Zabuli16vid_pbt
Kulanda kikala goya
(Zabuli ya Daudi.)
1Unyamile gwa Nguluwi,kwa vila kwa hegwe ndangubilimila kikala goya.2Ndangumlonjela Mkulu Nguluwi, “Hegwe ndo Mkulu wa heni,ndahela linojile lyoneche ila hegwe.”3Kwa mbuli za welile wawele muisi,kikala na hewo ndo kusangalala kwa heni.4Ila walingujifugamila milungu jinji,wowa na magazo menji.Nhambiko ya danda sijilavilana matagwa ga milungu ajo sigalonga hebu.5Gwa Mkulu Nguluwi kwanguhega kwa heni,nakuzidita mbuli za heni zeng'ha ziwe goya.6Nakumha heni ndolendole zinojile ng'hatu,ena, uhalizi wa heni unoga.7Ndangumtogola Mkulu Nguluwi kwa kundongoza,mbaka mhela wa nechilo nhumbula ya heni yangundagusaga.8Ndangumuwika Mkulu Nguluwi kumwando kwa heni mazuwa gose,ka hamwe na heni, sitigasika.9Lelo nhumbula ya heni yeng'ha yangusangalala na kutowa luchenze,lukuli lwa heni lokwesela kwa kikala goya ng'hatu.10Ena hegwe huuleka muhe wa heni kuli isi ya wabagame,hambe undeche, Yelile wa hegwe, nyole mchilaga.11Kwangundajila nzila ya ukomu,kuwa hamwe na hegwe kwangumemeza heni usangalalo wenele,kuli moko wa hegwe uwele na mong'ho hana usangalalo mazuwa gose.