Lulanga lwa17shr_buk

Omulenge gw’omwêru-kwêru odwîrhe walibuzibwa buzira kumanya ecirhumire

1Musengero. Gwa Daudi.Yâgirwa Nyamuzinda, oyumvîrhize omwêru-kwêru,oyumve endûlù yâni; orhege okurhwiri,oyumvîrhize omusengero gwânigwahubuka omu kanwa karhalyalyanya.2Olubanja lwâni lutwirwe embere zâwe;amasù gâwe gabwîne oku ndi mwêru-kwêru.
3Wanalola omu ntimanya z’omurhima gwâni onantangule budufu;wanantangula: orhankambonamwo bubî.4Akanwa kâni karhakola maligo nka kula abantu bajira;oluderho lw’ekanwa kâni nalulanzire.5Olugendo lwâni lurharhenga omu njira z’amarhegeko gâwe,ntà mango amagulu gâni gajajâba.
6Nkulakire, kulya kubà onyumva,Yâgirwa Nnâmahanga; ontege okurhwiri,oyumve eci naderha.7Oyerekane obwonjo bwâwe,we ciza abalongeza olwâkiro omukulyo kwâwe;obalîkûze oku babisha bâbo.
8Onnange nka mbonyi y’isù,onfulike omu kwaha kwâwe.9Onfulike emihera ekantindibuza;ondîkûze oku bashombanyi bâni bangosire bakâlonza okunyîrha.10Amashushi gàbafunisire emirhima;akanwa kâbo nderho za bucîbone kaderha.11Badwîrhe banyunja banakola bangosire;banniolire amasù mpu bannambike oku idaho12Owababona anamanya mpu ntale elingûzize ensimba yalyampu câna ca ntale cishurhamire omu bulambo bwâco.
13Baduka Nyakasane, omujeyo, omushûrhe oku idaho;n’engôrho yâwe olîkûze obuzîne bwâni omu maboko g’Omuhera.14Okuboko kwâwe kundîkûze kuli eyo mifù, Yâgirwa Nyakasane,bulya eyo mifù ecigabi câbo c’obuzîne coshi eco en’igulu.Enda zâbo oziyunjuze n’ebi wababikiraga,abâna bâbo bayigurhe, basigîre abinjikulu bâbo ebisigaliza.15Niehe omu bushinganyanya, nayishibona obusù bwâwe;aha kuzûka, nyishiyigurha nkusinzakwo.
expand_more
Search