Nɨawari147hch_wb2
1Yawé kenɨawarieka.Yemekɨ 'aixɨa pɨ'ane takakaɨyari hetsiemieme nɨawari temɨkwikani,'aixɨa pɨ'ane meta mɨkɨ heitserie pexeiya teminɨawanikɨ.2Yawé Kerutsareme panukuketɨa,memehapanie 'ixaheritsixi puwakuxexeɨriwa,3memɨyuhiwerie 'aixɨa meteheu'eriekame puwarayeitɨwamemawitekietɨkatsie puwaranaku'eima.4Puwa'inɨata xurawetsixi kememɨyupaɨmemɨkɨ yunaime puwaterɨwa yuxexuime.5Tati'aitɨwame pɨmariwe, meta tɨrɨkariyaya pɨmɨire,kemɨtimaiwe hawaikɨ pɨkaheu'axe,6Yawé puwaranuku'uitɨwa tixaɨtɨ memɨkateheuxeiya,matsi pɨta 'axateyuruwamete puwaratixɨrɨwa.7Xekenenɨawani Yawé pamɨpariyutsi xe'ipitɨatɨ,xekeneukakanariwiwani kanarikɨ Kakaɨyari nɨawarieya xe'utikwitɨ.8Mɨkɨ hai kanikuyuitɨwani,kwiepa wiyeri kaneyenɨ'awanimeta hɨritsie 'ɨxa pɨweriya.9Tewaxi mɨkɨ pɨtiwamikwameta kwatsari tɨɨrixi puwawaweriya pɨtiwamikwa me'utitsuanakaku.10Yawé pɨkayutemawie kawayu tɨrɨkariyayakɨ,meta tewi kemɨranautsawekɨ,11matsi kaninaki'aka kemɨ'ane memeyemakaxe wahetsiemieme,kemɨ'ane naki'eriyayatsie memɨtewiya.12Kerutsaremetari, Yawé hepaɨtsita 'aixɨa xekeneutiyuaneni,yukakaɨyari xekenenɨawani.13Kerutsareme 'itupariyarita meukukeka kanitɨrɨkariyani mɨtse'inikɨmeta 'aixɨa kaniwayurieka mana kiekatari.14Mɨpaɨ pɨtixepitɨa 'aixɨa xemɨtexeiyariekakɨmeta 'ikwai 'aixɨa mɨ'ane kanixemikwani.15Yuniuki kwiepa peyenɨ'awa,naitsarie pɨtakɨka niukieya yumexɨitɨatɨ.16'Ɨwi pɨkawiwiwa mata mutuxa hepaɨ,haɨtsi wiyeri naxi hepaɨ pɨkawiwiwa.17Tee pɨkaxɨrɨwa tetexi 'etsimɨpepe hepaɨ,xewitɨ pɨkayɨwe minewieni haɨtɨriyaya.18Matsi yuniuki kanenɨ'awani mitiparitɨanikɨ,mɨkɨ 'eka punenetɨwa mitiparitsitɨanikɨ, meta haa muwayenexɨanikɨ.19Yuniuki 'ixaheritsixi pɨwahekɨatɨa,meta yu'aitsikate yɨ'ɨkitɨarika puwarupitɨa.20Mɨpaɨ xeime tawarita nuiwari pɨkayuriwe,'atsimepɨkatehetimaiwawe mɨkɨ 'aitsikaya hepaɨtsita.Yawé kenɨawarieka.