Lusambulu ya muntu na mantwala ya bantu yina ke zolaka ve kizunu
1Mukunga ya kuyuluka.Mu me bokila Yave na kati ya mpasi ya munu,yandi me pesa munu mvutu.2«Yave kuula munu, kuula munu na maboko ya bantu ya luvunu,mpe yina ke zonzaka mambu ya kulunga ve.»3Yinki beno ke kuzwa?Wapi mutindu ya kitumbu yina Nzambi ke pesa beno, beno bantu ya luvunu?4Yandi ke losila nge madyonga ya kinwani ya ngolo,na makala ya tiya.5Ya kele mpasi mingi samu na munu na kwiza zinga na bunzenza na Meseke,mpasi mingi na munu na kwiza zinga na bayinzo ya bantu ya Kedale.6Mu me zinga mingi na kati-kati ya bantu,yina ke yinaka kizunu.7Mu ke zolaka kizunu, kasi kaka na ntangu yina mu ke tubaka,bawu ke sosa mvita.