Salmo13bps_wbt
I to là gfisan du ftabeng di Dwata
Ani satu lingag Dabid.
1Amugu Dwata, tan i klom fa mlifet deg?Kel kè di landè sen?Kel di kilen kafbayaam deg?2Tan i klogu fa tmayud di klidù i nawagu?Mlidù nawagu tayud duh di kafsasè i dad to dmuen deg.3Amugu Dwata, neyem i kagkahgu na tnabengam agu;fuléam di deg i kgalgu du fye là agu fles mati;4du ku fles agu mati ken manla, “Tagfisanmi kenen,”na lehew i dad mlayam deg di kagfisangu.5Kabay smalig agu di kakdom i landè kgilin,na too agu lehew du falwaam agu kadang.6Amugu Dwata, mlingag agu di ge du mdà di bong kafyem di deg.