ማዝሙረ ማፃፋ16gof_etw
ፆሳይ ታ ላታ
ዳዊታ ዎሳ
1አቤት ፆሳዉ፥ታ ኔኮ ባቃትያ ግሾ ታና ናጋ።2ታኒ ፆሳ፥ “ኔኒ ታ ጎዳ፤ኔፐ አትሽን፥ ሀር ሎኦባይ ታዉ ባዋ” ያጋስ።3ሳአን ደእያ ጌሻትአይ መላ ቦንቸትዶና!ታ ኤንታራ እስፈ ኡፋይታይስ።4ሀራ ፆሳታ ካለይሳትባንታ ቦላ መቶ ዳርሶሶና።ሽን ታኒ ሀራ ፆሳታስ ሱ ያርሽከ፤ታኒ ኤንታ ሱን ፄግከ።5ታ ጎዳዉ ታ ላታይ ነና፤ታዉ ኮሽያ ኡባ ታዉ እማሳ፤ታ ደኡዋ ሳማይ ነና።6ታና ጋክዳ ሳማይ አይ መላ ሎኦ!ኤ ታ ላታይ ቱማ ሎኦ!7ታና ዞርዳ ጎዳ ጋላታይስ፤ቃማ ታ ዎዛናይ ታና ታማርሴስ።8ታኒ ኡባ ዎደ ጎዳ ታ ስንን በአይስ፤እ ታ ኡሻቻን ደእያ ግሾ ዳጋምከ።9ሄሳ ግሾ፥ ታ ዎዛናይ ኡፋይቴስ፤ታ እንፃርሳይ ጋላቴስ፤ታ አሳተይ ህርግ ባይና ደኤስ።10ታ ሸምፕዉ ስኦለን አጋካ፤ነ ጌሻ ዎቃና መላ ኦካ።11ታና ደኦ ኦግያ በሳሳ፤ነ ስንን ኩመ ኡፋይስ ደኤስ፤ነ ኡሻቻን መርና እንጀይ ደኤስ።