1Pwota chon ekewe mwü ra rawangau,nge ekewe aramas ra ekingau won mine a lomotongau?2Ekewe king won fanüfan ra ütä,ekewe sounemenem ra pwüngüpwüngfengen usun ar repwe ü ngeni ewe Samol mi Lapalap,pwal ngeni nöün we mi kepit.3Iwe, ra apasa, “Ousipwe mwütala fööfööch me rero pöütala senikich ar kei riri.”4Nge Kot ewe mi mot won an lenien motun king lon läng a takir,ewe Samol a ämängaueer.5Mürin epwe kapas ngeniir fän an songo fokun eniwokusuur fän an lingeringer.6Iwe, a apasa, “Üa seikätä ai king lon wisanme won Sion chuki we mi pin.”7Ngang üpwe pwärätä mine a pwüngüla me ren ewe Samol mi Lapalap.Iwe, a üreniei, “En nei mwän, ikenai üa nounuk.8Kopwe tüngorei, nge ngang üpwe ngonuk ekewe mwü pwe kopwe mwüni,üpwe pwal ngonuk unusen fanüfan pwe kopwe fanüeni.9Kopwe atarela ren efoch wokomächä,kopwe amökkükisiretiu usun eu sepi mi för seni pwül.”10Iei mine ämi kana king, oupwe tipachemela,ämi sounemenem won fanüfan, oupwe miritila.11Oupwe angang ngeni ewe Samol mi Lapalap fän niuokus,oupwe pwapwa fän chechech.12Oupwe mitiri ewe nau pwe esap song, nge ämi ousap mäfeiengau.Pun a müttir fis an song.Ra feiöch ir meinisin mi eäni i lenien op.