Amingingo g’obwîrhôhye
1Lulanga. Lwa Daudi.Waliha yumva omusengero gwâni, oyumve amingingo gâni bulya we Mudahemuka, oyumvîrhize bulya we Mushinganyanya.2Omanye wankajisa mwambali wâwe lubanja, bulya ntà wabusirwe oli mushinganyanya embere zâwe.3Kulya kubà onshombire ashimbulwîre omûka gwâni; obuzîne bwâni abuhizire aha nshi; anandekerize omu mwizimya aka abakola bali nsiku bafîre.4Omûka gundimwo gukola ntagwo, n’omurhima gwâni gwarhemusire.5Namâkengêra ensiku zàli burhanzi, namâyibuka emikolo yâwe yoshi, namâsingiriza obushanja enfune zâwe zàkolaga.6Arhali bw’obu ndambûlîre amaboko emund’oli omurhima gwâni enyôrha yagukabize nk’idaho lya canda.7Nyumva duba mâshi, Yâgirwa, bulyâla omûka gundimwo gukola ntagwo. omanye wakananfulika obusù bwâwe, nankanaba nka abayandagalira emwîna.8Ndisa duba oku burhonyi bwâwe, bulyâla wêne ncîkubagira. Nyêreka njira ehi nashimba, bulyâla emund’oli yo ndengerize omûka gwâni.9Ndîkûza oku bantu banshomba, Yâgirwa, wêne ndangâlîre.10Nyigîriza nkazijira oku olonzize, bulya we Nyamubâho wâni. Mûka wâwe arhahimwa kuyinjiha ampise omu cibandâna.11Izîno lyâwe, Yâgirwa, lirhume wannanga mugumagumà, olukogo lwâwe lurhume warhenza omûka gwâni omu burhè.12N’obwinjà bwâwe burhume wahungumula abanshomba. N’abalibuza omûka gwâni boshi, obaherêrekeze, bulya ndi mwambali wâwe.