Ninge142gfk_tbl
Devit ga pit iakan ra ninge. I hinhinawas utano pakana bung ing Devit ga kis narako tano matana haat. A sinasaring ie.
1Iau manga suah uram hono Watong.Iau raun haut no ingagu uram hono Watong wara gaena harmarsai.2Iau burange hasur ira nugu bala ngungut uram ho ie.Iau hinawasei ta ira nugu tinirih.3Ing bia no nugu nilon i maalum,augu iaat u nunure tar no nugu ngaas na hinahaan.Kaia tano ngaas nong iau mur ie,di te suhe tar tiga kuun wara utagu.4Nanaas ukai hono kata na limagu ma nu nesbia taie tikai pai lik bia na harahut iau.Taie nugu ta barbarahit.Taie tikai pai balaure tar no nugu nilon.5Watong, iau suah ukaia ho ugu.Iau tange, “Augu no nugu barbarahit.Augu no pinlawegu kai ra taman audiet ira lilona.6Hadade no nugu sunuah, kanong iau manga tapunuk.Halon leh iau sukun diet ing diet paspasak hani iau,kanong diet manga dadas tagu.7Halangalanga iau sukun no nugu harpidanau,waing iau nigi pirlat no hinsaam.Io kaik, ira ut na takodas diet na hanuat luhutane iaukanong utano bilbilai u te gil ie tagu.