa na wanhu wa Izilaeli.4Kumwako gweye iwahenga zetu watamanila,wakutamanila na gweye kuwakombola.5Wakulilila gweye, na wakomboligwa,kumwako gweye watamanila na hawagwile kinyala bule.6Lakini niye kamba mng'onyo, sili munhu bule,ndemigwa na kubezigwa na iwanhu.7Wose onilola oniseka ng'hani,oniliga na ominula milomo yao.8Olonga, “Kamtamanila Mndewa Imulungu,leka Imulungu yamkombole!Kamba Imulungu komnogela beta yamkombole!”9Lakini gweye ayo unilavile mmunda wa mamangu,kunitenda nikutamanile gweye mmatombo ga mamangu.10Nikutamanila gweye tangu nileleke.Tangu nileligwe gweye ayo Imulungu wangu.11Sikuukale kutali na niye kwavija magazo ga behi,na haduhu munhu yodaha kunitaza.12Iwanhu wehile wanizunguluka kamba ng'ombe mbigalo,wanimemela kamba ng'ombe mbigalo weli na nguvu kulawa ako Bashani.13Wagubula milomo yao kamba simba,kobuma na kunipalula.14Nitika kamba mazi,na mizege yangu yose yogedela,moyo wangu kamba uhota,olumbuka mgati yangu.15Nguvu za lukuli lwangu zinyala kamba zae,lulimi lwangu lonata mmulomo wangu.Kunileka mna inhimbwisi ya ifa.16Umbwa wanizunguluka,iwanhu wehile wanizunguluka,wanitobola mmagulu na mmakono.17Nisigala mizege iyeka,iwanhu onihila onilola na kunisimanga.18Oigolela viwalo vangu,wakibwanhila simbi kiwalo changu.19Lakini gweye Mndewa Imulungu,sikuukale kutali na niye,Gweye kwa nguvu zangu,wize himahima unitaze.20Uhonye ugima wangu na sime,uhonye ugima wangu unogile kulawa kwa iwaumbwa wano.21Nihonye kulawa mdilomo da simba,na ihonye loho yangu kulawa mzimhembe za ng'ombe poli wano.22Nowasimulila ndugu zangu twaga jako,mna umting'hano nokutogola.23Mweye mumdumba Mndewa Imulungu, mtogoleni!Mtogoleni mweye iwanhu wa ulelo wa Yakobo!Mdumbeni Mndewa Imulungu mweye iwanhu wa ulelo wa Izilaeli.24Kwavija heyo hamwehula wala kumbezeli mkiwa,na haifisa kutali na heyo,ila komtegeleza yahampula.25Mbuli yako nokutogola mna umting'hano wa iwanhu wengi,nogavikiza gaja ganongile kuulongozi wa awo okudumba.26Wakiwa oja na kushiba,iwanhu omzahila Mndewa Imulungu omtogola.Imulungu yawagwee ugima milele.27Uhelelo wa isi yose okumbuka na kumbwelela Mndewa Imulungu.Iwanhu wa isi zose omtambikila,28kwavija Mndewa Imulungu ayo mndewa,na kowatawala iwanhu wa isi zose.29Iwanhu weli na kibuli mwiisi omtambikila kuulongozi wake,iwanhu wose ofa omfugamila,iwanhu wose hawadaha kugoga ugima wao.30Ulelo ukwiza omtambikila,na ulelo onda wize osimuliligwa mbuli za Mndewa.31Osimulila mbuli za haki yake.Iwanhu wang'hali hawanaleligwa olongeligwa,“Mndewa Imulungu ayo yatendile mbuli ayo!”