Israel Embo Teana Embo Da Reighida Irise, Mema Iri, Ghasegai Isimbuseri.
1Namonde gitofu reighida buvurutuse, ututu Saion kotise, Babylon aminda uvu iritirera,ainda betuda anumbedo dimbiya useri.2Amingedo, namaneda gita mane ika fatu da esege dodo, jo sekago bu divae edo ghuseri.3Ai resira amo, Babylon embo namonde sandi budo isera, aimi yaru eminge saoro dae siseri,“Saion da yaru eni ava siruruvu, ningore!” siseri.4Namonde teana embo da reighida nange Bajari kena yaru gatise divareri?5Arie Jerusalem ko, na ni kotae arena, Bajari aso nanda ungo gimanduimi gita dari jo inono ae aeteni.6Arie Jerusalem ko, na nindae ivugai jarutusena ava kotae arena mo.Na yaru sari bunaeteni!7Arie Bajari, Jerusalem gitofuimi rurusira da sifo amindaEdom embo nange usera ava kotaetesi!Ne eminge sise, jo itako doyae tambuno use,“Jighi torerevu, vose endada fasare!” resera ava kotaetesi.8Babylon, nimoa titigho arera. Namanendae nange usesa aindae,mino evetu genembo mave arera ivugaghae irarera!9Evetu genembo mave nenda sasingu veveyako bambudo,ghamana tamonda dari fusuruma arira, ivugaghae irarera!