Read ዓይኑሞ ማፃኣፖ 147

ዓይኑሞ ማፃኣፖ147mdy_twf

ቢያ ባኮ ዳንዳዓ ፆኦሲም ሺኢካ ጋላታ

¹ናንጊና ናንጋ ጎዳ ጋላቱዋቴ!ኑ ፆኦሲ ቦንቺ ጋላታ ዓይኑሞ ዓይናዺሢ ቃራኬ፤ዒዛ ጋላቲፃ ዎዛሳያ፥ ሃሣ ኮይሳያኬ።²ናንጊና ናንጋ ጎዳ ዬሩሳላሜ ጊንሣ ዓካሲ ማዣኔ፤ዒስራዔኤሌፓ ዳውሲንቲ ዴንዴ ዓሶ ጊንሣ ዒ ማሃኔ።³ዒኔ ሜቂ ዖዬ ዓሶ ዒዚ ዶዲሻኔ፤ኪፆዋ ኑኡኮ ዒ ፓሣኒ ማራኔ።

⁴ዦኦጋሢኮ ሚርጉሞ ዒዚ ፓይዲ ዔራኔ፤ፔቴ ፔቴሢኮዋ ሱንፆ ዒ ጌሣኔ።⁵ናንጊና ናንጋ ኑ ጎዳሢ ዼኤፒ፥ ሃሣ ዎልቄና ዓኣያኬ፤ዒዚ ዔራ ዔራታ ሃይማኬ ጌይንቱዋያኬ።⁶ዒኖ ሼሌዔ ዓሶ ዒዚ ቦንቺሲ ዼጊሳኔ፤ፑርቶ ማዻ ዓሶ ጋዓንቴ ሳዓ ኬኤሪ ዻውሲሳኔ።⁷ናንጊና ናንጋ ጎዳ ቦንቺ ዓይኑሞ ዓይናዹዋቴ፤ጎኦላ ዋርቂ ዋርቂያኣ ኑ ፆኦዛሢ ዓይናዺ ቦንቹዋቴ።⁸ዒዚ ሻኣሮ ጫሪንጮይዳ ሚጫኔ፤ሳዖይዳ ዒርዚ ዋርቂሳኔ፤ዹኮይዳ ማኣቲ ኬሲ ዓኣዒሳኔ።⁹ካዮ ቦዖንታ ቆሎንታም ቢያ ሙኡዚ ዒንጋኔ፤ሙኡዚ ባይቄም ዒላታ ቁራኮ ናኣቶ ዒ ሙኡዛኔ።¹⁰ዒዚ ዎዛዻሢ ዶዶ ፓራሢንታዖሎ ዓሶንታኮ ዎልቆ ዛጊቱዋሴ።¹¹ዒዛ ዎዛሳሢዒዛ ቦንቺ ዒጊጫዞንሢናናንጊና ናንጋ ናሹሞ ዒዛኮ ጉሙርቃዞንሢኬ።¹²ዬሩሳላሜ! ናንጊና ናንጋ ጎዳ ጋላቴ!ፂዮኔ! ኔ ፆኦዛሢ ፑኡፒሲ ዒላሼ!¹³ዒዚ ኔኤኮ ማርሾ ካሮኮ ጋጋርዞ ዶዲሺ ካፓኔ፤ኔ ጋራ ዓኣ ዴሮ ዒዚ ዓንጃኔ።¹⁴ዒዚ ኔ ዓጮኮ ዛጶ ኮሺ ማሂ ካፓኔ፤ቃራ ዛርጌ ካፂሲ ኔና ዒ ሚሻኔ።¹⁵ሳዖ ፔ ቢታንቶና ዒዚ ዓይሣኔ፤ዒዚ ጋዓ ባካ ኔጉዋዖ ማዺንቲ ኩማኔ።¹⁶ዼኤፖ ሻጮ ዎዺንቴ ፑኡታጉዲ ሳዓ ዒዚ ሚጫኔ፤ሊኢሎጉዲ ላሃ ዖልኮዋ ዲቢንሢጉዲ ሳዓ ላኣላኔ።¹⁷ሻጮ ቃንፆጉዲ ሳዓ ዒዚ ዲኢኒሻኔ፤ዬያ ኬዳ ሻጮ ቤርታ ዖኦኒያ ጫርቂ ዔቃኒ ዳንዳዑዋሴ።¹⁸ዬካፓ ዒዚ ዓይሥሢ ዓይሣኔ፤ዬይ ላኣዳዺ ዴይ ዓኣ ሻጫ ዓልቃኔ፤ዢባሬ ዒዚ ዢባርሺሴም ዋኣሢ ዒኢፓ ጎዓኔ።¹⁹ፔ ቃኣሎ ያይቆኦቤ ናኣቶምዒዛኮ ዎጎንታ ዳምቦንታ ዒስራዔኤሌም ፔጋሲ ዔርዛኔ።²⁰ዬያ ቢያ ዒዚ ሜሌ ዓይጎ ዴሬማኣ ማዺባኣሴ፤ዬያታ ዒዛኮ ዎጎ ዔሩዋሴ።ናንጊና ናንጋ ጎዳም ጋላታ!

ዓይኑሞ ማፃኣፖ 147 / mdy_twf

ቢያ ባኮ ዳንዳዓ ፆኦሲም ሺኢካ ጋላታ

ዓይኑሞ ማፃኣፖ147mdy_twf