SAM145kij_png

Wosila yakaula

1Ulo Yaubada ulo Guyau yoku,bakamitulaim yoku saina Tovakaigaga,e banokagutoki baisa yoku, tuta tuta gala biwokuva.2Yam kwaitala kwaitala banokagutoki baisa yoku,e bayakawolaim tuta tuta gala biwokuva.3Guyau matauna Toveka, e ibodi bitayakawoli sainela.Saina Towalakaiwa matauna, gala goli bitakaibiga.
4Tomota biyakawolaisi vavagi makwaisina avaka yoku lokuvagi,e tubwa matubona bilivalaisi baisa matubona tubwa igau bima.Bogwa bikamitulaisi vavagi topilaveka avaka yoku lokuvagi.5Bilivalasi paila kam kwatububula deli m giyouveka,e yeigu baiyenona paila m vavagi makwaisina kabokatubau.6Tomota bilivalaisi vavagi topilaveka avaka yoku lokuvagi,e yeigu bakamitulaim yoku Tovakaigaga.7Bilivalasi paila komwaidona m bobwailila,deli biusiwosisi paila m ninabwaila.8Guyau matauna toyebwaili e tonokapisi.Tomanum matauna, iyobali kala leiya e saina tomitakwai.9Imitukwaibwaili tomota komwaidosi,e inokapisi vavagi komwaidona avaka avaka eibubuli.
10Mwa Guyau! Tommomova komwaidosi biyakawolaimsi,e komwaidosi m tomota binokagutokisi baisa yoku.11Bilivalasi paila m giyouveka isim kala katububula,deli bikamitulaisi m peuligaga,12kidamwa tomota komwaidosi binikolaisi vavagi topilaveka avaka lokuvagideli m kwabokwaraiwaga kala katububula saina ivivivila.13M guyau gala biwokuva, bikanigaga goli,e yoku bukuguyau tuta gala wala biwokuva.Guyau iuvagi komwaidona avaka eikatotila,e avaka avaka iuvagi, komwaidona goli bwaina.14Ipilasi matausina eibodasi mwau,e matausina eikapusisi itokowoi.
15Komwaidona tommomova imitakavataimsi deli si vinagai,e avai tuta magisi bikamsi, yoku kusaiki kʹasi.16Kusaiki avaka bibodi,e komwaidosi bikamsi bikomatasi.
17Guyau tomitukwaibwaila e komwaidona avaka avaka iuvagi mitukwaibwaila wala,e ola vavagi komwaidona iyomitali la nokapisi.18Availa availa idousi baisa matauna, isikaili otalisi matausina,availa availa idoudousi baisa matauna deli ninasi kala duwosisia.19Isisaiki komwaidona avaka magisi baisa matausina availa availa itemmalaisi matauna.Ililagi si dou, e ikatumovi wala matausina.20Ikoli komwaidosi availa availa iyebwailisi matauna,mitaga bogwa bikatumtuwoli tomitugaga.
21Tuta komwaidona bayakawoli Guyau.Ibodi komwaidosi tommomova biyakawolaisi matauna Tobumaboma tuta gala wala biwokuva.
expand_more
Search