KÖLFEL
137
/
chk_bsm
Än ekewe chon oola Papilon kechü
1
Iwe, ünükün ekewe chanpupun Papilon aia mottiu o kechü,
lupwen aia chechemeni Sion.
2
Ikenan aia asapätä nöüm kewe ükülele
won ekewe silifö.
3
Ikenan ekewe chon liapenikem ra ürenikem pwe aipwe köl,
ekewe chon ariaföüükem ra ariänikem pwe aipwe pwapwa,
ra apasa, “Oupwe eäni ngenikem echö ekewe kölün Sion.”
4
Epwe ifa usun, äm aipwe tongeni eäni kölün ewe Samol mi Lapalap
lon fanüen ekis?
5
Are üpwe manlükala en, Jerusalem,
pöüifichi epwe pwasala.
6
Chönawei epwe pachätä fän fongochi,
are üsap chechemenuk,
are üsap ekieki pwe en, Jerusalem,
kopwe ai pwapwa lap seni mettoch meinisin.
7
Ai Samol mi Lapalap, kopwe chechemeni mine ekewe chon Etom ra föri
lon ewe ränin Jerusalem a tala.
Kopwe chechemeni usun ar apasa, “Ataela, ataela, aturätiu tori longolongun fan.”
8
En Papilon kopwe tala.
Epwe pwapwa ätewe mi ngonuk
chappen om föför ngenikem.
9
Epwe pwapwa ätewe mi angei noum kewe semirit
o monerela ngeni eu achau.
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
share
Share
chevron_right
Next Chapter