Read SAAMUNƆ 145

SAAMUNƆ145bus_sim

Dii táakilɛna a maakɛna yãnzi

Dii táaki kɛ̀ Dauda lɛ̀.

¹Mɛ́ n táaki lɛ́, ma Luda ma Kína,mɛ́gↄ̃ n tↄ́ bↄↄ gurↄ píngi.²Mɛ́gↄ̃ n sáabu kpaa lán guu e dↄↄ nà,mɛ́gↄ̃ n táaki lɛɛ yãana sai.³Dii bíta, à kà wà à táaki lɛ́,à bítakɛ lɛ́ vĩro.⁴Kpàɛnↄ é n yãkɛnanↄ sáabu kpá Wurenↄnɛ,aↄ̃é n yãbitakɛnanↄ kpàakpa kɛ.⁵Aↄ̃é n maakɛ bíta gakuide yã o,mɛ́ n yãbↄnsaɛkɛnanↄ laasuu lɛ́.⁶Aↄ̃é n yãkɛna naaside gbãa yã o,mɛ́ n bítakɛɛ tↄ̃kɛ̃ńnɛ.⁷Aↄ̃é n maakɛ bíta baaru kpá,aↄ̃é guda kɛ n yãzɛdekɛnanↄ yãnzi.

⁸Dii sùu vĩ kↄ̃n wɛ̃ndaao,è pↄ fɛ̃ kpaaro, à gbɛ̃kɛɛ vĩ bíta.⁹Dii è à maaa kɛ baade pínginɛ,è a pↄ́ kɛ̀ à kɛ̀nↄ wɛ̃nda gwa ń píngi.¹⁰Pↄ́ kɛ̀ ń kɛ̀nↄ é n sáabu kpá ń píngi,n yãmarinↄ é n tↄ́ sɛ́ lezĩ, Dii.¹¹Aↄ̃é n kpata gakui gari kɛ,aↄ̃é n iko gbãa yã o,¹²lɛ gbɛ̃ píngi n yãbitakɛnanↄ dↄ̃kↄ̃n n kpata maa gakuide yão.¹³N kpata nɛ́ kpata yãanasaimɛ,nɛ́gↄ̃ dɛ kí ũ ai wa boriia.Dii náanɛ vĩ yã kɛ̀ à ò píngi musu,à sùu vĩ kↄ̃n pↄ́ kɛ̀ à kɛ̀nↄ ń píngi.¹⁴Dii è gbɛ̃ kɛ̀ aↄ̃ↄe lɛɛɛnↄ kũ,è gbɛ̃ kɛ̀ nawɛ̃a tↄ̃̀ḿmanↄ fɛɛ.¹⁵Pↄ́ píngi wɛ́ɛ dↄnzi,nɛɛ̀ pↄ́blee kpáḿma à gurↄↄa.¹⁶Nɛɛ̀ ↄ porońnɛ pↄ́ mↄ́ḿma,nɛɛ̀ pↄ́ píngi pↄyezi bↄkↄ̃tɛnɛ.

¹⁷Dii yãkɛnanↄↄ maa píngi,à gbɛ̃kɛɛ vĩ a yã píngi kɛna guu.¹⁸Dii kĩi kↄ̃n a sìsirinↄ ń píngi,gbɛ̃ kɛ̀ aↄ̃è à sísi kↄ̃n yãpuraaonↄ.¹⁹È a vĩakɛrinↄ pↄyezi bↄkↄ̃tɛńnɛ,è ń wiipɛna ma à ń mì sí.²⁰Dii è gbɛ̃ kɛ̀ aↄ̃ↄ yeaziinↄ dãkpa ń píngi,mↄde eé zaakɛrinↄ kaatɛ.

²¹Dii táakilɛna égↄ̃ da ma lɛ́n,pↄ́ píngi gↄ̃ à tↄ́ kɛ̀ kú adona bↄↄ gurↄ píngi.

SAAMUNƆ 145 / bus_sim

Dii táakilɛna a maakɛna yãnzi

SAAMUNƆ145bus_sim