SAM144kij_png

Taitala guyau inokagutoki baisa Yaubada paila la tomgwaga

1Kala yakaula Guyau, matauna agu tokwala!Matauna ivakadaigu paila kabilia,e ikatubiasaigu paila bakabilia.2Matauna agu tokwala deli agu taboda,ulo kabosipepuni deli agu tokwatumova,e metoya baisa matauna adubumi paila babwaina.Matauna ivabu boda ituwoli ituwoli osikowagu.
3Mwa Guyau! Avakaga tomota, kidamwa bibodi bukuvitoki tolosisi?E ammakawala mina watanawa, tuta komwaidona lokunakaigali matausina?4Matausina makawala wala myala yagila,e si yam eiukuwokuva makawala kaikonigula eiukuwokuva.
5Mwa Guyau! Kukisi labuma e kubusiga kuma ovalu watanawa.Kukwabikoni koya makwaisina e bikasauwaisi mseu.6Kuwitali kavikavila bima e kubutugigai kam tilaula.Kulavi m kwaiyala e kuvigaki matausina bisakaulasi.7E metoya walakaiwa kukwalakovae kubiaigu kumaiyaigu metoya otilibwabwau e kukolaigu.Ibodi bukukwatumovaigu metoya oyumasi togilagala,8matausina gala avai tuta bilivalasi avaka kamokwita,deli goli bisisasopasi otutala yakala.
9Mwa Yaubada! Yeigu bawosi pilatala wosi pilavau baisa yoku.Bawawai ulo gita deli wosigu baisa yoku.10Yoku kusaiki gweguya si tomgwaga,deli kukoli m touwata Debida.
11Mwa! Kukwatumovaigu metoya agu tilaula tovakatutuki.Kukolaigu metoya oyumasi togilagala,matausina gala avai tuta bilivalasi avaka kamokwita,e deli goli bisisasopasi otutala yakala.
12Ibodi litumaiasi tauwau osi tuta tubovau bitubwasi,makawala kai makaisina isusinasi kaipapeula.Ibodi litumaiasi vivila kasi naminabwaita,makawala kokolela ligisa isim kala katububula.13Ibodi ma bwaimasi bivakasaumetoya bagula kala kabinai.Ibodi ma sipisi oma kwabilasibivilulaisi litusia lakatuluwovila.14Ibodi ma bulutuvalusi biviluluvausi saina bidugaga,e gala biyopoisi kaina bisolovaisi litusia.Ibodi vilumgaga gala bisisu olopola ma valusi.
15Bimwasawasi avai boda avai bodakidamwa mokwita wala bikaloubusisi makawala baisa matausina.Tomota matausina eivigakaisi Yaubada si Guyau, ibodi bimwasawasi goli.
expand_more
Search