Read ZABURA 139

ZABURA139bqp_sim

Dikiri yã sĩnda pínki dↄ̃

Dauda lɛ̀ɛ.

¹Dikiri, n ma yã gwàgwa n dↄ̃̀,²ń ma vutɛna kũ ma futɛnaao dↄ̃,zaa zã̀zã ń ma laasunnↄ dↄ̃.³Ndì ma táa'ona kũ ma wutɛnaao tàasi ká,n kↄ̃ dↄ̃̀ kũ ma yãnↄ pínki.⁴Ari yã gↄ̃ bo ma lɛ́n,Dikiri, ń dↄ̃ sãnsãn.

⁵Ń likamai kpɛ kũ arɛo,n ↄ kúmala.⁶Dↄ̃na bire demɛnɛ daboyã ũmɛ,à demala, ma ↄ̃ndↄ̃ dí káaro.

⁷Mán mani gɛ́n mà kɛ̃ n Niniaa?Mán mani bàa sí mà gɛ́n mà kuranyĩi?⁸Tó ma futɛ ma gɛ musu, ń kú gwe!Tó ma wutɛki kɛ̀ gyãwãn, mↄkↄ̃mmɛ gwe!⁹Tó ma futɛ ma gɛ ifãboki kpa,tó ma gɛ vutɛ ísira bara ifãlɛtɛ kpa,¹⁰bee gwemɛ má na n ↄĩ,ĩnigↄ̃ ma kũna kũ n ↄplao.

¹¹Tó ma pì gusira damala,ke gupura kũ à likamai li gwãani ũ,¹²gu dìgↄ̃ sirannɛro,gwãani dìgↄ̃ dennɛ lán fãnantɛ̃ bàmɛ,gupura kũ gusirao dìgↄ̃ lɛɛlɛnnɛmɛ.

¹³Mↄkↄ̃n mɛ́ n ma gũn kɛ̀,n ma í kàsa ma da nɛ̀sɛn.¹⁴Ma n sáabu kɛ̀ kũ ma kɛna naasi vĩakũsↄ̃ à yãbonsarɛ vĩ.N yãkɛnanↄ dì bo ń sarɛ,má dↄ̃ sãnsãn ma nɛ̀sɛn.¹⁵Gↄrↄ kũ n ma í kàsa nɛ́'isↄↄ gũn,ma wá ke utɛnannɛro.Kũ ma mɛ̀ tɛn li asiri gũn gwe,¹⁶n wɛ́ sì ma nɛ́gbĩnilɛ.Lákũ n ma gↄrↄ dìtɛ nà pínki,a lɛ́ kú n takadanzaade a ke dí naaro.

¹⁷Luda, n laasunn bɛ̀ɛrɛ vĩmɛnɛ manamana,a lɛ́ vĩro fá!¹⁸Tó má ye mà naro,ń dasi de bùsu'atɛ̃la,tó ma vu,madìgↄ̃ kú kũnwo ari tera.

¹⁹Luda, tó ĩni gbɛ̃ vãninↄ dɛdɛ dé?À gomala, ákↄ̃nↄ gbɛ̃dɛrinↄ!²⁰N ibɛrɛnↄ dì n yã o kũ nɛ̀sɛ vãnio,n tↄ́ bɛ̀ɛrɛ vĩ n lɛ́nlo.²¹Dikiri, madì zã gbɛ̃ kũ ò zã̀ngunↄguroo?Madì gí gbɛ̃ kũ ò fùtɛnyĩnↄ kãi.²²Má yãke vĩńnɛro, se zãngu,madì ń ditɛ ma ibɛrɛnↄ ũmɛ.

²³Luda, ǹ ma gwagwa ǹ ma nɛ̀sɛ dↄ̃,ǹ ma yↄ̃ ǹ ma gwa ǹ ma laasun dↄ̃.²⁴Ǹ gwa tó má laasun vãni ke vĩ,ǹ ma da zɛ́ kũ àdigↄ̃ kun gↄrↄ sĩnda pínkiaa gũn.

ZABURA 139 / bqp_sim

Dikiri yã sĩnda pínki dↄ̃

ZABURA139bqp_sim