Nɨawari14hch_wb2
Teyuitɨwamete wa'ukiyari. Rawiri nɨawarieya.
1'Atsimɨkatimate yu'iyaritsie mɨpaɨ kaniutaineni:«Kakaɨyari pumawe».Mɨkɨ mepɨtipɨnirɨme, xani'eriwamekɨ yameteyurietɨ.Xewitɨtɨma pɨka'uyeika 'aixɨa tiyurienetɨ.2Muyuawitsie paitɨ Yawé teɨteri kaniwataxeiyani,pɨtaniere xewitɨ 'aku kapuyeikatimaiwetɨ Kakaɨyari kuwaunetɨ.3Yunaitɨ mepeuyexɨri,nixewitɨ pɨkayuhayewaxɨ.Xewitɨ tɨma 'apɨka'uyeika 'aixɨa tiyurienetɨ,nixewitɨ pɨka'uyeikatɨma.4¿Kamɨtsɨ 'atsimekatemate yunaitɨ 'axamemɨteyurie,neteɨterima memɨwakwa'a paa memɨhɨkɨtɨni hepaɨ?Hatsuaku Yawé mepɨkahahɨaweni.5Mana mekaniwamariutani xeikɨa,peru Kakaɨyari heitserie memexeiya kaniwaparewieka.6Xeme tixaɨtɨ memɨkatehexeiya kememɨteyukɨhɨawe xemɨtewakwatsirie,peru Yawé wahetsie kaninuaka.7Kakaɨyari mɨpaɨ mɨtina'eriwanikeKerutsareme hetsiemieme wikweitsitɨarika mɨnanɨ'ani.Kepauka Yawé yuteɨterima mɨwatawikweitsitɨani,'ana 'ixaheritsixi yunaitɨ mekaniyukatemamawiekuni.