Zabuli144kdc_pbt
ZABULI YA 144
(Zabuli ya Daudi.)
1Yatogoligwe Mndewa Imulungu, dibwe jangu,yogagwaa nguvu makono gangu mwiing'hondo,na kuvifundiza vidole vangu kuitowa.2Heyo ayo unogelo wangu hawishaga na ngome yangu,mkombola wangu na ngome yangu,ngao yangu inimkimbilile,heyo koweka hasi yangu wanhu wa isi ziyagwe.3Go Mndewa Imulungu, munhu kinhu gani mbaka umgese?Munhu kinhu gani mbaka umgelegeze?4Munhu kaigala na mhumuzi,siku zake kamba sisila vidibita.5Go Mndewa Imulungu, vugula ulanga uhumuluke hasi,ukwase vigongo vilawe yosi.6Gala lumwesa, uwapwililise iwanhu okwihila,utowe misale yako uwakimbize.7Ugolose mkono wako kulawa uchanha,unikombole na unihonye kulawa mmazi mengi,unisegese mmakono ga iwanhu baki,8awo milomo yao imema uvizi,na awo oiduwila kwa uvizi.9Go Imulungu, nokwimbila lwila lwa sambi,kwa bango dili na nzabi longo nokwimbila,10kumwako gweye uwagwaa mhumo wandewa,komkombola msang'hanaji wako Daudi,kulawa mdisime digala ifa.11Unikombole na unihonye kulawa mmakono ga wanhu baki,awo milomo yao yolonga uvizi,na awo oiduwila kwa uvizi.12Abaho wanetu muubwanga wao okuwa kamba minoga iloligwe goya,na wandele zetu okuwa kamba mhanda zichongigwe kwa kuhambila goya ng'anda ya kindewa.13Makanho getu gameme aina zose za ndiya na vinhu vilondigwa.Ng'hondolo zetu olela maelufu,olela maelufu kwa maelufu mmigunda,14ng'ombe zetu opapa mizigo mikulu,sikukuwe na ng'hondo, hebu kuhamizigwa,na sikukuwe na ndilo mzinzila zetu.15Wamweda wanhu weli vivo,wamweda wanhu awo Mndewa Imulungu, iyo Imulungu wao.