Zabuli17kdc_pbt
ZABULI YA 17
(Kupula kwa Daudi.)
1Gweye Mndewa Imulungu,utegeleze kitala changu cha haki,utegeleze kililo changu,utegeleze ukupula kwangu,vinipula bila uvizi.2Haki yangu na ilawe kumwako,na meso gako galole ganogile.3Gweye kuujuwa moyo wangu,kunizila ikilo kunilola,kunigeza na hugonile gehile mgati yangu,silongile giladi gehile mmulomo wangu.4Kwa gaja gotendigwa na wanhu,niigoga mbuli ya mulomo wako,nizilema nzila za awo otenda gehile.5Magulu gangu gatembela mnzila zako,magulu gangu hagatelebuke bule.6Nokukema gweye Mndewa Imulungu, kwavija konidika,uhulike kwa gwiti jako na utegeleze gonilonga.7Lagusa unogelo wako hawishaga,gweye ukombolaga iwanhu okukimbilila,kwa mkono wako wa ukudila uwakalize kulawa kwa iwanhu owehila.8Unikalize kamba imwana wa siso jako,unifise mna imbeho ya mabawa gako,9sikunyoneke na iwanhu onihila,na awo wanizunguluke.10Awo wabule bazi mmizoyo yao,wamema mbuli za kuitapa.11Onikweleleza na kunizunguluka,ozahila nyafasi wanibwanhe hasi.12Hewo waigala na simba yolonda kuvamila,na kamba mwana wa simba yaifisile ili kuvamila.13Winuke, Mndewa Imulungu,uwavamile na kuwabwanha hasi.Kwa sime uikombole loho yangu kulawa mmakono ga awo wehile.14Gweye Mndewa Imulungu,kwa mkono wako unikombole kulawa kwa wanhu awo,iwanhu wa mwiisi ino awo fungu jao da muugima uno.Uwakoboze ng'hani,wanao wapate nhaguso ng'hulu kubanza ayo.Nhaguso ayo igendelele mbaka kwa wazukulu zao.15Lakini niye nokilola kihanga chako mna ihaki,nahalamuka nokwiguta kihanga chako.