Mazimuriyaa146dwr_ltw

Maadda S'oossaw Galataa

1Med'inaa Godaa galatite!Ta shemppattee Med'inaa Godaa galataa!2Ta de'uwaa laytsaa ubbaan,taani Med'inaa Godaa galatana;taani de'eedda keenan ubbaanta S'oossaa sabbana.
3Asay ashshanaw danddayenna diraw,asaa kaappatuwaan ammanettoppite.4Unttunttu shemppuu kesiyaa wode,unttunttu biittaw simmiino;unttunttu halchchuu ubbayhe gallassikka atti aggee.
5Yaak'ooba S'oossay maaddiyaa uraynneMed'inaa Godaa bare S'oossaa barew hidootaa ootsiyaa uray,anjjetteeddawaa.6Med'inaa Goday saluwaanne sa'aa,wolk'k'aama abbaanne Aa giddon de'iyaawaa ubbaa,med'd'eeddawaa;I med'inawukka ammanettiyaawaa.7I naak'etteeddawanttoo pirddiyaawaa;koshateeddawanttoo k'umaa immiyaawaa.Med'inaa Goday k'ashetteeddawantta billee;8Med'inaa Goday k'ook'etuwaa s'eelissee.Med'inaa Goday kunddeeddawantta dentsee;Med'inaa Goday s'illotuwaa siik'ee.9Med'inaa Goday betetuwaa naagee.Am"etuwaanne aawuu bayinna naanatuwaa maaddee;shin iitatuwaa ogiyaa baletsee.10Med'inaa Goday med'inaw kaatetee.S'iyoonee, ne S'oossay,yeletaappe yeletaa gakkanaw kaatetana.Med'inaa Godaa galatite!
expand_more
Search