ዓይኑሞ ማፃኣፖ17mdy_twf
ዳውቴ ሺኢጲፆ
ጌኤሺ ዓሲኮ ሺኢጲሢ
1ናንጊና ናንጋ ጎዳሢዮ!ፒዜ ዎጌ ታኣም ዎጊንታንዳጉዲታ ሺኢቃ ሺኢጲፆ ዋይዜ፤ዒላቶዋ ታኣኮ ዒና ዔኬ፤ጌሺሢናቱዋንቴ ጎኔና ታ ኔና ሺኢቃሢ ዋይዜ።2ዓኣፓ ኔኤኮ ታ ፒዙሞ ዴንቃኒ ዳንዳዓሢሮኔኤኒ ሌሊ ታኣም ዎጋኒ ዳንዳዓኔ።3ዒኖ ኔ ታኣኮ ዛጌያታቴያዋንቶ ኔ ታና ሙኪ ዖኦጬቴያታ ዎይታቴ ኔኤኒ ዛጌቴያፑርቱሞ ታኣፓ ኔኤኒ ዴንቃዓኬ፤ዻንጋ ታኣኮ ዻቢንታያቱዋሴ።4ዓሳ ማዻ ጎይፆቱዋንቴኔኤኒ ኬኤዛ ቃኣሎ ጎይፆናዋይዞ ዒፃ ዓሳ ሃንታ ጎይፃፓታኣኒ ታና ካፔኔ።5ቢያ ዎዴ ኔ ጎይፆ ታ ሃንታኔ፤ቶካ ታኣኮ ኔ ጎይፃፓ ኬስኪ ዣኣሊባኣሴ።6ፆኦሲዮ!ሺኢጲፆ ኔ ታኣኮ ዋይዛሢሮኔና ታኣኒ ሺኢቃኔ፤ዋዮ ኔኤሲ ታ ባንሢ ማሄ፤ታኣኒ ጋዓ ባኮ ዋይዜ።7ፔ ሞርኮፓ ቶላኒ ኔና ፑኖ ካይዚ ማሃዞንሢኔኤኮ ሚዛቆ ኩጮና ዓውሳ ፆኦዛሢዮ!ናንጊና ናንጋ ናሹሞ ኔኤሲ ዲቃሢ ሄርሺሳ ጎይሢና ፔጋሲ ዻዌ።8ዓኣፒኮ ጪልሼ ካፖማጉዲ ታና ካፔ፤ኔኤኮ ጋኣዞ ዴማ ታና ዓኣቼ።9ታና ሜታሳ ፑርቶንሢዳፓዎዻኒ ታና ማንጌ ታኣኮ ሞርካፓ ታና ዓኣቼ።10ሚጪንቱዋያ ማዒ ዒኖ ዔያታ ፔኤሲ ዎዺ ሃሼኔ፤ዻንጋ ዔያቶሲ ዖቶርሙሞ ጌስታኔ።11ዳውሲ ዔያታ ታና ሄሌኔ፥ ማንጊያኣ ማንጌኔ፤ዎዺ ሳዓ ዔያታ ታና ሚጫኒ ጎዚ ዔቄኔ።12ዔያታ ዓርቂ ዔካኒ ኮዓ ዞቢጉዲዓኣሺንቲ ካቲ ዴዔ ሃጊ ዔቃ ዞቢጉዲኬ።13ናንጊና ናንጋ ጎዳሢዮ! ዔቂ ዔያቶ ዓርቂ ዓጌቴራ፤ኔኤኮ ጬንቾ ዓፓሮና ፑርቶ ዓሶፓ ታና ዓውሴ።14ናንጊና ናንጋ ጎዳሢዮ!ዔያታ ናንጋ ናንጋ ሃያ ዓጮ ባኣዚም ሌሊ ማዔዓሶ ኩጫፓ ታና ዓውሴ።ኔኤኒ ናሽካ ዓሶም ሙኡዚ ዒንጌ፤ናኣታ ዔያቶኮ ሚርጎንጎ፤ናኣቶኮ ናኣቶም ማዓንዳ ሙኡዚ ዔያቶም ዒንጌ።15ታኣኒ ፂሉሞና ዓኣፖ ካሮ ኔኤኮ ዛጋንዳኔ፤ጊንዓሢፓ ታኣኒ ጴጫዖ ኔኤኮ ዓውካሮ ዛጊ ዎዛዻንዳኔ።