Yontu14dop_sim

Yəlɑɑ kʋpɑmɑ nɑ pɑ Ɩsɔ kɛ́ ɑntulinyɑ ɩsɑɣɑʋ tɑɑ

1Tɑfiiti yontu nti tə wɛ yonyoolɑɑnyʋɣʋ tʋ yontunɑɑ tɑɑ tɔɣɔlɔ.Kʋmɛlɛməŋ mɑɣɑsəɣənɑ ɩ tɑɑ sɩ Ɩsɔ fɛɩ.Yəlɑɑ mpɛ pɑ wɑkəlɑɑ kɛ́ nɑ pɑ́ lɑkɩ ɑcɑɑlətʋ,kʋpɑntʋ lɑtʋ fɛɩ.2Hɑtoo ɩsɔtɑɑ kɛ́ Tɑcɑɑ nyənəɣənɑ ɑtɛ yəlɑɑsɩ ɩ nɑɑkɩ sɩ ləmɑɣɑsɛɛ tʋ nɔɣɔlʋ ɩ pɛɛkəɣɩ ɩ sɛɛʋ nɑ.3Pɑ tənɑ pɑ yelɑ ɩ mpɑɑʋ kɛ́ nɑ pɑ́ wɑkəlɩ.Kʋpɑntʋ lɑtʋ fɛɩ pɑ tɑɑ, pɑɑ kʋlʋm.
4Tɑcɑɑ sɩ: Kɑwɑlɑɣɑ lɑtɑɑ tənɑ fɛɩnɑ ləmɑɣɑsɛɛ.Pɑ pəsɑ mɑ yəlɑɑ ɩsɩɩ tɔɣɔnɑɣɑ nɑ pɑ́ tɔkɩ pɑɑ sɛɛkɩ-m.
5Tənɑɣɑ pɑɑ selinɑ sɔɣɔntʋ kɛ sɔsɔm.Mpi tɔ, Ɩsɔ kɑ́ wɛɛ mpɑ pɑ nɩɩkənɑ-ɩ tɔ pɑ wɑɑlɩ.6Kʋnyɔntʋnɑɑ tɛɛlʋɣʋ kɛ ɩ́ cɑɑkɩ wɑkəlʋɣʋ.Ɩlɛ Tɑcɑɑ kɛlɛ pɑ kpʋlʋɣʋ tətʋlɛ.
7Hɑɩ, mɑ kooliɣi kɛ́ sɩƖsɛɣɛlɩ nyə́mɑ wɑɑsʋɣʋ ɩ́ lɩɩnɑ Ɩsɔ kiŋ kɛ Siyɔŋ pʋɣʋ tɑɑkɛ́ wɑɑtʋ wei Tɑcɑɑ kɑ́ məŋnɑ ɩ yəlɑɑ mpɑ pɑɑ kuuwɑ tɔ.Yɑkɔpʋ lʋlʋɣʋ nyə́mɑ Ɩsɛɣɛlɩ nyə́mɑkɑ́ ŋmɑɑlənɑ lɑŋhʋlʋmlɛ sɔsɔɔlɛ.
expand_more
Search