Read Soũↄ 142

Soũↄ142bqc_sim

Wabikɛa gbɛ̀'ɛu

¹Davidi wabikɛa gↄↄ pↄ́ a ku gbɛ̀'ɛu.²Málɛ ↄ́ gbãa dↄ Diiɛ,málɛ wɛ̃na wii lɛ Diiwa.³Málɛ a yã'ↄ̃ma bↄlɛɛ̀,málɛ a taasikɛa siuɛ̀.⁴Tó ma wɛ̃ni gↄ̃̀ lɛɛ,ḿmɛ niↄ ma kua dↄ̃.Wà baikpàmɛɛ ma táa'ozɛu.⁵Wɛ́sɛ ǹ ma ↄplaa gwa,gbɛ̃e lɛ́ ma yãdao.Ulɛkĩi làaa,gbɛ̃e lɛ́ ma aafia gbɛao.

⁶Dii, málɛ wiilɛma ma mɛ̀:Ḿmɛ ń ma ulɛkĩi ũ,ḿmɛ ń ma baa ũ dṹniaɛ beeu.⁷Swãdↄ ma wiilɛai,asa ma gↄ̃ mugɛɛnnↄɛ.Ma si ma gbɛ̀sɛlɛnaↄwa,asa an gbãa dɛmalaɛ.⁸Ma bↄ yooyeaɛ beeu,kɛ́ mà n tↄbↄ,gbɛ̃maaↄ i kãaamazi,kɛ́ n maakɛ̀mɛɛ yã́i.

Soũↄ 142 / bqc_sim

Wabikɛa gbɛ̀'ɛu

Soũↄ142bqc_sim