Read Soũↄ 132

Soũↄ132bqc_sim

Davidi buiↄ zↄ̃lɛa báawa Siↄna

Gɛa Yelusalɛũ lɛ.

¹Dii, ńsu to Davidi yã́ sãnguń taasi pↄ́ a kɛ̀o píi.²À lɛkɛ̀ Yakↄbu Lua gbãadewa,à lɛgbɛ̃̀ Diiɛ à mɛ̀,³á tá kpɛ́uo,á wúlɛ a liiwao,⁴á we i a wɛ́baa gbiakũo,á tó i na a wɛ́uo,⁵e à gɛ uakpaò Diiɛ,i kpɛdↄ Yakↄbu Lua gbãadepiɛ.

⁶Wá mà a ku Ɛflata bùsuu,wá è Kiliayaaliũdeↄ bua.⁷Wà gɛ́ aà kúkĩi,wà kúlɛ aà gbadibↄ aɛ.⁸Dii, fɛlɛ su n pilakĩi,mpi ń n kpagolo ikodeo.⁹N gbàgbanaↄ gbɛ̃suabaa da ula ũ,n yãmanaↄ gula iↄ dↄ.¹⁰Ńsu mikpɛdↄ kía pↄ́ ń kpàɛon zↄ̀blena Davidi yã́i.

¹¹Dii lɛgbɛ̃̀ Davidiɛ,a náai vĩ, a lɛ́ lilɛo, à mɛ̀:Má n bui zↄ̃lɛ n kpalabaawa.¹²Tó n buiↄ ma bàakuańnↄ yãdà,mɛ́ aa yã́ pↄ́ má dànɛ́ↄ kũa,an buiↄ aaↄ zↄ̃lɛ n kpalabaawa gↄↄpiiɛ.¹³Asa Dii Siↄna sɛ̀,a ye àↄ dɛ a zↄ̃lɛkĩi ũ à mɛ̀:¹⁴Guɛ bee máↄ kuu gↄↄpii,la máↄ zↄ̃lɛau, asa à ma pↄ́ gbàɛ.¹⁵Má báaadau, mí kũ̀sũa diɛ̀,má blɛ kpa a wɛ̃nadeↄwa aa kã́.¹⁶Má gbɛ̃suabaa da sa'onaↄnɛ ula ũ,ma yãmanaↄ lɛtɛ̃ iↄ dↄ ń pↄnao.¹⁷We má Davidi bui kía gbãade bↄu,we kía pↄ́ má kpà filia aↄ dↄu.¹⁸Má wida aà ibɛɛↄwa,aà kíafua iↄ pipi aà musu.

Soũↄ 132 / bqc_sim

Davidi buiↄ zↄ̃lɛa báawa Siↄna

Soũↄ132bqc_sim