Zabuli143kdc_pbt
ZABULI YA 143
(Zabuli ya Daudi.)
1Go Mndewa Imulungu, uhulike kupula kwangu,uhulike kupula kwangu na unyonele bazi,mkutamanilwa kwako na haki wize unitaze.2Sikuumtaguse msang'hanaji wako,kwavija kuduhu munhu yokala kuno kana haki kuulongozi wako.3Munhu yehile koikweleleza loho yangu,koubwanha hasi ugima wangu.Konitenda nikale mdiziza kamba munhu yadanganike toka mwaka.4Avo, loho yangu yosinduka mgati yangu,moyo wangu mgati yangu odumba.5Nizikumbuka siku za umwaka,nogelegeza sang'hano zako,nogesa sang'hano zitendigwe kwa makono gako.6Nogolosa makono gangu kumwako,loho yangu yokonela ng'hilu kamba isi inyalile.7Go Mndewa Imulungu, ulopole kunidika,loho yangu yosinduka.Sikuunifise kihanga chako,buleavo nokuwa kamba awo ohumuluka kuzimu.8Imitondo unilagusile unogelo wako hawishaga,kwavija tamanilo jangu da kumwako,nilagusile nzila yakubita,kwavija noulava moyo wangu kumwako.9Go Mndewa Imulungu,unihonye na iwanhu onihila,niye nikukimbilila gweye unifise.10Unifunze kutenda gaja goulonda,kwavija gweye ayo Imulungu wangu,Loho wako yanogile yanilongoze mwiinzila igoloke.11Go Mndewa Imulungu, mbuli ya twaga jako, ukalize ugima wangu,mbuli ya haki yako, unilave mmagazo.12Kwa unogelo wako hawishaga,uwabanange iwanhu onihila,uwabanange wose onideta,kwavija niye msang'hanaji wako.