Read Soũↄ 22

Soũↄ22bqc_sim

Wiilɛa Luawa

¹Davidi lɛ.²Ma Lua, ma Lua,bↄ́yãi n ma to wei?Ma wiilɛ̀,àkɛa ńlɛ mↄ́ ma suabaio ni?³Ma Lua, ma lɛzùnzi fãanɛ,ni weao,ma wiilɛ̀ma gwãasĩna,ↄ̃ ń nílɛ.

⁴N kua adoa, ń zↄ̃lɛa báawa,ↄ̃ Isailiↄ ì ń táasilɛ.⁵Ḿmɛ wá deziↄ n náaikɛ̀,aa n náaikɛ̀ ↄ̃ n ń mìsi.⁶Aa lɛzùnzi ↄ̃ aa bↄkĩi è,aa n náaikɛ̀ ↄ̃ wí i ń kũo.

⁷Kↄ̀ↄtɛ̃n ma ũ, gbɛ̃nazĩnan ma ũo,wàlɛ ma sↄ̃sↄ̃, wàlɛ sakamagu.⁸Gbɛ̃́ pↄ́ lɛ́ ma gwaↄ lɛ́ ma yáalↄ,aalɛ lɛsuikɛa,aalɛ mikɛ déũdeũ aalɛ mɛ:⁹Lá àlɛ Dii náaikɛ, aà aà bↄ,tó aà yã́ kàaàguɛ, aà aà misi.¹⁰Ḿmɛ n ma bↄ ma da nↄ̀sɛu,n ma dↄ aà yↄ̃́wa.¹¹Má na n ↄzĩ za nɛasakpɛuɛ,ń dɛ ma Lua ũ za ma da nↄ̀sɛu.¹²Ńsu ǹyↄ̃ kumanↄ zã̀o,asa taasi lɛ́ mɛkpa,mɛ́ gbɛ̃e ku à dↄmalɛo.

¹³Wa liaamazi dasidasi lán zugaaeↄwa,wa pooamazi lán Basana zuswanaↄwa.¹⁴Wàlɛ lɛdↄdↄa lán nↄ̀ↄmusu ↄↄlↄna pↄ́ aalɛ pↄ́ taitaiↄwa.¹⁵Ma gbãa gɛ̃̀zɛa lán í kↄ́lɛawa,ma guↄ bↄ̀ↄũ píi,ma mɛ yↄ̀ lán zↄsawa.¹⁶Ma kòlo giigàga lán pɛ̃nkasowa,ma lɛ́na nàalɛ ma lɛ́ musu.Wà ma wulɛ lán gɛwa bùsutiu.

¹⁷Gbɛ̃́ↄ liaamazi dasidasi lán gbɛ̃ↄwa,gbɛ̃vãipiↄ nↄ̀nↄaamazi,aa ma ↄↄ ń ma gbáↄ fↄ̃̀fↄ̃.¹⁸Má fↄ̃ mà a wáↄ nao píi.Wà wɛbìibii, wàlɛ ma gwa,¹⁹wàlɛ ma pↄkasaↄ kpaalɛ,wàlɛ tɛ́lɛpa ma ulatao yã́ musu.

²⁰Dii, ńsu ǹyↄ̃ kumanↄ zã̀o,ḿmɛ ń ma gbãa ũ,mↄ dↄmalɛ kpakpa,²¹ma bↄ an fɛ̃nda lɛ́zĩ,ma wɛ̃ni si gbɛ̃piↄ swaawa,²²ma bↄ nↄ̀ↄmusupiↄ lɛ́zĩ,ma si zùsɛ̃lɛpiↄ kↄ́bawa,²³mí n tↄbↄ ma gbɛ̃́ↄnɛ,mí n táasilɛ kↄ̃kãaa guu.

²⁴Á Dii vĩakɛnaↄ, à aà táasilɛ,á Yakↄbu buiↄ, à aà tↄbↄ,á Isailiↄ, à misiilɛɛ̀.²⁵Asa i saka taasideguo,i aà wɛ̃nadekɛ yaboo,i mikpɛdↄɛ̀o,à swãkpà aà wiilɛai.

²⁶Má n táasilɛ balu guu,má lɛ́ pↄ́ má kɛ̀ma fĩabo n vĩakɛnaↄ wáa.²⁷Taasideↄ pↄble aa kã́,Dii kĩ́i wɛ̀ɛlɛnaↄ aa aà táasilɛ,aaiↄ ku gↄↄpii.

²⁸Dṹnia bṹu gbɛ̃́ↄ Dii dↄ̃, aai zɛaànↄ,bui pↄ́ kúuↄ kúlɛɛ̀ píi,²⁹asa kpalableaá Dii yã́ɛ,ì kible bui píiwa.³⁰Dṹnia gbãadeↄ kúlɛɛ̀ píi,gbɛ̃́ pↄ́ gɛ̀ gɛ́kĩiↄ misiilɛɛ̀ píi.³¹An buiↄ zↄbleɛ̀,aa Dii yã́ dau siu ziadeↄnɛ,³²aai o gbɛ̃́ pↄ́ wi ń i yãaoↄnɛlá à yãnakpàmá,asa a kɛ̀.

Soũↄ 22 / bqc_sim

Wiilɛa Luawa

Soũↄ22bqc_sim