Nɨawari2hch_wb2
1¿Titayari nuiwarite mete'uyuti'ɨre,meta teɨteri tixaɨtɨ mɨkatiyunaki'erie xeikɨa meteku'eriwa?2Te'aitamete mepeye'unie,'itsɨkate Yawé mepɨkaha'eriwameta kemɨ'ane manayexeiyarie hepaɨtsita.3Mɨpaɨ mekaniutiyuaneni: «Tepɨa kaunariyari tepɨtitekixɨani.Yuku hetsɨana mieme tepuku'eirieni».4Muyuawitsie ti'aitame kaniutanaweni,Yawé kaniwa'atseni wananaimatɨ.5Yuhaxɨakɨ pɨwarayehɨtɨwa,Ha'atɨ pɨwarutate'a mɨpaɨ 'utaitɨ:6«Ti'aitame nekananukakeniTsiyuni nehɨri mɨpatsie hetsie».7Ne Yawé 'aitsikaya nepɨtaxata:«'Ekɨ pepɨneniwe», pɨnerahɨawe,«Hikɨri nekamaniutinuiwitɨani.8Kenetineutawawiri,nepɨmatiyetuirieni, nuiwarite nepɨmatsiyetuirieni,'ahetsiemieme pɨrayani naitɨ kwie manuye'atɨka.9Mana pekatinita'aitamɨkɨ tepɨa 'itsɨyari pe'akwetɨ,pekaniwatitaramɨkɨ haxu xariteyari hepaɨ».10Xeme te'aitamete, xekenayeneniereni,xekeneyuwaɨriyani xemɨte'ɨkitɨariekakɨ, kwiepa xemɨ'itsɨkate.11Yawé xekenayexeiyani xeheyemakatɨ,xeyutemamawietɨ xekenenɨawani.12Yaxeketenekahuni, kapa 'uyeha'anikɨkapa xe'ukwinikɨ huyeta,mɨkɨ yapauka kaniuyeha'arɨweni.'Aixɨa meke'itɨarieka kemɨ'ane memɨyu'awieta hetsɨana.