1Aleluya!Ya tsyelika ya ke dyambu ya mbote na kuyimbidila Nzambi ya beto,ya tsyelika ya ke dyambu ya mbote mpe ya kitoko na kukembila Yave.2Yave me tungisa dyaka Yelusalemi,yandi me kutikisa dyaka bantu ya Isayeli yina ba katulaka na ngolo na yinsi ya nzenza.3Yandi ke belusaka bantima ya bantu yina kele na mpasimpe yandi ke nyakisaka bamputa ya bawu.4Yandi zaba lutangu ya bambwetete,yandi ke bokilaka konso mbwetete na bankumbu ya yawu.5Mfumu ya beto kele Nzambi ya nene, lulendo ya yandi kele nene mingi,mayela ya yandi kele ve na ndilu.6Yave ke sadisaka bamputu,yandi ke kululaka bantu ya ntima ya yimbi tii na ntoto.7Beno yimbila mukunga samu na Yave na kuvutula yandi matondo,beno sika nsambi samu na Nzambi ya beto!8Yandi ke fukaka mazulu na matuti,yandi ke kubikaka mvula samu na kubolisa ntoto,yandi ke salaka ti matiti kumena na myongo.9Yandi ke pesaka bibulu madya,yandi ke pesaka madya na bana ya bankwankwa na ntangu bawu ke lookaka.10Yandi ke yangalalaka ve na ngolo ya mpunda,yandi ke talaka nsayi ve na makulu ya muntu yina ke na kukima.11Kasi Yave ke ndimaka bayina ke zitisaka yandi,bayina ke tulaka kivuvu ya bawu na kukwikama ya yandi.
*
12Yelusalemi, siika Yave!Siyone, kembila Nzambi ya nge!13Samu ti yandi ke bwelaka ngolo ya bikangulu ya myelo ya nge!Yandi ke sakumunaka bana yina kele na kati ya nge.14Yandi me tula kizunu na yinsi ya nge,yandi me fulusa nge na faline ya kitoko.15Yandi ke fidisaka bantumunu ya yandi na ntoto,mambu ya yandi ke kwendaka na mbangu.16Yandi ke nokisaka neze mutindu lino,yandi ke bwisaka kinoko mutindu bombi.17Nzambi ke losaka maza ya matadi na bibuku.Nani lenda vibidila na madidi ya yawu?18Yandi ke fidisaka mambu ya yandi mpe yawu ke sulumunaka maza ya matadi,yandi ke fidisaka mupepe mpe maza ke kwendaka.19Nzambi ke lakisaka mambu ya yandi na Yakobi,yandi ke lakisaka bansalulu ya yandi ya misiku mpe mambu ya yandi ya kuzitisa na Isayeli.20Yave salaka ve mutindu yina na bayinsi nyonso ya nkaka,bawu zaba ve mambu ya yandi ya kuzitisa.Aleluya!