Tafaroro Use, Bajari Dae Sakai Saore!
1Bajari dae sakai saore! Arie, endada evetu genembo isambu, Bajari dae yaru seka sevu!Nunda natofo tafarorodae totorugarera,ainda jokáda nunda javo jighoro erare!2Israel embo, nune setiri siroruseva aindae, ivuga evu!Ainda susu mo, Saion embo nu nenda kini (king) edo irira aindae, gogho edo,divu fusedo ghevu!3Divu fusedo ghuse, nunda javo jighivu erare!Sino da dukaimi gita da javimi nundae sakai saore!4Ai resira amo, Bajari nunda natofo dae ghamo buraira.Nu tumbari embo ava binóde aoro dae sise, nenda gitofu sosighi eraera.5God da natofo gitofu da vasa sosighi usera aindae, ivugai jarutuse, tumba soró aminda yaru ivugai roro bambarera.6God dae sakai koko fuge sise, saoro dae resena.Nenda isoro da kaiya dika soveni soveni siverego ungoi bambu jighirise,7oro mendeni ava atai duboda fatido, natofo mendeni daoro ghamo barera.8Ainda natofoda kini (king) kokotofu ava seinimi bundarera.Nenda babojegari seini auri arimi bundarera.9God da sari ava use, ne oro mendeni ava daoro ghamo barera.Setena amingarera aimi God da natofo da duró isagha arira.Bajari dae sakai sevu!