Zabuli16kdc_pbt
ZABULI YA 16
(Lwila lwa Daudi.)
1Unikalize gweye Mndewa Imulungu,kwavija kumwako nikukimbilila.2Nomulongela Mndewa Imulungu, “Gweye kwa Mndewa wangu,nabule dinogile ila gweye.”3Iwanhu wang'alile weli mwiisi awo wanogile,awo ninogezwa na hewo.4Lakini iwanhu oitambikila imilungu iyagwe,ogaya ng'hani.Nhosa yao ya damu siilava bule,na matwaga gao sigatambula mmulomo wangu.5Gweye Mndewa Imulungu ayo fungu jangu na kikasi changu,gweye ayo ugoga ugima wangu.6Zimbaka zangu zibitila hanhu hanogile,ona nipata uhazi unogile.7Nomtogola Mndewa Imulungu, ayo yonigwaa magesa,vivija ikilo moyo wangu onifunza.8Siku zose nimwika Mndewa Imulungu kuulongozi wangu,kwavija kaubanzi wangu wa ukudila avo sigwaya bule.9Avo moyo wangu odeng'helela na lulimi lwangu lotowa lukenze,na lukuli lose lodeng'helela na niye nokala goya.10Kwavija honda undeke kuzimu,na hundeka niye imunhu wako yotamanilwa nyone kukola.11Konilagusila nzila ya ugima,kuulongozi wako kuna deng'ho,na mumkono wako wa ukudila kuna ganogile gakalaga milele.