1Mukunga ya mfumu ya miyimbidi. Mukunga ya Davidi kisyelo ya Yave. Yandi tangaka mambu yayi na kati ya mukunga, na kilumbu yina Yave kuulaka yandi na maboko ya bambeni ya yandi nyonso mpe na maboko ya Sawule.2Yandi tubaka: Yave mu zola nge, nge kele ngolo ya munu!3Yave nge kele ditadi ya munu, kibaka ya munu ya lukengolo, kikuudi ya munu!Nge kele Nzambi ya munu, ditadi ya nene ya munu kisika mu ke bumbamaka!Nge kele kinwanunu yina ke kebaka nzutu ya munu,ngolo yina ke vuukisaka munu, kiswamunu ya munu!4Mu ke na kulooka: Nkembo na Yave!Yandi me kuula munu na maboko ya bambeni ya munu.5Basinga ya lufwa kangaka munu,nyamba ya mwangusulu talisaka munu boma.6Basinga ya yinsi ya bantu ya kufwa kangaka munu.Mitambu ya lufwa vwandaka na mantwala ya munu.7Na kati ya bampasi ya munu, mu bokilaka Yave,mu bokilaka Nzambi ya munu samu ti yandi kusadisa munu.Katuka na Yinzo ya yandi, makutu ya yandi kuwakamutindu mu vwandaka bokila yandi na kwiza sadisa munu.8Ntoto ninganaka, balufulu ya myongo tekitaka,yawu ninganaka samu ti Nzambi kumaka na nkele.9Mulinga vwandaka basika na mbombo ya yandi,tiya ya nene vwandaka basika na yinwa ya yandi,milaka ya tiya vwandaka basika na yinwa ya yandi.10Yandi fungulaka mazulu, yandi kulumukaka.Yandi kulumukaka na dituti ya ndombe na yisi ya makulu ya yandi.11Yandi yulukaka na zulu ya keluba mpe yandi dumukaka,yandi vwandaka pepa na mupepe.12Yandi vwandaka bumbama na kati ya kitombe,yinzo ya yandi ni maza ya ndombe, matuti ya ndombe.13Nsemo yina vwandaka tekila na mantwala ya yandivwandaka katuka na matuti,na mvula ya matadi mpe na milaka ya tiya.14Yave dumaka kuna na zulu,Nzambi ya kulutila kuzangama wakisaka ndinga ya yandina mvula ya matadi na milaka ya tiya.15Yandi kubulaka madyonga ya yandimpe yandi mwangisaka bawu,yandi salaka ti balusyemo kuvwanda mingi,mpe bambeni kumaka na boma mingi.16Oo, Yave! Ntoto ya yisi ya maza talanaka,balufulu ya yinza basikaka na ngaanda,na ntangu nge fulaka bawu na mupepe ya bambombo ya nge.17Katuka kuna na mazulu,yandi me lambula diboko mpe yandi me simba munu.Yandi me basisa munu na kati ya maza ya nene.18Yandi kuulaka munu na maboko ya mbeniyina me lutilaka munu na lulendo.Yandi kuulaka munu na maboko ya bayina ke yinaka munumpe me lutila munu ngolo.19Bambeni vwandaka na mantwala ya munu kilumbu yina mpasi ya nene kuminaka munu,kasi Yave vwandaka kiyekamanu ya munu.20Yandi katulaka munu na mpasi ya lufwa.Yandi kuulaka munu,samu ti yandi ke zolaka munu.21Yave me sadila munumutindu kele kudedama ya munu.Mutindu maboko ya munu kele ya kuvedila,ni mutindu yina mpe yandi me sadila munu,22samu ti mu landaka banzila ya Yave,mu mangaka ve Nzambi ya munu,mutindu ke salaka bantu ya mavanga ya yimbi.23Misiku ya yandi nyonso kele na mantwala ya munu,mu ke bikaka ve bansalulu ya misiku ya yandi.24Mu vwandaka ya kusungama na mantwala ya yandi.Mu mangaka na kusala nyonso ya yimbi.25Ni yawu yina, Yave me sadila munu mutindu kele kudedama ya munu,mutindu kele kuvedila ya maboko ya munu na ntadisi ya yandi.26Na muntu ya kukwikama,nge ke talanaka ya kukwikama.Na muntu ya kusungama,nge ke talanaka ya kusungama.27Na muntu yina kele ya kuvedila,nge ke lakisaka kuvedila ya nge,Na muntu yina kele ve ya kusungama, nge ke sadilaka yandi ve na kusungama nyonso.28Ni nge ke vuukisaka bantu ya kukuluka,nge ke talaka bantu ya lunangu mpe nge ke kululaka bawu.29Ni nge ke salaka ti mwinda ya munu kulezima,Yave Nzambi ya munu kyenzola kitombe ya munu.30Kintwadi na nge, mu ke nwanisaka na nswalu nkonga ya binwani ya bambeni.Kintwadi na nge Nzambi ya munu, mu ke yulukaka bibaka.31Nzila ya Nzambi kele ya kulunga, mambu ya Yave kele ya tsyelika.Yandi kele mutindu kinwanunu yina ke kebaka nzutu samu na bayina ke bumbamaka na sika ya yandi.32Ya kele ve na Nzambi ya nkaka,kaka ni nge Yave.Ya kele ve na ditadi ya nkaka ya nene,kaka ni Nzambi ya beto.33Yandi kele Nzambi yina ke na kupesa munu ngolo,yandi ke sungikaka nzila ya munu.34Yandi ke salaka ti makulu ya munukuvwanda mutindu makulu ya nsyesye.Yandi ke salaka ti mu vwanda ya kutelamana zulu ya myongo.35Yandi ke lakisaka munu mutindu ya kunwana mvita.Yandi ke pesaka munungolo ya kusadila munani ya kisengo ya mbwaki.36Nge me pesa munu mpulusu mutindu kinwanunu ya kisengo yina ke kebaka nzutu.Diboko ya nge ya lubakala me simba munu.Nge ke na kukulisaka munu na bumbote ya nge.37Nge ke salaka ti mu kima mbangu ata kubula mabaku.38Mu ke landaka bambeni ya munu mpe mu ke simbaka bawu,mpe mu ke vutukaka ve kana mu me manisa ve na kufwa bawu nyonso.39Mu ke bulaka bawu mpe bawu ke lendaka dyaka ve na kutelama,bawu ke na kubwa na makulu ya munu.40Nge ke pesaka munu ngolo na ntangu ya mvita,nge ke tulaka mitantu ya munu na yisi ya makulu ya munu.41Nge ke kimisaka mitantu ya mununa meso ya munu.Mu ke manisa na kufwabayina ke yinaka munu.42Bawu ke na kulooka,kasi ata muntu ke na kusadisa bawu.Bawu ke na kubokila Yave,kasi yandi ke na kupesa bawu ve mvutu.43Mu ke mwangisa bawu mutindu fundu-fundu yina mupepe ke nataka,mu ke kombola bawu mutindu poto-poto ya banzila.44Nge ke kuulaka munu na banwanusunu ya bantu ya munu.Nge ke na kusala ti munu, mu vwanda mfumu ya bayinsi.Bantu yina mu zaba ntete ve,ntangu yayi bawu ke na kutumama na munu.45Kaka na ntumunu ya ntete,bantu ke na kutumama na munu,banzenza ke na kuleba munu.46Banzenza ke dyaka ve na ngolo.Bawu ke na kubasika na biswamunu ya bawuna kutekita nyonso.47Yave kele moyo!Nkembo na Nzambi ditadi ya munu ya nene!Nkembo na Yave mpulusu ya munu!48Nge Nzambi yina ke futisaka yimbi na bantu yina ke salaka munu yimbi,nge yina ke salaka ti bantu kutumama na munu,49nge yina ke kuulaka munu na maboko ya bambeni ya munu!Nge ke zangulaka munu na zulu ya mitantu ya munu,nge ke kuulaka munu na maboko ya bantu ya myangu.50Ni yawu yina, mu ke kembila Yavena kati ya bantu ya bayinsi.Mu ke yimbila nkumbu ya nge.51Yave ke salaka mambu ya nenesamu na kukuula ntinu ya yandi.Yandi ke lakisaka kukwikama ya yandina muntu yina yandi me byeka.Yandi ke lakisaka kukwikama ya yandi na Davidimpe na bana ya Davidi bantangu nyonso.