IBA GANA20hui_png

Wayali holenaga Anduane Homogohondo bi lenego ogo

1Í̠ genda yu kengi Anduane Homogohanda biamogo bilo.Yagabanaga Ngode Datagaliwabehanda í̠ handayaho helo.2Ibugua ibuni anda Saiononi kagoria howaí̠ baya hangu handayaho halumo hongo helobi hamelo ko.3Ibugua í̠na lomabu mererubiloma irani dai helo bu delaregobibibahende hondowa turuho helo.4Í̠ mbirale hamelo keru bibahende ibunime ngilo.Biabe maru biaore bule lalu miniha mandabu keruibugua í̠ biamogo bilo hamelo ko.5Í̠na wai bialu wayali harengi iname turu hai howainanaga Ngode Datagaliwabe kagonaga mini yaraga holeberema.Anduane Homogo ibunime í̠naga bi lareru bibahende hale hai helo hamelo ko.
6Anduane Homogohanda mbirali ibunime dabo helene kagobiamogo biagago i̱ manda bu kogoni.Ibuni dahuliya andaga bayale ngagoria howaibugua i̱naga bi larogo hale hagaore ka.Hale howa ibuninaga hongomeore i̱ pele ngiragolai̱na wai bialu wayali haruli.7Hameigini maru bu karume wai biaga garo ale ngagoriatinaga mini hanaho haga ka.Marume wai biaga nogo hosi karunaga hongonimini hanaho haga ka.Iname nde Anduane Homogo inanaga Ngode Datagaliwabe kagonaga minini hanaho haga kamagoni.8Agali uruni ti ibira halu ereba hai holebiragoyuiname heyalu hongohe ho aribia holeberema.
9Anduane Homogo-o í̠na inanaga kini kago wayali helo mo hongo habe.Iname í̠ olalu kamangi í̠na hale howa biamogo bibe.
expand_more
Search