1E bar Ikiavɨra Itir Godɨn ziam fam!E ighiabagh amua uan Godɨn ziam fer arazim dera.An ziam fer arazir kam a guizbangɨrama bar dera.2Ikiavɨra Itir God ua Jerusalemɨn nguibam akɨrigha,Israelian gumazamizir Babilonɨn kalabus itiba,ua me inigha ize.3An osɨmtɨziba aterir gumazamizibagh ami me ua dera.Egha men duaba nogha dagh ami da uam agui.4A mɨkovezibar ingarir dughiam,a vaghvagha da mengeghaziaba dagh arigha dagh fo.5En Ekiam, a bar gavgavigha, ziar bar ekiam iti,an fofozim bar pɨn iti,ezɨ e an fofozim bativsɨ damuva avegham.6A gumazamizir uarira uan naviba abɨra itiba, a men dafaribar suighame fe me dɨkafi.Egha arazir kurabagh amir gumazamiziba,a me dɨkabɨri me nguazim giri.7Ia Ikiavɨra Itir God bagh ighiaba bangɨ egh a mɨnamang.E uan God bagh gitabav soghtɨ,dar ararer aghuiba a bagh mangɨ.8An overiamɨn ghuariaba arɨghizɨ, amozim nguazimɨn izaghirava,mɨghsɨabagh izima graziba dar otifi.9A dagheba isa asɨziba bar me ganɨdi,ezɨ kuarazir nguziba daghem bagha arai,a men akuaghapi.10A hoziabar gavgavim ko,mɨdorozir gumazibar gavgavim bagha bar akongezir puvatɨ.11A gumazamizir an atiatiava, nɨghnɨzir gavgavim an apangkuvir arazimɨn itiba,a me baghavɨra bar akonge.12O Jerusalemia, ia Ikiavɨra Itir Godɨn ziam fɨ!O Saionia, ia uan Godɨn ziam fɨ!13A nɨn dɨvazimɨn tiar akabagh amizɨ da gavgafi,egha nɨn gumazamiziba arazir aghuimɨn me gami.14A nɨn nguazir mɨtaghniabar aven, dabirabir aghuim gumazamiziba bar me ganɨga, navir amɨrizim me ganɨdi.Egha ian azenibar daghebagh ami da deragha aghui.15Ikiavɨra Itir God, nguazimɨn Akar Gavgavitam amadaghtɨ,bizir a mɨkemezir kam zuamɨra nguazimɨn otogham.16A ghuariaba amadazɨ da iza avivkɨabar mɨnizaghira, nguazim avara.17An aisɨn amozir ofɨzir dagɨabar mɨn gariba amadazɨ,da izaghira ongarimɨn gigibar mɨn nguazim giri.Eghtɨ gumazitam an amadazir orangtɨzir kamɨn ikɨva avegham.18A gɨn ua mɨkemezɨ aisɨn kam dɨpamɨn oto.Ezɨ an amɨnim amadazɨ a dɨpam givaima a ivemari.19A uan arazir a ifongeziba ko,bizir a damuasa e mɨkemeziba isaIsraelia ganɨngi.20Kantrin Igharazibar Gumazamiziba an Akar Gavgavir kabagh fozir puvatɨ,kamaghɨn bizir kam, a me bagh a gamizir puvatɨ.Aleluia!E bar Ikiavɨra Itir Godɨn ziam fam!