Nɨawari148hch_wb2
1Yawé kenɨawarieka.Muyuawitsie paitɨ Yawé xekenenɨawani,meutitewatsie xekenenɨawani.2Niuki tuayametemama yunaitɨ, xekenenɨawani,kuyaximama yunaitɨ, xekenenɨawani.3Tau meta metsa, meke'inɨawani,xurawetsixi xemutimerɨkare, xekenenɨawani.4Xemeta muyuawi 'amautitewa, xekenenɨawani,xemetatsiere haa muyuawitsie xemuyema.5Yawé kemɨtimariwe, 'aixɨa ketikuxaxatsiwani,mɨkɨ yatiuta'aitaku naitɨ katiniutawewiyani.6Naitɨ yapɨtiuyɨ yuheyemekɨ,'aitsika punetɨa mɨkakuyuitɨariwanikɨ.7Yawé xekenenɨawani kwiepa,haramara 'amaukatewatsie kiekatari,8tee meta merɨkariya, 'ɨwi meta haiwitɨri,'eka mɨtɨrɨkaɨye meye'atɨwa 'aitsikaya,9yemurite meta 'amanutitɨtɨ hɨri,kariuxa meta 'ikwaxi mɨtikayaxike naitɨ,10tewaxi meta yeutari,memɨtekɨwɨtɨwe meta kuuterixi,11yunaitɨ nuiwarite meta kwiepa te'aitamete,mexɨakate meta kwiepa kuwexinaruritsixi,12temari meta 'ɨimarixi,'ukirawetsixi meta tɨɨri.13Yawé xekenenɨawani,mɨkɨ xeikɨa mɨmariwekɨ,kemɨtimariwe kwie pa'iwa meta muyuawi.14Mɨkɨ yuteɨterima kaniwatɨrɨkariyani.Mɨkɨ xeikɨa mekenɨawani yunaitɨ hetsiena memɨtewiya,'ixaheritsixi, 'ahurawa teɨterimama.Yawé kenɨawarieka.