Nɨawari136hch_wb2
1Yawé pamɨpariyutsi xekenepitɨaka, karikɨ mɨkɨ 'aixɨa katiniuka'iyarini,mɨkɨ hatsuaku pɨkatatsihayewa tatsinaki'erietɨ.2Pamɨpariyutsi xekenepitɨaka Kakaɨyari mumariwe kakaɨyarixi kememɨka'anene,mɨkɨ hatsuaku pɨkatatsihayewa tatsinaki'erietɨ.3Pamɨpariyutsi xekenepitɨaka te'aitamete Tiwa'aitɨwame,mɨkɨ hatsuaku pɨkatatsihayewa tatsinaki'erietɨ.4Mɨkɨ xeikɨa mariweme mɨtiwewiwe,mɨkɨ hatsuaku pɨkatatsihayewa tatsinaki'erietɨ.5Timaiwetɨ muyuawi mutawewi,mɨkɨ hatsuaku pɨkatatsihayewa tatsinaki'erietɨ.6Kemɨ'ane kwie mutaweraxɨ haramara hetsie,mɨkɨ hatsuaku pɨkatatsihayewa tatsinaki'erietɨ.7Kemɨ'ane muyuawitsie memeukatei muwarunetɨa memɨhekɨariwie,mɨkɨ hatsuaku pɨkatatsihayewa tatsinaki'erietɨ.8Tau munetɨa mɨhekɨariwiekakɨ tukarikɨ,mɨkɨ hatsuaku pɨkatatsihayewa tatsinaki'erietɨ.9Metsa meta xurawetsixi, tɨkarikɨ memɨhekɨariwiekakɨ,mɨkɨ hatsuaku pɨkatatsihayewa tatsinaki'erietɨ.10Kemɨ'ane 'ekipitutari waniwema mexɨakate mɨwarukwi,mɨkɨ hatsuaku pɨkatatsihayewa tatsinaki'erietɨ.11'Ixaheritsixi 'Ekipitu muwarayewitɨ,mɨkɨ hatsuaku pɨkatatsihayewa tatsinaki'erietɨ.12Yumamá mɨtɨrɨkaɨye tatseratɨ,mɨkɨ hatsuaku pɨkatatsihayewa tatsinaki'erietɨ.13Kemɨ'ane Haramara Mɨxeta manutayepi,mɨkɨ hatsuaku pɨkatatsihayewa tatsinaki'erietɨ.14Hixɨapa muwaruwitɨtɨya 'ixaheritsixi,mɨkɨ hatsuaku pɨkatatsihayewa tatsinaki'erietɨ.15Parahuni meta kuyaximama Haramara Mɨxeta hetsie mɨwarukayunitɨa,mɨkɨ hatsuaku pɨkatatsihayewa tatsinaki'erietɨ.16Kemɨ'ane makumawetsie yuteɨterima muwaruyewitɨtɨya,mɨkɨ hatsuaku pɨkatatsihayewa tatsinaki'erietɨ.17Memamariwaweme te'aitamete mɨwaruka'unaxɨ,mɨkɨ hatsuaku pɨkatatsihayewa tatsinaki'erietɨ.18Te'aitamete memɨte'ayu'iwa mɨwarukwi,mɨkɨ hatsuaku pɨkatatsihayewa tatsinaki'erietɨ.19Tsikuni, 'amuxeutsixi tiwa'aitɨwame mumi,mɨkɨ hatsuaku pɨkatatsihayewa tatsinaki'erietɨ.20Ti'aitame 'Uhuki Watsani kiekame mumi,mɨkɨ hatsuaku pɨkatatsihayewa tatsinaki'erietɨ.21Mɨkɨ wakwie yuteɨterima kaniwayetuirieni,mɨkɨ hatsuaku pɨkatatsihayewa tatsinaki'erietɨ.22Mɨkɨ 'ixaheritsixi te'i'uximayatsiriwamete mɨtiwarutapitɨa,mɨkɨ hatsuaku pɨkatatsihayewa tatsinaki'erietɨ.23Hatsuaku mɨkatatsihatɨtɨmaiya, tsepa haweri temu'itɨarie,mɨkɨ hatsuaku pɨkatatsihayewa tatsinaki'erietɨ.24Memɨtatsi'aye'unie wahetsɨa mɨtatsiwikweitsitɨa,mɨkɨ hatsuaku pɨkatatsihayewa tatsinaki'erietɨ.25Yunaime memɨte'ayeneniere mɨtiwamikwa,mɨkɨ hatsuaku pɨkatatsihayewa tatsinaki'erietɨ.26Kakaɨyari muyuawitsie makawe pamɨpariyutsi xekenepitɨaka.Mɨkɨ hatsuaku pɨkatatsihayewa tatsinaki'erietɨ.