Nɨawari122hch_wb2
Ku'uwamete wakwikari. Rawiri nɨawarieya.
1Ne nepuyukatemawiwa kepauka mɨpaɨ nemɨrahɨawarɨwa:«Hikɨmɨ Yawé tukieyata tepuhu».2Kerutsareme, 'ari tekaniu'axɨani'ena 'akitenie tekaniuti'uka.3Kerutsareme, kiekari 'aixɨa 'anemekɨ mɨwewiyamana yunaitɨ memuyukuxexeɨriwanikɨ.4Mana nuiwarite mekani'axeni,nuiwarite Yawé hetsɨa miemete,Yawé 'aixɨa metetahɨaweke 'aixɨa kemɨtiuka'iyari wahetsiemieme,kehepaɨ 'aneme 'Ixaheri 'aitsika mɨyetuiriyariekai.5Mana kanihɨkɨtɨni 'aixɨa mɨtikɨyɨne 'ixaheritsixi wahetsiemieme,Rawiri nuiwarimama waparatsiyu mana kaniuweni.6Kerutsareme hetsiemieme tepuyunenewieka kayuwatɨ mexeiyanikɨ:«'Aixɨa 'anemekɨ memu'uwanikɨ kemɨ'ane memɨmetsinaki'erie.7Kerutsareme kuraruyarita memɨye'uwa kayuwatɨ mekehexeiyani,meta 'aparatsiyuta 'aixɨa me'itɨarietɨ».8Hikɨta, ne'iwama meta nehamikuma wahetsiemieme mɨpaɨ nepaine:«'Aixɨa 'anemekɨ meke'u'uwani».9Kerutsareme, 'ahetsɨa muwekɨ Yawé takakaɨyari tukieyanepɨtikuwauni 'aixɨa mɨti'ane 'ahetsiemieme.