Dimaadua la go tadau Hagaloohi121.0 Taahili dela e daahili go digau ala e hula gi Jerusalem belee daumaha i golo
1Au e hila aga gi tomo nia gonduu, dogu hagamaamaa la ga hanimoi i hee?2Dogu hagamaamaa la ga hanimoi i baahi o Dimaadua,dela ne hai di langi mo henuailala.3Mee hagalee diiagi goe gii doo. Do Hagaloohi la hagalee kii.4Di Hagaloohi o Israel la hagalee molemoe be e kii!5Dimaadua ga hagaloohi la goe.Mee e noho i doo baahi belee madamada humalia i di goe.6Di laa hagalee mmae ana mee adu gi di goe i di aa,be go di malama ma gaa boo.7Dimaadua ga abaaba la goe gi daha mo nia hagadilinga haingadaa huogodoo,Mee ga benebene goe hagahumalia.8Mee ga abaaba la goe i do hanimoi mo doo hana, dolomeenei gaa hana hua beelaa.