Dagiti Salmo139ilo_ulb
1O Yahweh, sinukimatnak, ken am-ammonak.2Ammom no agtugaw ken no agtakderak; maawatam dagiti pampanunotko uray adayoka kaniak.3Ammom ti dalanko ken inton agiddaak; pagaammom unay dagiti amin a dalanko.4Ta awan ti sao nga innak isao a saanmo nga ammo a naan-anay, O Yahweh.5Lawlawlawennak iti likudan ken iti sangoanan ken ipatpataymo ti imam kaniak.6Ti kasta a pannakaammo ket nalabes unay kaniak; nangato unay, ken saanko daytoy a maawatan.7Sadino ti papanak tapno makalibasak iti Espiritum? Sadino ti mabalinko a pagkamangan manipud iti presensiam?8No agpangatoak kadagiti langit, addaka sadiay; no aramidek ti pagiddaak idiay sheol, adtoy, addaka sadiay.9No tumayabak kadagiti payyak ti agsapa ket apanak agnaed kadagiti ungto a paset iti ballasiw ti taaw,10uray sadiay idalannakto ti imam, ken tenglennakto ti makannawan nga imam.11No kunaek, “Awan duadua a ti sipnget ilemmengnak ken ti rabii ket isunto ti lawagko;”12uray ti sipnget ket saan a makalemmeng kenka. Ti rabii ket agraniag a kasla aldaw, ta ti sipnget ken ti lawag ket agpadpada laeng kenka.13Binukelmo ti akin-uneg a kinataok; binukelnak iti aanakan ti inak.14Agyamannak kenka, ta makapasiddaaw ken nakakaskasdaaw dagiti aramidmo. Ammom la unay ti biagko.15Saan a nailemmeng ti bagik kenka idi naaramidak iti nalimed, idi siaannad a naaramidak kadagiti kaunggan ti daga.16Nakitanak iti uneg ti aanakan; dagiti amin nga aldaw a naituding para kaniak ket nailanaden iti librom sakbay pay a mapasamak ti umuna.17Anian a nagpateg dagiti pampanunotmo kaniak, O Dios! Anian a nagadu ti pakadagupanda!18No innak ida bilangen, ad-adu pay ti bilangda ngem iti darat. Inton agriingak, addaak latta dita dennam.19No papatayem la koman ti nadangkes, O Dios; umadayokayo kaniak, dakayo a naranggas a tattao.20Suksukirendaka ken agtigtignayda a siaallilaw; agul-ulbod dagiti kabusormo.21Di met kagurgurak, O Yahweh, dagidiay a manggurgura kenka? Di met laklaksidek dagiti tumakder a bumusor kenka?22Kagurgurak ida iti kasta unay; nagbalinda a kabusorko.23Sukimatennak, O Dios, ken ammoem ti pusok; padasennak ken ammoem dagiti pampanunotko.24Kitaem no adda ti uray ania a nadangkes a wagas kaniak, ket idalannak iti dalan nga awan patinggana.