ዓይኑሞ ማፃኣፖ144mdy_twf
ዳውቴ ዓይኑሞ
ባሺሢ ዴንቃዖ ዓይናዾ ዓይኑሞ
1ናንጊና ናንጋ ጎዳ ማዔ ታኣኮ ላላሢ ጋላቲንቶንጎ!ዒዚ ታና ዖልዚ ዖሎ ጎይሢ ዔርዚ፥ ዖልዚም ጊኢጊሻኔ።2ናንጊና ናንጋ ጎዳ ታና ካፓያ ታኣኮ ጊቲማኬ፤ታኣኮ ፑኖ ካያሢ፥ ሃሣ ታና ዓውሳሢኬ፤ታኣኒ ዒዛ ጉሙርቂ ኮሺ ናንጋኔ፤ዴራኣ ታኣም ዓይሢንታንዳጉዲ ማሃሢ ዒዛኬ።3ናንጊና ናንጋ ጎዳሢዮ!ዓሲንሢ ዓይጎኬ ጌይ ኔ ሃያይዲ ቶኦኮ ዛጋይ?ሃያይዲ ኔ ሂርጊ ዔያቶም ማላሢ ዓይጎኬ ጌይዳይ?4ዓሲ ዢባሬጉዴ ባኣዚኬ፤ናንጋ ዎዳኣ ዔኤዤ ሺቢጉዴ ዴንዲ ባይቃያኬ።5ናንጊና ናንጋ ጎዳሢዮ! ጫሪንጮ ዳርዚ ሊካ ኬዴ፤ዹኮ ኔ ኩጮና ካኣሚ ጩቢሼ።6ኔኤኮ ዜኤሊንፆ ዜኤሊንሢ ኔ ሞርኮ ዳውሲ ባይዜ፤ኔኤኮ ሂኢዦና ዔያቶ ዱኪ ዳውሴ።7ኔ ኩጮ ሎኦፓ ሊካ ዳኬ፤ዼኤፖ ዋኣፆ ዴማፓ ታና ጎቺ ኬሲ፥ ዓውሴ፤ፃንጎ ማዔ ሜሌ ዓጮ ዓሶፓ ታና ዓይሴ።8ዔያታ ፔቴታዖ ጎኔ ባኣዚ ጌስቱዋሴ፤ሚዛቆ ኩጮ ዔያታ ዔቂሲ ሉኡዙሞና ጫኣቃኔ።9ፆኦሲዮ! ዓኪ ዓይኑሞ ኔና ቦንቺ ታ ዓይናዻንዳኔ፤ታጶ ሻሺ ዴንሢንታ ጎኦሎዋ ዋርቂ ታኣኒ ዓይናዻንዳኔ።10ዖልዚና ባሻንዳጉዲ ካኣቶም ኔኤኒ ዎልቄ ዒንጋኔ፤ኔ ዓይላሢ ዳውቴያ ጬንቾ ዓራፖ ዓጬሢፓ ኔ ዓውሳያኬ።11ፃንጎ ማዔ ሜሌ ዓጮ ሞርኮይዳፓ ታና ዓውሴ፤ዔያቶኮ ዻንጋ ሉኡዚ ባኣዚ ጌስታያኬ፤ሚዛቆ ኩጮ ዔያታ ሉኡዙሞ ጫኣቁሞሮ ዔዔቂሳኔ።12ኑኡኮ ዼጌ ናኣታ ሃጊ ዔቃኣናሃጊ ባቃሊ ዑጊ ዴንዳ ሚሢጉዲ ማዖንጎ፤ኑኡኮ ዉዱሮ ናኣታ ካኣቱሞ ማኣሮኮ ጎንጃሢ ዎላ ካኣማ ካሮይዳዾቂንቲ ኬኤፆ ሚዛጲሳ፥ ዓርሲ ኮሾና ፒዜ ቱርቱሮጉዲ ማዖንጎ።13ኮና ኑኡኮ ዱማ ዱማ ቶኦኪ ሃኣኮና ኩሜያ ማዖንጎ፤ሄንፆሮ ዞኦዞ ኬስኬ ኑኡኮ ማራታሚርጌ ሺያና ፓይዲንታ ማሪናይ ሾይ ዺቦንጎ።14ባኣታ ኑኡኮ ካኣሽኮንጎ፤ቡሉዋዖ ሾይ ሾይ ዺቦንጎ፤ኑና ዲዒ ዔኪ ዴንዳ ባኣዚ ባይቆንጎ፤ኑ ካታሞኮ ሳዞ ጎይፆ ዼኤፖይዳ ዬኤፒ ዑኡሲ ዋይዚንቶፓ።15ዬያጉዴ ዓንጆ ዒንጊንቴ ዴሬ ጋላቲንቴያኬ፤ናንጊና ናንጋ ጎዳ ዔያቶኮ ፆኦሲ ማዔ ዴሬ ዓንጂንቴያኬ።