ⵉⵥⴻⵀⵀⵉⴷⴻⵏ119rif_tti
1ⴰⵍⵉⴼ. ⵙⵙⴻⵄⴷ ⵏⵙⴻⵏ ⵉ ⵢⵉⵏⵏⵉ ⵉⴽⴻⵎⵎⵍⴻⵏ ⴰⴱⵔⵉⴷ ⵏ ⵜⵓⴷⴰⵔⵜ ⵏⵙⴻⵏ ⴱⵍⴰ ⵍⵄⵉⴱ, ⵉⵏⵏⵉ ⵉⴳⴳⵓⵔⴻⵏ ⵅ ⵡⴻⴱⵔⵉⴷ ⵏ ⵛⵛⴰⵔⵉⵄⴰ ⵏ ⵙⵉⴷⵉ.2ⵙⵙⴻⵄⴷ ⵏⵙⴻⵏ ⵉ ⵢⵉⵏⵏⵉ ⵉⵃⴻⵟⵟⴰⵏ ⵛⵛⵀⴰⴷⴰⵜ ⵏⵏⴻⵙ, ⵉⵏⵏⵉ ⵅⴰⵙ ⵢⴰⵔⴻⵣⵣⵓⵏ ⵙ ⵎⴰⵔⵔⴰ ⵓⵍ ⵏⵙⴻⵏ.3ⵏⵉⵜⵏⵉ ⵡⴰⵔ ⵜⵜⴻⴳⴳⴻⵏ ⵍⵖⴻⵛⵛ, ⵎⴰⵛⴰ ⴳⴳⵓⵔⴻⵏ ⴷⴻⴳ ⵉⴱⵔⵉⴷⴻⵏ ⵏⵏⴻⵙ.4ⴰ ⵙⵉⴷⵉ, ⵛⴻⴽ ⵜⵓⵎⴰⵔⴻⴷ ⵎⴰⵃⴻⵏⴷ ⴱⵏⴰⴷⴻⵎ ⴰⴷ ⵉⵃⴹⴰ ⵜⵉⵡⴻⵚⵚⴰ ⵏⵏⴻⵛ ⵏⵉⵛⴰⵏ.5ⵎⵍⵉ ⵇⴰⵄ ⵉⴱⵔⵉⴷⴻⵏ ⵉⵏⵓ ⵜⵜⵡⴰⵙⴻⴳⴳⴷⴻⵏ, ⵎⴰⵃⴻⵏⴷ ⴰⴷ ⵃⴹⵉⵖ ⵜⵉⵡⴻⵚⵚⴰ ⵏⵏⴻⵛ,6ⵅⴻⵏⵏⵉ ⵄⴻⵎⵎⴰⵔⵚ ⴰⴷ ⵙⴻⴹⵃⵉⵖ ⵎⴰⵍⴰ ⵅⴻⵣⵣⴰⵔⴻⵖ ⵖⴰⵔ ⵎⴰⵔⵔⴰ ⵜⵉⵡⴻⵚⵚⴰ ⵏⵏⴻⵛ.7ⵙ ⵡⵓⵍ ⵉⵇⵇⵓⵔ ⴰⴷ ⵛⴻⴽ ⵇⴰⴷⵉⵖ, ⵎⴰⵍⴰ ⵏⴻⵛⵛ ⵍⴻⵎⴷⴻⵖ ⵍⴻⵃⴽⴰⵎⴰⵜ ⵏⵏⴻⵛ ⵉⵙⴻⴳⴳⴷⴻⵏ.8ⴰⴷ ⵃⴹⵉⵖ ⵜⵉⵡⴻⵚⵚⴰ ⵏⵏⴻⵛ! ⵡⴰⵔ ⴷⴰⵢⵉ ⵙⴻⵎⵎⴻⵃ ⵎⴰⵔⵔⴰ!9ⴱⵉⵜ. ⵎⴰⵎⵎⴻⵛ ⵉ ⵖⴰ ⵉⵙⵙⵉⵣⴷⴻⴳ ⵉⵊⵊ ⵏ ⵓⵃⵓⴷⵔⵉ ⴰⴱⵔⵉⴷ ⵏⵏⴻⵙ? ⵙ ⵡⴻⵎⵏⴰⵄ ⵏⵏⴻⵙ ⴷⴻⴳ ⵡⴰⵡⴰⵍ ⵏⵏⴻⵛ.10ⵏⴻⵛⵛ ⴰⵔⴻⵣⵣⵓⵖ ⵅⴰⴽ ⵙ ⵡⵓⵍ ⵉⵏⵓ ⵎⴰⵔⵔⴰ, ⵡⴰⵔ ⴷ ⴰⵢⵉ ⵜⵜⴻⵊⵊⵉ ⴰⴷ ⴼⴼⵖⴻⵖ ⵅ ⵍⵓⵎⵓⵔⴰⵜ ⵏⵏⴻⵛ.11ⵎⵉⵏ ⵜⴻⵇⵇⴰⵔⴻⴷ ⵛⴻⴽ, ⵅⴻⵎⵎⵍⴻⵖ ⵜ ⴷⴻⴳ ⵡⵓⵍ ⵉⵏⵓ, ⵎⴰⵃⴻⵏⴷ ⵡⴰⵔ ⴽⵉⴷⴻⴽ ⵅⴻⵟⵟⵉⵖ.12ⵜᵉⵜⵜⵡⴰⴱⴰⵔⴽⴻⴷ ⵛⴻⴽ, ⴰ ⵙⵉⴷⵉ, ⵙⴻⵍⵎⴻⴷ ⴰⵢⵉ ⵜⵉⵡⴻⵚⵚⴰ ⵏⵏⴻⵛ.13ⵙ ⵉⵢⴻⵏⵛⵉⵛⴻⵏ ⵉⵏⵓ ⴱⴰⵔⵔⵃⴻⵖ ⵎⴰⵔⵔⴰ ⵍⴼⴰⵔⴰⵢⵉⴹ ⵏ ⵓⵇⴻⵎⵎⵓⵎ ⵏⵏⴻⵛ.14ⴰⵇⴰ ⴼⴰⵔⵃⴻⵖ ⵙ ⵡⴻⴱⵔⵉⴷ ⵏ ⵛⵛⵀⴰⴷⴰⵜ ⵏⵏⴻⵛ, ⴰⵎ ⵙ ⵎⴰⵔⵔⴰ ⵎⵉⵏ ⵉⴵⴰⵏ ⵉⵖⵍⴰ.15ⴰⴷ ⵅⴰⵔⵔⵚⴻⵖ ⴷⵉ ⵍⵓⵎⵓⵔⴰⵜ ⵏⵏⴻⵛ, ⴰⴷ ⵅⴻⵣⵣⴰⵔⴻⵖ ⵖⴰⵔ ⵉⵎⴻⵙⵔⴰⵇ ⵏⵏⴻⵛ.16ⵏⴻⵛⵛ ⵜⵜⴰⵔⵔⴻⵖ ⵎⴻⵥⵍⵉ ⴷⵉ ⵜⵉⵡⴻⵚⵚⴰ ⵏⵏⴻⵛ, ⴰⵡⴰⵍ ⵏⵏⴻⵛ ⵡⴰⵔ ⵜ ⵜⵜᵉⵜⵜⵓⵖ.17ⴳⵉⵎⴻⵍ. ⴻⴳⴳ ⵜⵛⵓⵏⵉ ⵉ ⵓⵎⵙⴻⵅⵅⴰⵔ ⵏⵏⴻⵛ, ⵎⴰⵃⴻⵏⴷ ⴰⴷ ⴷⴷⴰⵔⴻⵖ ⵓ ⴰⴷ ⵃⴹⵉⵖ ⴰⵡⴰⵍ ⵏⵏⴻⵛ.18ⴰⵔⵣⴻⵎ ⴰⵢⵉ ⵜⵉⵟⵟⴰⵡⵉⵏ ⵉⵏⵓ, ⵃⵉⵎⴰ ⴰⴷ ⵥⴰⵔⴻⵖ ⵍⵎⵓⵄⵊⵉⵣⴰⵜ ⵏ ⵛⵛⴰⵔⵉⵄⴰ ⵏⵏⴻⵛ.19ⵏⴻⵛⵛ ⴰⵇⴰ ⴰⵢⵉ ⴷ ⴰⴱⴰⵔⵔⴰⵏⵉ ⵅ ⵜⴻⵎⵎⵓⵔⵜ, ⵡⴰⵔ ⵅⴰⴼⵉ ⵜⴻⴼⴼⴰⵔ ⵍⵓⵎⵓⵔⴰⵜ ⵏⵏⴻⵛ.20ⵍⴻⵄⵎⴰⵔ ⵉⵏⵓ ⵉⵜⵜⵡⴰⴼⵏⴰ ⵙ ⵓⵡⴻⵃⵃⴻⵛ ⵖⴰⵔ ⵍⴼⴰⵔⴰⵢⵉⴹ ⵏⵏⴻⵛ, ⵍⴻⴱⴷⴰ.21ⵛⴻⴽ ⵜⵄⴰⵇⴱⴻⴷ ⵉⵎⵄⴻⴼⴼⴰⵔⴻⵏ ⵉⵜⵜⵡⴰⵏⴻⵄⵍⴻⵏ, ⵉⵏⵏⵉ ⵉⵜⵜⴻⴼⴼⵖⴻⵏ ⵅ ⵍⵓⵎⵓⵔⴰⵜ ⵏⵏⴻⵛ.22ⴽⵙⵉ ⵅⴰⴼⵉ ⵍⴻⴼⴹⵉⵃⴻⵜ ⴷ ⵓⵙⴻⵃⵇⴰⵔ, ⵎⴰⵖⴰⵔ ⵃⴹⵉⵖ ⵛⵛⵀⴰⴷⴰⵜ ⵏⵏⴻⵛ.23ⵓⵍⴰ ⴷ ⵍⵃⵓⴽⴽⴰⵎ ⵇⵇⵉⵎⴻⵏ, ⵙⵙⴰⵡⴰⵍⴻⵏ ⴰⴽ-ⴷ ⵡⴰⵢⴰⵡⵢⴰ ⵅⴰⴼⵉ, ⵎⴰⵛⴰ ⴰⵎⵙⴻⵅⵅⴰⵔ ⵏⵏⴻⵛ ⵉⵜⵜⵅⴰⵔⵔⴻⵚ ⴷⵉ ⵜⵡⴻⵚⵚⴰ ⵏⵏⴻⵛ.24ⵛⵛⵀⴰⴷⴰⵜ ⵏⵏⴻⵛ ⴷ ⵎⴻⵥⵔⵉ ⵉⵏⵓ, ⴰⵇⴰ ⴰⵜⴻⵏⵜ ⴷ ⵉⵎⵛⴰⵡⴰⵔⴻⵏ ⵉⵏⵓ.25ⴷⴰⵍⵉⵜ. ⵍⴻⵄⵎⴰⵔ ⵉⵏⵓ ⵉⵍⵚⴻⵇ ⵖⴰⵔ ⵜⵄⴻⵊⵊⴰⵊⵜ, ⴰⵔⵔ-ⴷⴷ ⴷⴰⵢⵉ ⵜⵓⴷⴰⵔⵜ ⵄⵍⴰⵃⵙⴰⴱ ⴰⵡⴰⵍ ⵏⵏⴻⵛ.26ⵏⴻⵛⵛ ⵏⴻⵄⵎⴻⵖ ⵉ ⵛⴻⴽ ⵅ ⵉⴱⵔⵉⴷⴻⵏ ⵉⵏⵓ ⵓ ⵛⴻⴽ ⵜⴻⵙⵜⴰⵊⴱⴻⴷ ⴰⵢⵉ. ⵙⴻⵍⵎⴻⴷ ⴰⵢⵉ ⵜⵉⵡⴻⵚⵚⴰ ⵏⵏⴻⵛ.27ⴰⵔⵔ ⴰⵢⵉ ⴰⴷ ⴼⴻⵀⵎⴻⵖ ⴰⴱⵔⵉⴷ ⵏ ⵍⵓⵎⵓⵔⴰⵜ ⵏⵏⴻⵛ, ⴰⴷ ⵅⴰⵔⵔⵚⴻⵖ ⴷⵉ ⵍⵎⵓⵄⵊⵉⵣⴰⵜ ⵏⵏⴻⵛ.28ⵍⴻⵄⵎⴰⵔ ⵉⵏⵓ ⵉⴼⵙⵉ ⵙ ⵡⴻⵛⴹⴰⵏ, ⵙⴻⴳⴳⴻⵎ ⴰⵢⵉ ⵖⴰⵔ ⵡⴻⴱⵔⵉⴷ ⵏ ⵡⴰⵡⴰⵍ ⵏⵏⴻⵛ.29ⵙⵉⴳⴳⵯⴻⵊ ⴰⵢⵉ ⵅ ⵡⴻⴱⵔⵉⴷ ⵏ ⵉⵅⴰⵔⵔⵉⵇⴻⵏ, ⵃⵉⵏⵏ ⵅⴰⴼⵉ ⵙ ⵛⵛⴰⵔⵉⵄⴰ ⵏⵏⴻⵛ.30ⵏⴻⵛⵛ ⵉⵅⴹⴰⵔⴻⵖ ⴰⴱⵔⵉⴷ ⵏ ⵜⵉⴷⴻⵜⵜ, ⵙⵙⴰⵔⵙⴻⵖ ⵍⴼⴰⵔⴰⵢⵉⴹ ⵏⵏⴻⵛ ⵣⵣⴰⵜⵉ.31ⵏⴻⵛⵛ ⵛⴻⴱⴱⴰⵔⴻⵖ ⴷⵉ ⵛⵛⵀⴰⴷⴰⵜ ⵏⵏⴻⵛ, ⴰ ⵙⵉⴷⵉ, ⵡⴰⵔ ⴷ ⴰⵢⵉ ⵜⵜⴻⵊⵊⵉ ⴰⴷ ⵙⴻⴹⵃⵉⵖ.32ⵏⴻⵛⵛ ⴰⴷ ⴰⵣⵣⵍⴻⵖ ⴰⴱⵔⵉⴷ ⵏ ⵍⵓⵎⵓⵔⴰⵜ ⵏⵏⴻⵛ, ⵎⴰⵖⴰⵔ ⵛⴻⴽ ⵜⴻⴳⴳⵉⴷ ⵜⵜⴰⵙⵉⵄ ⵉ ⵡⵓⵍ ⵉⵏⵓ.33ⵀⵉ. ⴰ ⵙⵉⴷⵉ! ⵙⴻⵍⵎⴻⴷ ⴰⵢⵉ ⴰⴱⵔⵉⴷ ⵏ ⵜⵡⴻⵚⵚⴰ ⵏⵏⴻⵛ, ⵅⴻⵏⵏⵉ ⵏⴻⵛⵛ ⴰⴷ ⴷⴰⵢⴻⵙ ⵟⵟⴼⴻⵖ ⴰⵍ ⴰⵏⴻⴳⴳⴰⵔ.34ⴻⵡⵛ ⴰⵢⵉ ⵍⴻⴼⵀⴰⵎⴻⵜ, ⵅⴻⵏⵏⵉ ⴰⴷ ⵃⴹⵉⵖ ⵛⵛⴰⵔⵉⵄⴰ ⵏⵏⴻⵛ ⵓ ⴰⴷ ⴷⴰⵢⴻⵙ ⵟⵟⴼⴻⵖ ⵙ ⵡⵓⵍ ⵉⵏⵓ ⵎⴰⵔⵔⴰ.35ⵏⴷⴻⵀ ⴰⵢⵉ ⵅ ⵡⴻⴱⵔⵉⴷ ⵏ ⵍⵓⵎⵓⵔⴰⵜ ⵏⵏⴻⵛ, ⵎⵉⵏⵣⵉ ⴼⴰⵔⵔⵃⴻⵖ ⵣⵣⴰⵢⴻⵙ.36ⴰⵔⵔ ⵓⵍ ⵉⵏⵓ ⵖⴰⵔ ⵛⵛⵀⴰⴷⴰⵜ ⵏⵏⴻⵛ, ⵡⴰⵔ ⵉⴵⵉ ⵖⴰⵔ ⵟⵟⵎⴻⵄ ⵏ ⴰⵔⴱⴻⵃ.37ⵙⵀⴻⵢⵢⴻⴹ ⵜⵉⵟⵟⴰⵡⵉⵏ ⵉⵏⵓ ⵅ ⵍⴱⴰⵟⴻⵍ, ⴰⵔⵔ-ⴷⴷ ⴷⴰⵢⵉ ⵜⵓⴷⴰⵔⵜ ⵙ ⵉⴱⵔⵉⴷⴻⵏ ⵏⵏⴻⵛ.38ⴹⵎⴻⵏ ⵎⵉⵏ ⵜⴻⵏⵏⵉⴷ ⵉ ⵓⵎⵙⴻⵅⵅⴰⵔ ⵏⵏⴻⵛ, ⵡⴻⵏⵏⵉ ⵛⴻⴽ ⵉⵜⵜⴻⴳⴳⵯⴷⴻⵏ.39ⵙⵃⴻⵢⵢⴻⴷ ⵅⴰⴼⵉ ⵍⴻⴼⴹⵉⵃⴻⵜ ⵉ ⵣⵉ ⵜⵜⴻⴳⴳⵯⴻⴷⴻⵖ, ⵎⴰⵖⴰⵔ ⵍⴼⴰⵔⴰⵢⵉⴹ ⵏⵏⴻⵛ ⵛⵏⴰⵏⵜ.40ⵅⵣⴰⵔ, ⵜⵜⵡⴻⵃⵃⵛⴻⵖ ⵍⵓⵎⵓⵔⴰⵜ ⵏⵏⴻⵛ, ⴰⵔⵔ ⴰⵢⵉ ⴷⴷⴰⵔⴻⵖ ⵙ ⵜⵙⴻⴳⴷⴰ ⵏⵏⴻⵛ.41ⵡⴰⵡ. ⴻⵊⵊ ⴰⴷ ⵖⴰⵔⵉ ⴷⴷ-ⵜⴰⵙ ⵜⵎⴻⵅⵙⵉⵡⵜ ⵏⵏⴻⵛ ⵉⵛⴻⵡⵡⴰⵔⴻⵏ, ⴰ ⵙⵉⴷⵉ, ⴰⵙⴻⵏⵊⴻⵎ ⵏⵏⴻⵛ ⴰⵇⴰ-ⵜ ⴰⵎ ⵎⴰⵎⵎⴻⵛ ⵉ ⵜⴻⵏⵏⵉⴷ ⵛⴻⴽ.42ⵃⵉⵎⴰ ⵣⴻⵎⵎⴰⵔⴻⵖ ⴰⴷ ⴰⵔⵔⴻⵖ ⵅ ⵡⴻⵏⵏⵉ ⵣⵣⴰⵢⵉ ⵉⵙⵙⴱⴻⵀⴷⴰⵍⴻⵏ, ⵎⴰⵖⴰⵔ ⵜⵜⴻⵛⵍⴻⵖ ⵅ ⵡⴰⵡⴰⵍ ⵏⵏⴻⵛ.43ⵡⴰⵔ ⵜⵜⴻⴽⴽⴻⵙ ⴰⵡⴰⵍ ⵏ ⵜⵉⴷⴻⵜⵜ ⵇⴰⵄ ⵣⴻⴳ ⵓⵇⴻⵎⵎⵓⵎ ⵉⵏⵓ, ⵎⴰⵖⴰⵔ ⵜⵜⵔⴰⵊⵉⵖ ⵍⴼⴰⵔⴰⵢⵉⴹ ⵏⵏⴻⵛ.44ⵏⴻⵛⵛ ⴰⴷ ⵃⴹⵉⵖ ⵛⵛⴰⵔⵉⵄⴰ ⵏⵏⴻⵛ ⴱⵍⴰ ⵇⴻⵟⵟⵓ, ⵉ ⵍⴻⴱⴷⴰ ⵇⴰⵄ.45ⵏⴻⵛⵛ ⴳⴳⵓⵔⴻⵖ ⴷⵉ ⵜⵜⴰⵙⵉⵄ, ⵎⴰⵖⴰⵔ ⴰⵔⵣⵓⵖ ⵅ ⵍⵓⵎⵓⵔⴰⵜ ⵏⵏⴻⵛ.46ⴰⴷ ⵙⵙⵉⵡⵍⴻⵖ ⵅ ⵛⵛⵀⴰⴷⴰⵜ ⵏⵏⴻⵛ ⵣⵣⴰⵜ ⵉ ⵉⵊⴻⴵⵉⴷⴻⵏ, ⵡⴰⵔ ⵣⵣⴰⵜⵙⴻⵏ ⵜⵜⵙⴻⴹⵃⵉⵖ ⵛⴰ.47ⴰⴷ ⴰⵔⵔⴻⵖ ⵎⴻⵥⵔⵉ ⴷⵉ ⵍⵓⵎⵓⵔⴰⵜ ⵏⵏⴻⵛ, ⵜⵉⵏⵏⵉ ⵉ ⵜⵜⴻⵅⵙⴻⵖ.48ⴰⴷ ⵙⴳⴻⵄⵄⴷⴻⵖ ⵉⴼⴰⵙⵙⴻⵏ ⵉⵏⵓ ⵇⵉⴱⴰⵍ ⵉ ⵍⵓⵎⵓⵔⴰⵜ ⵏⵏⴻⵛ, ⵜⵉⵏⵏⵉ ⵉ ⵜⵜⴻⵅⵙⴻⵖ, ⴰⴷ ⵅⴰⵔⵔⵚⴻⵖ ⴷⵉ ⵜⵡⴻⵚⵚⴰ ⵏⵏⴻⵛ.49ⵣⴰⵢⵉⵏ. ⵄⵇⴻⵍ ⵅ ⵡⴰⵡⴰⵍ ⵉ ⵜⴻⵏⵏⵉⴷ ⵉ ⵓⵎⵙⴻⵅⵅⴰⵔ ⵏⵏⴻⵛ, ⵎⵉⵏ ⵅⴻⴼ ⵜⵓⵢⵍⴻⴷ ⴰⵙⵉⵜⴻⵎ ⵉⵏⵓ.50ⴷ ⵡⴰ ⴷ ⴰⴼⴻⵡⵡⴻⵊ ⵉⵏⵓ ⴷⵉ ⵍⴻⵖⴱⴻⵏ ⵉⵏⵓ, ⵎⴰⵖⴰⵔ ⵍⵡⴰⵄⴷ ⵏⵏⴻⵛ ⵢⴰⵔⵔⴰ-ⴷⴷ ⴷⴰⵢⵉ ⵜⵓⴷⴰⵔⵜ.51ⵉⵎⵄⴻⴼⴼⴰⵔⴻⵏ ⵙⵜⴻⵀⵣⴰⵏ ⵣⵣⴰⵢⵉ ⴰⵍ ⵟⵟⴰⵔⴼ, ⵎⴰⵛⴰ ⵏⴻⵛⵛ ⵡⴰⵔ ⵃⴻⵢⵢⵉⴷⴻⵖ ⵛⴰ ⵅ ⵛⵛⴰⵔⵉⵄⴰ ⵏⵏⴻⵛ.52ⵏⴻⵛⵛ ⵅⴰⵔⵔⵚⴻⵖ ⴷⵉ ⵍⴼⴰⵔⴰⵢⵉⴹ ⵏⵏⴻⵛ ⵏ ⵍⴻⴱⴷⴰ, ⴰ ⵙⵉⴷⵉ, ⵅⴻⵏⵏⵉ ⴰⵇⴰ ⵜⵜⵡⴰⴼⴻⵡⵡⵊⴻⵖ.53ⵜⴰⴼⵇⴻⵃⵜ ⵜᵉⵟⵟⴻⴼ ⴰⵢⵉ ⴷⵉ ⵙⵙⵉⴱⴱⴻⵜ ⵏ ⵉⵄⴻⴼⴼⴰⵏⴻⵏ, ⵉⵏⵏⵉ ⵉⵙⴻⵎⵎⵃⴻⵏ ⴷⵉ ⵛⵛⴰⵔⵉⵄⴰ ⵏⵏⴻⵛ.54ⵜⵉⵡⴻⵚⵚⴰ ⵏⵏⴻⵛ ⵜⵓⵖⴰ ⴰⵜⴻⵏⵜ ⴷ ⵉⵣⵍⴰⵏ ⵉⵏⵓ ⴷⵉ ⵜⴰⴷⴷⴰⵔⵜ ⵏ ⵜⴱⴰⵔⵔⴰⵏⴻⵛⵜ ⵉⵏⵓ.55ⴷⵉ ⴵⵉⵍⴻⵜ ⵜⵓⵖⴰ ⵜⵜⵅⴰⵔⵔⵚⴻⵖ ⴷⴻⴳ ⵢⵉⵙⴻⵎ ⵏⵏⴻⵛ, ⴰ ⵙⵉⴷⵉ, ⵓ ⵃⴹⵉⵖ ⵛⵛⴰⵔⵉⵄⴰ ⵏⵏⴻⵛ.56ⴰⵎⵎⵓ ⵉ ⴷ ⴰⵢⵉ ⵉⵎⵙⴰⵔ, ⵎⴰⵖⴰⵔ ⵃⴹⵉⵖ ⵍⵓⵎⵓⵔⴰⵜ ⵏⵏⴻⵛ.57ⵅⵉⵜ. ⵙⵉⴷⵉ ⴷ ⵜⴰⵙⵖⴰⵔⵜ ⵉⵏⵓ, ⵏⴻⵛⵛ ⵏⵏⵉⵖ ⴰⴷ ⵃⴹⵉⵖ ⴰⵡⴰⵍⴻⵏ ⵏⵏⴻⵛ.58ⵃⴻⵛⵛⵎⴻⵖ ⵣⵣⴰⵜ ⵉ ⵡⵓⴷⴻⵎ ⵏⵏⴻⵛ ⵙ ⵎⴰⵔⵔⴰ ⵡⵓⵍ ⵉⵏⵓ, ⵃⵉⵏⵏ ⵅⴰⴼⵉ ⴰⵎ ⵎⴰⵎⵎⴻⵛ ⵉ ⴷ ⴰⵢⵉ ⵜⴻⵏⵏⵉⴷ.59ⵏⴻⵛⵛ ⵅⴰⵔⵔⵚⴻⵖ ⴷⴻⴳ ⵉⴱⵔⵉⴷⴻⵏ ⵉⵏⵓ, ⴰⴷ ⵙⵙⵄⴻⵇⴱⴻⵖ ⵉⵚⵓⵔⴰⴼ ⵏ ⵉⴹⴰⵔⴻⵏ ⵉⵏⵓ ⵖⴰⵔ ⵛⵛⵀⴰⴷⴰⵜ ⵏⵏⴻⵛ.60ⵏⴻⵛⵛ ⵇⴻⴵⵇⴻⵖ, ⵡⴰⵔ ⵄⴻⵟⵟⴰⵍⴻⵖ ⵛⴰ, ⵃⵉⵎⴰ ⴰⴷ ⵃⴹⵉⵖ ⵍⵓⵎⵓⵔⴰⵜ ⵏⵏⴻⵛ.61ⵉⵙⴻⵖⵡⴰⵏ ⵏ ⵉⵄⴻⴼⴼⴰⵏⴻⵏ ⵛⴰⵔⵔⴼⴻⵏ ⴰⵢⵉ, ⵎⴰⵛⴰ ⵡⴰⵔ ⵜⵜᵉⵜⵜⵓⵖ ⵛⵛⴰⵔⵉⵄⴰ ⵏⵏⴻⵛ.62ⵖⴰⵔ ⵡⴻⵣⵢⴻⵏ ⵏ ⴵⵉⵍⴻⵜ ⵜⵜⵏⴻⴽⴽⴰⵔⴻⵖ, ⵃⵉⵎⴰ ⴰⴷ ⵛⴻⴽ ⵇⴰⴷⵉⵖ ⵅ ⵍⴼⴰⵔⴰⵢⵉⴹ ⵏⵏⴻⵛ ⵉⵙⴻⴳⴳⴷⴻⵏ.63ⵏⴻⵛⵛ ⴷ ⴰⵄⵛⵉⵔ ⵏ ⵎⴰⵔⵔⴰ ⵉⵏⵏⵉ ⵛⴻⴽ ⵉⵜⵜⴻⴳⴳⵯⴻⴷⴻⵏ, ⵏ ⵢⵉⵏⵏⵉ ⵉⵃⴻⵟⵟⴰⵏ ⵍⵓⵎⵓⵔⴰⵜ ⵏⵏⴻⵛ.64ⵣⵉ ⵜⵎⴻⵅⵙⵉⵡⵜ ⵏⵏⴻⵛ ⵉⵛⴻⵡⵡⴰⵔⴻⵏ ⵜⴻⵛⵛⵓⵔ ⵜⴻⵎⵎⵓⵔⵜ ⵎⴰⵔⵔⴰ, ⴰ ⵙⵉⴷⵉ, ⵙⴻⵍⵎⴻⴷ ⴰⵢⵉ ⵜⵉⵡⴻⵚⵚⴰ ⵏⵏⴻⵛ.65ⵜⵉⵜ. ⵛⴻⴽ ⵜⴻⴳⴳⵉⴷ ⵙ ⵜⵛⵓⵏⵉ ⵉ ⵓⵎⵙⴻⵅⵅⴰⵔ ⵏⵏⴻⵛ, ⴰ ⵙⵉⴷⵉ, ⵄⵍⴰⵃⵙⴰⴱ ⴰⵡⴰⵍ ⵏⵏⴻⵛ.66ⵙⴻⵍⵎⴻⴷ ⴰⵢⵉ ⵎⴰⵃⴻⵏⴷ ⴰⴷ ⵎⴻⵢⵢⵣⴻⵖ ⵓ ⴰⴷ ⵙⵙⵏⴻⵖ ⵎⵍⵉⵃ, ⵎⵉⵏⵣⵉ ⵜⵜⴻⵛⵍⴻⵖ ⵅ ⵍⵓⵎⵓⵔⴰⵜ ⵏⵏⴻⵛ.67ⵇⴱⴻⵍ ⵎⴰ ⵜⵜⵡⴰⵃⵚⴰⵔⴻⵖ, ⵡⴻⴷⴷⴰⵔⴻⵖ, ⵎⴰⵛⴰ ⵍⴻⵅⵅⵓ ⵃⴻⵟⵟⵉⵖ ⵎⵉⵏ ⵜⴻⵇⵇⴰⵔⴻⴷ ⵛⴻⴽ.68ⵛⴻⴽ ⴷ ⴰⵚⴻⴱⵃⴰⵏ, ⵜᵉⵜⵜⴻⴳⴳⴻⴷ ⵎⵉⵏ ⵉⵚⴻⴱⵃⴻⵏ, ⵙⴻⵍⵎⴻⴷ ⴰⵢⵉ ⵜⵉⵡⴻⵚⵚⴰ ⵏⵏⴻⵛ.69ⵉⵎⵄⴻⴼⴼⴰⵔⴻⵏ ⴰⵔⴻⵅⵅⵓⵏ-ⴷⴷ ⵅⴰⴼⵉ ⵉⵅⴰⵔⵔⵉⵇⴻⵏ, ⵎⴰⵛⴰ ⵏⴻⵛⵛ ⵃⴻⵟⵟⵉⵖ ⵍⵓⵎⵓⵔⴰⵜ ⵏⵏⴻⵛ ⵙ ⵎⴰⵔⵔⴰ ⵓⵍ ⵉⵏⵓ.70ⵓⵍ ⵏⵙⴻⵏ ⵡⴰⵔ ⵉⵜⵜⴰⵛⴰⵏ ⴰⵎ ⵜⴰⴷⵓⵏⵜ, ⵎⴰⵛⴰ ⵏⴻⵛⵛ, ⴰⵇⴰ ⵛⵛⴰⵔⵉⵄⴰ ⵏⵏⴻⵛ ⵜⵜⴰⴼⴻⵖ ⴷⴰⵢⴻⵙ ⵎⴻⵥⵔⵉ.71ⵜⵓⵖⴰ ⵉ ⵏⴻⵛⵛ ⵎⵍⵉⵃ ⵓⵎⵉ ⵜⵜⵡⴰⵃⵚⴰⵔⴻⵖ, ⵎⴰⵖⴰⵔ ⴰⵎⵎⵓ ⵉ ⵍⴻⵎⴷⴻⵖ ⵜⵉⵡⴻⵚⵚⴰ ⵏⵏⴻⵛ.72ⵛⵛⴰⵔⵉⵄⴰ ⵣⴻⴳ ⵓⵇⴻⵎⵎⵓⵎ ⵏⵏⴻⵛ ⵖⴰⵔⵉ ⵉⵃⵍⴰ ⴰⵟⵟⴰⵙ ⵅ ⵡⴰⵍⴰⴼ ⵏ ⵓⵇⵉⵢⵢⴰⵜ ⵏ ⵡⵓⵔⴻⵖ ⵏⵉⵖ ⵏ ⵏⵏⵓⵇⴰⵔⵜ.73ⵢⵓⴷ. ⵉⴼⴰⵙⵙⴻⵏ ⵏⵏⴻⵛ ⴳⴳⵉⵏ ⴰⵢⵉ, ⴽⴻⵡⵡⵏⴻⵏ ⴰⵢⵉ. ⴻⵡⵛ ⴰⵢⵉ ⵍⴻⵄⵇⴻⵍ, ⵎⴰⵃⴻⵏⴷ ⴰⴷ ⵍⴻⵎⴷⴻⵖ ⵍⵓⵎⵓⵔⴰⵜ ⵏⵏⴻⵛ.74ⵉⵏⵏⵉ ⵛⴻⴽ ⵉⵜⵜⴻⴳⴳⵯⴻⴷⴻⵏ ⴰⴷ ⴰⵢⵉ ⵥⴰⵔⴻⵏ ⵓⵛⴰ ⴰⴷ ⴼⴰⵔⵃⴻⵏ, ⵎⴰⵖⴰⵔ ⵜⵜⵔⴰⵊⵉⵖ ⴰⵡⴰⵍ ⵏⵏⴻⵛ.75ⵏⴻⵛⵛ ⵙⵙⵏⴻⵖ, ⴰ ⵙⵉⴷⵉ, ⴰⵇⴰ ⵙⴻⴳⴳⴷⴻⵏⵜ ⵍⴻⵃⴽⴰⵎⴰⵜ ⵏⵏⴻⵛ, ⵓ ⴰⵇⴰ ⵛⴻⴽ ⵜⴻⵃⵚⴰⵔⴻⴷ ⴰⵢⵉ ⵙ ⵍⴰⵎⴰⵏ.76ⴻⵊⵊ ⴰⴷ ⵜⵉⵍⵉ ⵜⵎⴻⵅⵙⵉⵡⵜ ⵏⵏⴻⵛ ⵉⵛⴻⵡⵡⴰⵔⴻⵏ ⴷ ⴰⴼⴻⵡⵡⴻⵊ ⵉ ⵏⴻⵛⵛ, ⴰⵎ ⵎⴰⵎⵎⴻⵛ ⵉ ⵜⴻⵏⵏⵉⴷ ⵉ ⵓⵎⵙⴻⵅⵅⴰⵔ ⵏⵏⴻⵛ.77ⴰⴷ ⵅⴰⴼⵉ ⴷⴷ-ⵜⴰⵙ ⴰⵔⵔⴻⵃⵎⴻⵜ ⵏⵏⴻⵛ, ⵎⴰⵃⴻⵏⴷ ⴰⴷ ⴷⴷⴰⵔⴻⵖ, ⵎⴰⵖⴰⵔ ⵛⵛⴰⵔⵉⵄⴰ ⵏⵏⴻⵛ ⴷⴰⵢⴻⵙ ⵎⴻⵥⵔⵉ ⵉⵏⵓ.78ⴻⵊⵊ ⴰⴷ ⵙⴻⴹⵃⴰⵏ ⵉⵎⵄⴻⴼⴼⴰⵔⴻⵏ, ⵎⴰⵖⴰⵔ ⵙ ⵉⵅⴰⵔⵔⵉⵇⴻⵏ ⵙⵙⴼⴰⵔⵔⵖⴻⵏ ⴰⵢⵉ ⵚⵚⵉⴼⴻⵜ ⵉⵏⵓ, ⵎⴰⵛⴰ ⵏⴻⵛⵛ ⵜⵅⴻⵎⵎⴰⵎⴻⵖ ⴷⵉ ⵍⵓⵎⵓⵔⴰⵜ ⵏⵏⴻⵛ.79ⴻⵊⵊ ⴰⴷ ⵖⴰⵔⵉ ⴷⴷ-ⴷⴻⵡⵍⴻⵏ ⵉⵏⵏⵉ ⵛⴻⴽ ⵉⵜⵜⴻⴳⴳⵯⴻⴷⴻⵏ, ⵉⵏⵏⵉ ⵉⵙⵙⵏⴻⵏ ⵛⵛⵀⴰⴷⴰⵜ ⵏⵏⴻⵛ.80ⴻⵊⵊ ⴰⴷ ⵢⵉⵍⵉ ⵓⵍ ⵉⵏⵓ ⵉⵎⵓⵏ ⵖⴰⵔ ⵜⵡⴻⵚⵚⴰ ⵏⵏⴻⵛ, ⵃⵉⵎⴰ ⵡⴰⵔ ⵜⵜⵙⴻⴹⵃⵉⵖ ⵛⴰ.81ⴽⴰⴼ. ⵍⴻⵄⵎⴰⵔ ⵉⵏⵓ ⵉⵙⵅⴻⴼ ⵣⵉ ⵎⴻⵥⵔⵉ ⵖⴰⵔ ⵓⵙⴻⵏⵊⴻⵎ ⵏⵏⴻⵛ, ⴰⵇⴰ ⵜⵜⵔⴰⵊⵉⵖ ⴰⵡⴰⵍ ⵏⵏⴻⵛ.82ⵜⵉⵟⵟⴰⵡⵉⵏ ⵉⵏⵓ ⴷⴻⵇⵇⵍⴻⵏⵜ ⵣⵉ ⵎⴻⵥⵔⵉ ⵖⴰⵔ ⵎⵉⵏ ⵜⴻⵇⵇⴰⵔⴻⴷ ⵛⴻⴽ, ⵓⵎⵉ ⵏⵏⵉⵖ: ‘ⵎⴻⵍⵎⵉ ⵉ ⵅⴰⴼⵉ ⵉ ⵖⴰ ⵜⴻⵙⵙⴼⴻⵡⵡⵊⴻⴷ?’83ⵎⴰⵖⴰⵔ ⴷⴻⵡⵍⴻⵖ ⴰⵎ ⵢⵉⵛⵜ ⵏ ⵜⵅⴰⵏⵛⴻⵜ ⵏ ⵢⵉⵍⴻⵎ ⵜⵓⵢⴻⵍ ⴷⵉ ⴷⴷⴻⵅⵅⴰⵏ, ⵎⴰⵛⴰ ⵜⵉⵡⴻⵚⵚⴰ ⵏⵏⴻⵛ ⵡⴰⵔ ⵜⴻⵏⵜ ⵜⵜⵓⵖ.84ⵎⴻⵛⵃⴰⵍ ⵏ ⵡⵓⵙⵙⴰⵏ ⵄⴰⴷ ⵉ ⵉⵇⵇⵉⵎⴻⵏ ⵉ ⵓⵎⵙⴻⵅⵅⴰⵔ ⵏⵏⴻⵛ? ⵎⴻⵍⵎⵉ ⵉ ⵖⴰ ⵜⵛⴰⵔⵔⵄⴻⴷ ⵉⵏⵏⵉ ⴷ ⴰⵢⵉ ⵉⴹⴻⴼⴼⴰⵔⴻⵏ?85ⵉⵎⵄⴻⴼⴼⴰⵔⴻⵏ ⵖⵣⴰⵏ ⴰⵢⵉ ⵉⵃⵓⴼⴰⵔ, ⵎⵉⵏ ⵡⴰⵔ ⴷⴷ-ⵢⵓⵙⵉⵏ ⴰⴽ-ⴷ ⵛⵛⴰⵔⵉⵄⴰ ⵏⵏⴻⵛ.86ⵎⴰⵔⵔⴰ ⵍⵓⵎⵓⵔⴰⵜ ⵏⵏⴻⵛ ⴷ ⵜⵉⴷⴻⵜⵜ. ⵏⵉⵜⵏⵉ ⵜⵜⴷⴰⵔⵔⴰⵛⴻⵏ ⴰⵢⵉ ⵙ ⵉⵅⴰⵔⵔⵉⵇⴻⵏ, ⴻⵡⵛ ⴰⵢⵉ ⴰⴼⵓⵙ!87ⵄⵍⴰⵃⴰⵍ ⵉⵍⵉ ⴰⵇⴰ ⵜⴻⵃⵃⴰⵏ ⴰⵢⵉ ⵣⵉ ⵜⴻⵎⵎⵓⵔⵜ, ⵎⴰⵛⴰ ⵏⴻⵛⵛ ⵡⴰⵔ ⵃⴻⵢⵢⴷⴻⵖ ⵅ ⵍⵓⵎⵓⵔⴰⵜ ⵏⵏⴻⵛ.88ⴰⵔⵔ-ⴷⴷ ⴷⴰⵢⵉ ⵜⵓⴷⴰⵔⵜ ⵄⵍⴰⵃⵙⴰⴱ ⵜⴰⵎⴻⵅⵙⵉⵡⵜ ⵏⵏⴻⵛ ⵉⵛⴻⵡⵡⴰⵔⴻⵏ, ⵅⴻⵏⵏⵉ ⴰⴷ ⵃⴹⵉⵖ ⵛⵛⵀⴰⴷⴻⵜ ⵉ ⴷⴷ-ⵉⴼⴼⵖⴻⵏ ⵣⴻⴳ ⵓⵇⴻⵎⵎⵓⵎ ⵏⵏⴻⵛ.89ⵍⴰⵎⵉⴷ. ⴰ ⵙⵉⴷⵉ, ⴰⵡⴰⵍ ⵏⵏⴻⵛ ⵉⵜⵜⵖⵉⵎⴰ ⵉ ⵍⴻⴱⴷⴰ ⵉⵎⵜⴻⵏ ⴷⴻⴳ ⵓⵊⴻⵏⵏⴰ.90ⵜⴰⵎⴻⵅⵙⵉⵡⵜ ⵏⵏⴻⵛ ⵉⵛⴻⵡⵡⴰⵔⴻⵏ ⵜⵉⵡⴻⴹ ⵣⵉ ⵊⵊⵉⵍ ⴰⵍ ⵊⵊⵉⵍ. ⵛⴻⴽ ⵜⴻⴳⴳⵉⴷ ⵜⴰⵎⵎⵓⵔⵜ ⴰⴷ ⵜⴱⴻⴷⴷ ⵜⴻⵎⵜⴻⵏ ⵓ ⴰⵎⵎⵓ ⵉ ⵖⴰ ⵜⴻⵇⵇⵉⵎ ⵜⴱⴻⴷⴷ.91ⵄⵍⴰⵃⵙⴰⴱ ⵍⴼⴰⵔⴰⵢⵉⴹ ⵏⵏⴻⵛ ⴰⴷ ⵇⵇⵉⵎⴻⵏ ⴱⴻⴷⴷⴻⵏ, ⵎⴰⵖⴰⵔ ⵎⴰⵔⵔⴰ ⵏⵉⵜⵏⵉ ⴷ ⵉⵎⵙⴻⵅⵅⴰⵔⴻⵏ ⵏⵏⴻⵛ.92ⵎⴻⵄⵍⵉⴽ ⵡⴰⵔ ⵜⴻⴵⵉ ⵛⵛⴰⵔⵉⵄⴰ ⵏⵏⴻⵛ ⴷ ⵎⴻⵥⵔⵉ ⵉⵏⵓ, ⵉⵍⵉ ⵜⵜⵡⴰⵀⴻⵍⵍⴽⴻⵖ ⴷⵉ ⵍⴻⵃⵚⴰⵔⴻⵜ ⵉⵏⵓ.93ⵄⴻⵎⵎⴰⵔⵚ ⴰⴷ ⵜⵜⵓⵖ ⵍⵓⵎⵓⵔⴰⵜ ⵏⵏⴻⵛ ⵉ ⵍⴻⴱⴷⴰ, ⵎⴰⵖⴰⵔ ⵣⵣⴰⵢⵙⴻⵏⵜ ⵜⴰⵔⵔⵉⴷ ⴰⵢⵉ-ⴷⴷ ⵜⵓⴷⴰⵔⵜ.94ⵏⴻⵛⵛ ⴰⵇⴰ ⴰⵢⵉ ⵉ ⵛⴻⴽ, ⵙⴻⵏⵊⴻⵎ ⴰⵢⵉ, ⵎⵉⵏⵣⵉ ⴰⵔⵣⵓⵖ ⵅ ⵍⵓⵎⵓⵔⴰⵜ ⵏⵏⴻⵛ.95ⵉⵄⴻⴼⴼⴰⵏⴻⵏ ⵔⴰⵊⴰⵏ ⴰⵢⵉ ⵃⵉⵎⴰ ⴰⴷ ⴰⵢⵉ ⵜⴻⵃⵃⴰⵏ, ⵎⴰⵛⴰ ⵏⴻⵛⵛ ⵅⴻⵣⵣⴰⵔⴻⵖ ⵖⴰⵔ ⵛⵛⵀⴰⴷⴰⵜ ⵏⵏⴻⵛ.96ⵏⴻⵛⵛ ⵥⵔⵉⵖ ⴰⵇⴰ ⵎⴰⵔⵔⴰ ⵎⵉⵏ ⵜⴻⴵⴰ ⵍⴻⴽⵎⴰⵔⴻⵜ ⵖⴰⵔⴻⵙ ⴰⵏⴻⴳⴳⴰⵔ, ⵎⴰⵛⴰ ⵍⵓⵎⵓⵔ ⵏⵏⴻⵛ ⵖⴰⵔⴻⵙ ⵜⵜⴰⵙⵉⵄ ⴰⵟⵟⴰⵙ.97ⵎⵉⵎ. ⵎⴰⵎⵎⴻⵛ ⵉ ⵅⴰⴼⵉ ⵜⵄⵉⵣⵣ ⵛⵛⴰⵔⵉⵄⴰ ⵏⵏⴻⵛ, ⴰⵙⵙ ⵉⴽⵎⴻⵍ ⵜⵜⵅⴰⵔⵔⵚⴻⵖ ⴷⴰⵢⴻⵙ.98ⵙ ⵍⵓⵎⵓⵔⴰⵜ ⵏⵏⴻⵛ ⵜⴰⵔⵔⵉⴷ ⴰⵢⵉ ⴷ ⴰⵎⵉⵖⵉⵙ ⵅ ⵍⵄⴻⴷⵢⴰⵏ ⵉⵏⵓ, ⵎⴰⵖⴰⵔ ⴰⵇⴰ ⴰⵜⴻⵏ ⵖⴰⵔⵉ ⵉ ⵍⴻⴱⴷⴰ.99ⵏⴻⵛⵛ ⵖⴰⵔⵉ ⵍⴻⵄⵇⴻⵍ ⴽⵜⴰⵔ ⵅ ⵎⴰⵔⵔⴰ ⵉⵎⵙⴻⵍⵎⴰⴷⴻⵏ ⵉⵏⵓ, ⵎⴰⵖⴰⵔ ⵜⵜⵅⴰⵔⵔⵚⴻⵖ ⴷⴻⴳ ⵉⴱⵔⵉⴷⴻⵏ ⵏⵏⴻⵛ.100ⵏⴻⵛⵛ ⵖⴰⵔⵉ ⵍⴻⴼⵀⴰⵎⴻⵜ ⴽⵜⴰⵔ ⵅ ⵉⵡⴻⵙⵙⵓⵔⴰ, ⵎⴰⵖⴰⵔ ⵃⴹⵉⵖ ⵍⵓⵎⵓⵔⴰⵜ ⵏⵏⴻⵛ.101ⵎⴻⵏⵄⴻⵖ ⵉⴹⴰⵔⴻⵏ ⵉⵏⵓ ⵣⵉ ⵇⴰⵄ ⵉⴱⵔⵉⴷⴻⵏ ⵉⵄⴻⴼⴼⴰⵏⴻⵏ, ⵃⵉⵎⴰ ⴰⴷ ⵃⴹⵉⵖ ⴰⵡⴰⵍ ⵏⵏⴻⵛ.102ⵏⴻⵛⵛ ⵡⴰⵔ ⵃⴻⵢⵢⴷⴻⵖ ⵛⴰ ⵅ ⵍⴼⴰⵔⴰⵢⵉⴹ ⵏⵏⴻⵛ, ⵎⴰⵖⴰⵔ ⵛⴻⴽ ⴷ ⵡⴻⵏⵏⵉ ⴷ ⴰⵢⵉ ⵉⵙⵙⵖⴰⵔⴻⵏ.103ⵎⴰⵎⵎⴻⵛ ⵉ ⵖⴰ ⵢⵉⵍⵉ ⴷ ⵎⵉⵥⵉⴷ ⵎⵉⵏ ⵜⴻⵇⵇⴰⵔⴻⴷ ⵛⴻⴽ ⵉ ⵡⴰⵏⴻⵖ ⵉⵏⵓ, ⵅ ⵜⴰⵎⵎⴻⵏⵜ ⵉ ⵓⵇⴻⵎⵎⵓⵎ ⵉⵏⵓ!104ⵣⵉ ⵍⵓⵎⵓⵔⴰⵜ ⵏⵏⴻⵛ ⵜⵜⴰⵔⵔⵉⵖ-ⴷⴷ ⵍⴻⵄⵇⴻⵍ, ⵅ ⵓⵢⴰ ⵛⴰⵔⵔⵀⴻⵖ ⴽⵓⵍ ⴰⵎⴻⵙⵔⵓⵇ ⵏ ⵉⵅⴰⵔⵔⵉⵇⴻⵏ.105ⵏⵓⵏ. ⴰⵡⴰⵍ ⵏⵏⴻⵛ ⴷ ⵍⴻⴼⵏⴰⵔ ⵉ ⵓⴹⴰⵔ ⵉⵏⵓ ⴷ ⵜⴰⴼⴰⵡⵜ ⵉ ⵓⵎⴻⵙⵔⵓⵇ ⵉⵏⵓ.106ⵏⴻⵛⵛ ⵊⵊⵓⴵⴻⵖ ⵓ ⴰⴷ ⵜ ⴳⴳⴻⵖ, ⴰⵇⴰ ⴰⴷ ⵃⴹⵉⵖ ⵎⴰⵔⵔⴰ ⵍⴼⴰⵔⴰⵢⵉⴹ ⵏⵏⴻⵛ ⵉⵙⴻⴳⴳⴷⴻⵏ.107ⵏⴻⵛⵛ ⵜⵜⵡⴰⵃⵚⴰⵔⴻⵖ ⴰⵟⵟⴰⵙ, ⴰ ⵙⵉⴷⵉ, ⴰⵔⵔ-ⴷⴷ ⴷⴰⵢⵉ ⵜⵓⴷⴰⵔⵜ ⵄⵍⴰⵃⵙⴰⴱ ⴰⵡⴰⵍ ⵏⵏⴻⵛ.108ⵜⵜⵣⴰⵡⴳⴻⵖ, ⴽⵙⵉ ⵙ ⴰⵔⴹⴰ ⵜⵉⵡⵀⵉⴱⵉⵏ ⵏ ⵍⵅⴰⴹⴰⵔ ⵣⴻⴳ ⵓⵇⴻⵎⵎⵓⵎ ⵉⵏⵓ, ⴰ ⵙⵉⴷⵉ, ⵓ ⵙⴻⵍⵎⴻⴷ ⴰⵢⵉ ⵍⴼⴰⵔⴰⵢⵉⴹ ⵏⵏⴻⵛ.109ⵜⵓⴷⴰⵔⵜ ⵉⵏⵓ ⴰⵇⴰ-ⵜ ⵍⴻⴱⴷⴰ ⴷⵉ ⵍⵅⴰⵟⴻⵔ, ⵎⴰⵛⴰ ⵄⴻⵎⵎⴰⵔⵚ ⴰⴷ ⵜⵜⵓⵖ ⵛⵛⴰⵔⵉⵄⴰ ⵏⵏⴻⵛ.110ⵉⵄⴻⴼⴼⴰⵏⴻⵏ ⴳⴳⵉⵏ ⴰⵢⵉ ⵉⵊⵊ ⵏ ⵍⴼⴻⵅ, ⵎⴰⵛⴰ ⵏⴻⵛⵛ ⵡⴰⵔ ⴼⴼⵖⴻⵖ ⵛⴰ ⵅ ⵍⵓⵎⵓⵔⴰⵜ ⵏⵏⴻⵛ.111ⵛⵛⵀⴰⴷⴰⵜ ⵏⵏⴻⵛ ⴷ ⵜⴰⵙⵖⴰⵔⵜ ⵉⵏⵓ ⵉ ⵍⴻⴱⴷⴰ, ⵎⴰⵖⴰⵔ ⵏⵉⵜⴻⵏⵜⵉ ⵙⵙⴼⴰⵔⵔⵃⴻⵏⵜ ⵓⵍ ⵉⵏⵓ.112ⵃⴻⵣⵣⵎⴻⵖ ⵓⵍ ⵉⵏⵓ ⵎⴰⵃⴻⵏⴷ ⴰⴷ ⴳⴳⴻⵖ ⵄⵍⴰⵃⵙⴰⴱ ⵜⵉⵡⴻⵚⵚⴰ ⵏⵏⴻⵛ, ⵉ ⵍⴻⴱⴷⴰ, ⴰⵍ ⴰⵏⴻⴳⴳⴰⵔ.113ⵙⴰⵎⵉⵅ. ⴰⵢⵜ ⵏ ⵜⵏⴰⵢⴻⵏ ⵏ ⵉⵖⴻⵎⴱⴰⴱ ⵛⴰⵔⵔⵀⴻⵖ ⵜⴻⵏ, ⵎⴰⵛⴰ ⵜⵜⴻⵅⵙⴻⵖ ⵛⵛⴰⵔⵉⵄⴰ ⵏⵏⴻⵛ.114ⵛⴻⴽ ⴷ ⴰⴷⵓⵔⵔⵉ ⵉⵏⵓ ⴷ ⵜⴰⵙⴻⴷⴷⴰⵔⵜ ⵏ ⵓⵙⴻⵍⵇⵉ ⵉⵏⵓ, ⵏⴻⵛⵛ ⵜⵜⵔⴰⵊⵉⵖ ⴰⵡⴰⵍ ⵏⵏⴻⵛ.115ⴱⴻⵄⵄⴷⴻⵎ ⵅⴰⴼⵉ, ⴰ ⵉⵄⴻⴼⴼⴰⵏⴻⵏ, ⵃⵉⵎⴰ ⴰⴷ ⵃⴹⵉⵖ ⵍⵓⵎⵓⵔⴰⵜ ⵏ ⴰⵔⴻⴱⴱⵉ ⵉⵏⵓ.116ⵙⴻⵏⵏⴻⴷ ⴰⵢⵉ ⵄⵍⴰⵃⵙⴰⴱ ⵍⵡⴰⵄⴷ ⵏⵏⴻⵛ, ⵎⴰⵃⴻⵏⴷ ⴰⴷ ⴷⴷⴰⵔⴻⵖ ⵓ ⵡⴰⵔ ⵜⵜⵙⴻⴹⵃⵉⵖ ⴷⵉ ⵍⴰⵢⴰⵙ ⵉⵏⵓ.117ⵄⴻⵎⵎⴻⴷ ⴰⵢⵉ, ⵅⴻⵏⵏⵉ ⴰⴷ ⵜⵜⵡⴰⵙⵙⵏⴻⵊⵎⴻⵖ, ⵓ ⴰⴷ ⴰⵔⵔⴻⵖ ⵎⴻⵥⵔⵉ ⴷⵉ ⵜⵡⴻⵚⵚⴰ ⵏⵏⴻⵛ ⵍⴻⴱⴷⴰ.118ⵎⴰⵔⵔⴰ ⵉⵏⵏⵉ ⵉⵜⵜⴰⴳⴳⵯⴻⵊⴻⵏ ⵅ ⵜⵡⴻⵚⵚⴰ ⵏⵏⴻⵛ, ⵙⵙⴻⵃⵇⴰⵔⴻⵖ ⵜⴻⵏ, ⵎⴰⵖⴰⵔ ⵍⵖⴻⵛⵛ ⵏⵙⴻⵏ ⵎⵖⵉⵔ ⴷ ⵉⵅⴰⵔⵔⵉⵇⴻⵏ.119ⴰⵎ ⴽⵓⴼⴼⵓ ⵜⵎⴻⵃⵃⵉⴷ ⵎⴰⵔⵔⴰ ⵉⵄⴻⴼⴼⴰⵏⴻⵏ ⵣⵉ ⵜⴻⵎⵎⵓⵔⵜ, ⵙ ⵓⵢⴰ ⵜⵜⴻⵅⵙⴻⵖ ⵛⵛⵀⴰⴷⴰⵜ ⵏⵏⴻⵛ.120ⵣⵉ ⵜⵉⴳⴳⵯⵓⴷⵉ ⵣⵣⴰⵢⴻⴽ ⵜⴻⵛⵛⵉⵔⵔⵓⵡ ⴰⵔⵔⵉⵎⴻⵜ ⵉⵏⵓ, ⴰⵎⵎⵓ ⵉ ⴳⴳⵯⴻⴷⴻⵖ ⵣⵉ ⵍⴻⵃⴽⴰⵎⴰⵜ ⵏⵏⴻⵛ.121ⵄⴰⵢⵉⵏ. ⵏⴻⵛⵛ ⴳⴳⵉⵖ ⵍⵃⴻⵇⵇ ⴷ ⵜⵙⴻⴳⴷⴰ, ⵡⴰⵔ ⴷ ⴰⵢⵉ ⵜⵜⵙⴻⵍⵍⴻⵎ ⵉ ⵍⵎⴰⵔⴳⴻⵃ ⵏ ⵢⵉⵏⵏⵉ ⴷ ⴰⵢⵉ ⵉⵃⴻⵚⵚⴰⵔⴻⵏ.122ⴻⴳⴳ ⵍⵄⴰⵔⴱⵓⵏ ⴷⵉ ⵟⵟⵡⴻⵄ ⵏ ⵓⵎⵙⴻⵅⵅⴰⵔ ⵏⵏⴻⵛ, ⵡⴰⵔ ⵜⵜⴻⵊⵊⵉ ⵉⵎⵄⴻⴼⴼⴰⵔⴻⵏ ⴰⴷ ⴰⵢⵉ ⵃⵚⴰⵔⴻⵏ.123ⵜⵉⵟⵟⴰⵡⵉⵏ ⵉⵏⵓ ⴷⴻⵇⵇⵍⴻⵏⵜ ⵣⵉ ⵎⴻⵥⵔⵉ ⵖⴰⵔ ⵓⵙⴻⵏⵊⴻⵎ ⵏⵏⴻⵛ, ⵖⴰⵔ ⵍⵡⴰⵄⴷ ⵏ ⵜⵙⴻⴳⴷⴰ ⵏⵏⴻⵛ.124ⴻⴳⴳ ⵙ ⵜⵎⴻⵅⵙⵉⵡⵜ ⵏⵏⴻⵛ ⵉⵛⴻⵡⵡⴰⵔⴻⵏ ⴰⴽ-ⴷ ⵓⵎⵙⴻⵅⵅⴰⵔ ⵏⵏⴻⵛ, ⵙⴻⵍⵎⴻⴷ ⴰⵢⵉ ⵜⵉⵡⴻⵚⵚⴰ ⵏⵏⴻⵛ.125ⵏⴻⵛⵛ ⴷ ⴰⵎⵙⴻⵅⵅⴰⵔ ⵏⵏⴻⵛ, ⴻⵡⵛ ⴰⵢⵉ ⵍⴻⵄⵇⴻⵍ, ⵎⴰⵃⴻⵏⴷ ⴰⴷ ⵙⵙⵏⴻⵖ ⵛⵛⵀⴰⴷⴰⵜ ⵏⵏⴻⵛ.126ⴰⵇⴰ ⵢⵉⵡⴻⴹ ⴰⵙ-ⴷⴷ ⵍⵃⴰⵍ ⵉ ⵙⵉⴷⵉ, ⵃⵉⵎⴰ ⴰⴷ ⵉⴱⴻⴷⴷ ⵅ ⵉⴹⴰⵔⴻⵏ ⵏⵏⴻⵙ, ⵎⴰⵖⴰⵔ ⵏⵉⵜⵏⵉ ⴰⵔⵥⵉⵏ ⵛⵛⴰⵔⵉⵄⴰ ⵏⵏⴻⵛ.127ⵎⵉⵏⵣⵉ ⵜⵜⴻⵅⵙⴻⵖ ⵜⵉⵡⴻⵚⵚⴰ ⵏⵏⴻⵛ ⵅ ⵡⵓⵔⴻⵖ, ⵡⴰⵀ ⴰⵟⵟⴰⵙ ⵅ ⵡⵓⵔⴻⵖ ⵉⵜⵜⵡⴰⵚⴻⴼⴼⴰⵏ,128ⵅ ⵓⵢⴰ ⵃⴻⵙⴱⴻⵖ ⵎⴰⵔⵔⴰ ⵍⵓⵎⵓⵔⴰⵜ ⵏⵏⴻⵛ ⴷⵉ ⴽⵓⵍ ⵜⴰⵎⴻⵙⵍⴰⵛⵜ ⵏⵉⵛⴰⵏ, ⵎⴰⵛⴰ ⵛⴰⵔⵀⴻⵖ ⴽⵓⵍ ⴰⵎⴻⵙⵔⵓⵇ ⵏ ⵉⵅⴰⵔⵔⵉⵇⴻⵏ.129ⴱⵉ. ⵛⵛⵀⴰⴷⴰⵜ ⵏⵏⴻⵛ ⴷ ⵍⵎⵓⵄⵊⵉⵣⴰⵜ, ⵅ ⵓⵢⴰ ⵉⵃⴻⵟⵟⴰ ⵜⴻⵏⵜ ⵡⵓⵍ ⵉⵏⵓ.130ⴰⵏⵓⵔⵣⴻⵎ ⵏ ⵡⴰⵡⴰⵍⴻⵏ ⵏⵏⴻⵛ ⵉⵙⵙⵛⴰⵏ ⵜⴰⴼⴰⵡⵜ, ⵉ ⵉⵃⴰⴼⵉⵢⵢⴻⵏ ⵉⵜⵜⵉⵛ ⴰⵙⴻⵏ ⵍⴻⵄⵇⴻⵍ.131ⴰⵔⵣⵎⴻⵖ ⴰⵇⴻⵎⵎⵓⵎ ⵉⵏⵓ ⴰⵟⵟⴰⵙ ⵓ ⵙⵙⴰⵃⵔⴰⵜⴻⵖ ⵣⵉ ⵎⴻⵥⵔⵉ ⵖⴰⵔ ⵍⵓⵎⵓⵔⴰⵜ ⵏⵏⴻⵛ.132ⴰⵔⵔ ⵓⴷⴻⵎ ⵏⵏⴻⵛ ⵖⴰⵔⵉ ⵓ ⵃⵉⵏⵏ ⵅⴰⴼⵉ, ⴰⵎ ⵎⴰⵎⵎⴻⵛ ⴷⴷ-ⵜⴻⴽⴽⴰⵔ ⵉ ⵢⵉⵏⵏⵉ ⵉⵜⵜⴻⵅⵙⴻⵏ ⵉⵙⴻⵎ ⵏⵏⴻⵛ.133ⵙⴻⵎⵜⴻⵏ ⵉⵚⵓⵔⴰⴼ ⵉⵏⵓ ⴰⵎ ⵎⴰⵎⵎⴻⵛ ⵉ ⴷ ⴰⵢⵉ ⵜⴻⵏⵏⵉⴷ, ⵡⴰⵔ ⵜⵜⴻⵊⵊⵉ ⴰⴷ ⵅⴰⴼⵉ ⵉⵃⴽⴻⵎ ⵍⵖⴻⵛⵛ ⵡⴰⵍⵓ.134ⴼⴻⴽⴽ ⴰⵢⵉ ⵣⵉ ⵍⴻⵃⵚⴰⵔⴻⵜ ⵏ ⵉⵡⴷⴰⵏ, ⵎⴰⵃⴻⵏⴷ ⴰⴷ ⵃⴹⵉⵖ ⵍⵓⵎⵓⵔⴰⵜ ⵏⵏⴻⵛ.135ⴻⵊⵊ ⵓⴷⴻⵎ ⵏⵏⴻⵛ ⴰⴷ ⵢⴰⵔⵖ ⵅ ⵓⵎⵙⴻⵅⵅⴰⵔ ⵏⵏⴻⵛ, ⵙⴻⵍⵎⴻⴷ ⴰⵢⵉ ⵜⵉⵡⴻⵚⵚⴰ ⵏⵏⴻⵛ.136ⵜⵉⵖⴻⵣⵔⴰⵜⵉⵏ ⵏ ⵡⴰⵎⴰⵏ ⵀⵡⴰⵏⵜ-ⵉ-ⴷⴷ ⵣⵉ ⵜⵉⵟⵟⴰⵡⵉⵏ ⵉⵏⵓ, ⵎⴰⵖⴰⵔ ⵏⵉⵜⵏⵉ ⵡⴰⵔ ⵃⴻⵟⵟⴰⵏ ⵛⵛⴰⵔⵉⵄⴰ ⵏⵏⴻⵛ.137ⵜⵙⴰⴷⵉ. ⴰⵇⴰ ⵛⴻⴽ ⴷ ⴰⵎⵙⴻⴳⴳⴻⴷ, ⴰ ⵙⵉⴷⵉ, ⵓⵍⴰ ⴷ ⵍⴼⴰⵔⴰⵢⵉⴹ ⵏⵏⴻⵛ ⵙⴻⴳⴳⴷⴻⵏⵜ.138ⵛⴻⴽ ⵜⵓⵎⵓⵔⴻⴷ ⵜⴰⵙⴻⴳⴷⴰ ⵏ ⵛⵛⵀⴰⴷⴰⵜ ⵏⵏⴻⵛ, ⵍⵎⴰⵏⴻⵜ ⵏⵙⴻⵏ ⴷ ⵜⴰⵎⴻⵇⵇⵔⴰⵏⵜ ⴰⵟⵟⴰⵙ.139ⵜⵓⵙⵎⵉ ⵉⵏⵓ ⵉⵇⴻⴷⴷⵙⴻⵏ ⵉⵏⵓ ⵜⴻⵛⵛⴰ ⴰⵢⵉ, ⵎⴰⵖⴰⵔ ⵉⵏⵏⵉ ⴷ ⴰⵢⵉ ⵉⵃⴻⵚⵚⴰⵔⴻⵏ ⵜⵜⵓⵏ ⴰⵡⴰⵍⴻⵏ ⵏⵏⴻⵛ.140ⵍⵡⴰⵄⴷ ⵏⵏⴻⵛ ⵉⵇⵇⵓⵔ ⴰⵟⵟⴰⵙ, ⴰⵎⵙⴻⵅⵅⴰⵔ ⵏⵏⴻⵛ ⵉⵜⵜⴻⵅⵙ ⵉ-ⵜ.141ⵏⴻⵛⵛ ⴷ ⴰⵎⵓⵇⵍⵉⵍ ⵓ ⵜⵜⵡⴰⵙⵙⴻⵃⵇⴰⵔⴻⵖ, ⵎⴰⵛⴰ ⵡⴰⵔ ⵜⵜᵉⵜⵜⵓⵖ ⵍⵓⵎⵓⵔⴰⵜ ⵏⵏⴻⵛ.142ⵜⴰⵙⴻⴳⴷⴰ ⵏⵏⴻⵛ ⴷ ⵜⴰⵙⴻⴳⴷⴰ ⵉ ⵍⴻⴱⴷⴰ, ⵛⵛⴰⵔⵉⵄⴰ ⵏⵏⴻⵛ ⴷ ⵜⵉⴷⴻⵜⵜ.143ⴷⴷⵉⵇⴻⵜ ⴷ ⵜⴻⴳⴳⵯⵓⴷⵉ ⵍⴻⵇⵇⴼⴻⵏⵜ ⴰⵢⵉ, ⵎⴰⵛⴰ ⵍⵓⵎⵓⵔⴰⵜ ⵏⵏⴻⵛ ⴷⴰⵢⵙⴻⵏⵜ ⵎⴻⵥⵔⵉ ⵉⵏⵓ.144ⵜⴰⵙⴻⴳⴷⴰ ⵏ ⵛⵛⵀⴰⴷⴰⵜ ⵏⵏⴻⵛ ⵉ ⵍⴻⴱⴷⴰ ⵉ ⵜⴻⴵⴰ. ⵙⴻⴼⵀⴻⵎ ⴰⵢⵉ ⵜⴻⵏⵜ, ⵅⴻⵏⵏⵉ ⴰⴷ ⴷⴷⴰⵔⴻⵖ.145ⵇⵓⴼ. ⵍⴰⵖⵉⵖ ⵙ ⵎⴰⵔⵔⴰ ⵓⵍ ⵉⵏⵓ, ⴰⵔⵔ-ⴷⴷ ⵅⴰⴼⵉ, ⴰ ⵙⵉⴷⵉ, ⵅⴻⵏⵏⵉ ⴰⴷ ⵃⴹⵉⵖ ⵜⵉⵡⴻⵚⵚⴰ ⵏⵏⴻⵛ.146ⵏⴻⵛⵛ ⵍⴰⵖⵉⵖ-ⴷⴷ ⵅⴰⴽ, ⴼⴻⴽⴽ ⴰⵢⵉ, ⵅⴻⵏⵏⵉ ⴰⴷ ⵃⴹⵉⵖ ⵎⴰⵔⵔⴰ ⵛⵛⵀⴰⴷⴰⵜ ⵏⵏⴻⵛ.147ⵇⴱⴻⵍ ⵜⵓⴼⴼⵓⵜ ⵜⵓⵖⴰ ⵜⵜⵍⴰⵖⵉⵖ ⵃⵉⵎⴰ ⴰⴷ ⴰⵢⵉ ⴷⴷ-ⵜⴻⵡⵛⴻⴷ ⴰⴼⵓⵙ, ⵔⴰⵊⵉⵖ ⴰⵡⴰⵍ ⵏⵏⴻⵛ.148ⵜⵉⵟⵟⴰⵡⵉⵏ ⵉⵏⵓ ⴼⴰⵇⴻⵏⵜ ⵇⴱⴻⵍ ⵍⵡⴻⵇⵜ ⵏ ⵡⵓⴹⵓⴼ ⵏ ⵡⴻⵛⴱⴰⵔ, ⵃⵉⵎⴰ ⴰⴷ ⵅⴰⵔⵔⵚⴻⵖ ⴷⴻⴳ ⵡⴰⵡⴰⵍⴻⵏ ⵏⵏⴻⵙ.149ⵙⴻⵍ-ⴷⴷ ⵖⴰⵔ ⵜⵎⵉⵊⵊⴰ ⵉⵏⵓ ⵄⵍⴰⵃⵙⴰⴱ ⵜⴰⵎⴻⵅⵙⵉⵡⵜ ⵏⵏⴻⵛ ⵉⵛⴻⵡⵡⴰⵔⴻⵏ, ⴰ ⵙⵉⴷⵉ, ⴰⵔⵔ-ⴷⴷ ⴷⴰⵢⵉ ⵜⵓⴷⴰⵔⵜ ⵄⵍⴰⵃⵙⴰⴱ ⵍⴼⴰⵔⴰⵢⵉⴹ ⵏⵏⴻⵛ.150ⵉⵏⵏⵉ ⵢⴰⵔⴻⵣⵣⵓⵏ ⴰⴷ ⴳⴳⴻⵏ ⵍⴻⴼⴹⴰⵢⴻⵃ, ⵓⴷⵙⴻⵏ ⴰⵢⵉ, ⴰⵇⴰ ⵏⵉⵜⵏⵉ ⵜⵜⴰⴳⴳⵯⴻⵊⴻⵏ ⴰⵟⵟⴰⵙ ⵅ ⵛⵛⴰⵔⵉⵄⴰ ⵏⵏⴻⵛ.151ⵛⴻⴽ ⵜⵓⴷⵙⴻⴷ, ⴰ ⵙⵉⴷⵉ, ⵎⴰⵔⵔⴰ ⵍⵓⵎⵓⵔⴰⵜ ⵏⵏⴻⵛ ⴷ ⵜⵉⴷⴻⵜⵜ ⵉ ⴵⴰⵏ.152ⵓⵍⴰ ⴷ ⴰⵟⵟⴰⵙ ⵣⴻⴳ ⵡⴰⵎⵉ ⵜⵓⵖⴰ ⵙⵙⵏⴻⵖ ⵛⵛⵀⴰⴷⴰⵜ ⵏⵏⴻⵛ, ⵎⴰⵖⴰⵔ ⵛⴻⴽ ⵜⴻⴳⴳⵉⴷ ⵜⴻⵏⵜ ⵉ ⵍⴻⴱⴷⴰ.153ⵔⵉⵅ. ⵅⵣⴰⵔ ⵖⴰⵔ ⵍⴻⵖⴱⴻⵏ ⵉⵏⵓ ⵓ ⵜⴻⵙⵙⵏⴻⵊⵎⴻⴷ ⴰⵢⵉ, ⵎⴰⵖⴰⵔ ⵡⴰⵔ ⵜⵜⵓⵖ ⵛⵛⴰⵔⵉⵄⴰ ⵏⵏⴻⵛ.154ⴰⵖ ⴰⵢⵉ ⵜⴰⵙⵖⴰⵔⵜ ⵓⵛⴰ ⴼⴻⴽⴽ ⴰⵢⵉ, ⴰⵔⵔ-ⴷⴷ ⴷⴰⵢⵉ ⵜⵓⴷⴰⵔⵜ ⴰⵎ ⵎⴰⵎⵎⴻⵛ ⵉ ⴷ ⴰⵢⵉ ⵜⴻⵏⵏⵉⴷ.155ⵉⴳⴳⵯⴻⵊ ⵓⵙⴻⵏⵊⴻⵎ ⵅ ⵉⵄⴻⴼⴼⴰⵏⴻⵏ, ⵎⴰⵖⴰⵔ ⵡⴰⵔ ⴰⵔⴻⵣⵣⵓⵏ ⵜⵉⵡⴻⵚⵚⴰ ⵏⵏⴻⵛ.156ⴰ ⵙⵉⴷⵉ, ⴰⵔⵔⴻⵃⵎⴻⵜ ⵏⵏⴻⵛ ⴷ ⴰⵟⵟⴰⵙ, ⴰⵔⵔ-ⴷⴷ ⴷⴰⵢⵉ ⵜⵓⴷⴰⵔⵜ ⵄⵍⴰⵃⵙⴰⴱ ⵍⴼⴰⵔⴰⵢⵉⴹ ⵏ ⵏⵏⴻⵛ.157ⵉⵏⵏⵉ ⴷ ⴰⵢⵉ ⵉⵜⵜⴷⴰⵔⵔⴰⵛⴻⵏ ⴷ ⵢⵉⵏⵏⵉ ⴷ ⴰⵢⵉ ⵉⵃⴻⵚⵚⴰⵔⴻⵏ ⴰⵇⴰ ⴰⵜⴻⵏ ⵙ ⵡⴰⵟⵟⴰⵙ, ⵎⴰⵛⴰ ⵏⴻⵛⵛ ⵡⴰⵔ ⵃⴻⵢⵢⴷⴻⵖ ⵛⴰ ⵅ ⵛⵛⵀⴰⴷⴰⵜ ⵏⵏⴻⵛ.158ⵥⵔⵉⵖ ⵉⵏⵏⵉ ⴷ ⴰⵢⵉ ⵉⵖⴷⴰⵔⴻⵏ ⵓⵛⴰ ⵄⵉⴼⴼⴻⵖ ⵜⴻⵏ, ⵎⴰⵖⴰⵔ ⵏⵉⵜⵏⵉ ⵡⴰⵔ ⵟⵟⵉⴼⴻⵏ ⴷⴻⴳ ⵡⴰⵡⴰⵍ ⵏⵏⴻⵛ.159ⵅⵣⴰⵔ, ⵎⴰⵎⵎⴻⵛ ⵜⵜⴻⵅⵙⴻⵖ ⵍⵓⵎⵓⵔⴰⵜ ⵏⵏⴻⵛ, ⴰ ⵙⵉⴷⵉ, ⴰⵔⵔ-ⴷⴷ ⴷⴰⵢⵉ ⵜⵓⴷⴰⵔⵜ ⵄⵍⴰⵃⵙⴰⴱ ⵜⴰⵎⴻⵅⵙⵉⵡⵜ ⵏⵏⴻⵛ ⵉⵛⴻⵡⵡⴰⵔⴻⵏ.160ⴱⴻⴷⴷⵓ ⵏ ⵡⴰⵡⴰⵍ ⵏⵏⴻⵛ ⴰⵇⴰ-ⵜ ⴷ ⵜⵉⴷⴻⵜⵜ, ⴽⵓⵍ ⵍⴻⵃⴽⴰⵎ ⵉⵙⴻⴳⴳⴷⴻⵏ ⵣⵣⴰⵢⴻⴽ ⴰⵇⴰ-ⵜ ⵉ ⵍⴻⴱⴷⴰ.161ⵛⵉⵏ. ⵍⵃⵓⴽⴽⴰⵎ ⴷⴰⵔⵔⵛⴻⵏ ⵅⴰⴼⵉ ⵅ ⵡⴰⵍⵓ, ⵎⴰⵛⴰ ⵓⵍ ⵉⵏⵓ ⵜⵓⵖⴰ ⵉⵜⵜⴻⴳⴳⵯⴻⴷ ⵣⴻⴳ ⵡⴰⵡⴰⵍ ⵏⵏⴻⵛ.162ⵏⴻⵛⵛ ⴼⴰⵔⵃⴻⵖ ⵅ ⵍⵡⴰⵄⴷ ⵏⵏⴻⵛ, ⴰⵎⴻⵛⵏⴰⵡ ⵉⵊⵊⴻⵏ ⵉ ⵉⵜⵜⴰⴼ ⵉⵛⵜ ⵏ ⵜⴽⴻⵛⵛⴰⴹⵜ ⵜⴰⵎⴻⵇⵇⵔⴰⵏⵜ.163ⵏⴻⵛⵛ ⵛⴰⵔⵔⵀⴻⵖ ⴰⵅⴰⵔⵔⵉⵇ ⵓ ⵄⵉⴼⴼⴻⵖ ⵜ, ⵎⴰⵛⴰ ⵜⵜⴻⵅⵙⴻⵖ ⵛⵛⴰⵔⵉⵄⴰ ⵏⵏⴻⵛ.164ⵙⴻⴱⵄⴰ ⵏ ⵜⵡⴰⵍⴰⵡⵉⵏ ⴷⴻⴳ ⵡⴰⵙⵙ ⵚⴻⴱⵃⴻⵖ ⵛⴻⴽ ⵅ ⵍⴻⵃⴽⴰⵎⴰⵜ ⵏ ⵜⵙⴻⴳⴷⴰ ⵏⵏⴻⵛ.165ⵉⵏⵏⵉ ⵉⵜⵜⴻⵅⵙⴻⵏ ⵛⵛⴰⵔⵉⵄⴰ ⵏⵏⴻⵛ, ⴰⵇⴰ ⵖⴰⵔⵙⴻⵏ ⵍⴻⵀⵏⴰ ⵜⴰⵎⴻⵇⵇⵔⴰⵏⵜ, ⵡⴰⵔ ⴷⵉⵏ ⴰⵥⵔⵓ ⵏ ⵓⵏⴻⵇⵔⴰⴹ ⵣⵣⴰⵜⵙⴻⵏ.166ⴰ ⵙⵉⴷⵉ, ⵜⵜⵔⴰⵊⵉⵖ ⴰⵙⴻⵏⵊⴻⵎ ⵏⵏⴻⵛ, ⵓ ⵜⵜⴻⴳⴳⴻⵖ ⵄⵍⴰⵃⵚⴰⴱ ⵜⵉⵡⴻⵚⵚⴰ ⵏⵏⴻⵛ.167ⵍⴻⵄⵎⴰⵔ ⵉⵏⵓ ⵉⵃⴻⵟⵟⴰ ⵛⵛⵀⴰⴷⴰⵜ ⵏⵏⴻⵛ, ⵜⵜⴻⵅⵙⴻⵖ ⵜⴻⵏⵜ ⴰⵟⵟⴰⵙ.168ⵏⴻⵛⵛ ⵃⴻⵟⵟⵉⵖ ⵍⵓⵎⵓⵔⴰⵜ ⵏⵏⴻⵛ ⴷ ⵛⵛⵀⴰⴷⴰⵜ ⵏⵏⴻⵛ, ⵎⴰⵖⴰⵔ ⵎⴰⵔⵔⴰ ⵉⴱⵔⵉⴷⴻⵏ ⵉⵏⵓ ⴰⵔⵣⵎⴻⵏ ⵣⵣⴰⵜⴻⴽ.169ⵜⴰⴼ. ⴰ ⵙⵉⴷⵉ, ⴻⵊⵊ ⴰⴷ ⵖⴰⵔⴻⴽ ⴷⴷ-ⵢⴰⵡⴻⴹ ⵓⵍⴰⵖⵉ ⵉⵏⵓ ⵣⵣⴰⵜ ⵉ ⵡⵓⴷⴻⵎ ⵏⵏⴻⵛ, ⴻⵡⵛ ⴰⵢⵉ ⵍⴻⵄⵇⴻⵍ ⵄⵍⴰⵃⵙⴰⴱ ⴰⵡⴰⵍ ⵏⵏⴻⵛ.170ⴻⵊⵊ ⴰⴷ ⴷⴷ-ⵜⴰⵙ ⵜⵓⵜⵔⴰ ⵉⵏⵓ ⵖⴰⵔ ⵡⵓⴷⴻⵎ ⵏⵏⴻⵛ, ⴼⴻⴽⴽ ⴰⵢⵉ ⴰⵎ ⵎⴰⵎⵎⴻⵛ ⵉ ⴷ ⴰⵢⵉ ⵜⴻⵏⵏⵉⴷ.171ⵉⵢⴻⵏⵛⵉⵛⴻⵏ ⵉⵏⵓ ⴰⴷ ⵓⵛⵔⵓⵔⴻⵏ ⴰⵚⴻⴱⴱⴻⵃ ⴰⵎ ⵢⵉⵊⵊ ⵏ ⵍⵄⵓⵏⵚⴰⵔ, ⵎⴰⵖⴰⵔ ⵛⴻⴽ ⵜⴻⵙⵙⴻⵍⵎⴰⴷⴻⴷ ⴰⵢⵉ ⵜⵉⵡⴻⵚⵚⴰ ⵏⵏⴻⵛ.172ⵉⵍⴻⵙ ⵉⵏⵓ ⴰⴷ ⵢⴰⵔⵔ ⵎⵉⵏ ⵜⴻⵏⵏⵉⴷ ⵛⴻⴽ, ⵎⴰⵖⴰⵔ ⵎⴰⵔⵔⴰ ⵍⵓⵎⵓⵔⴰⵜ ⵏⵏⴻⵛ ⵙⴻⴳⴳⴷⴻⵏ.173ⴻⵊⵊ ⴰⴼⵓⵙ ⵏⵏⴻⵛ ⴰⴷ ⴰⵢⵉ ⵉⴳⴳ ⵜⵡⵉⵣⴰ, ⵎⴰⵖⴰⵔ ⵉⵅⴹⴰⵔⴻⵖ ⵍⵓⵎⵓⵔⴰⵜ ⵏⵏⴻⵛ.174ⴰ ⵙⵉⴷⵉ, ⵜⵜⵎⴻⵥⵔⴻⵖ ⵖⴰⵔ ⵓⵙⴻⵏⵊⴻⵎ ⵏⵏⴻⵛ, ⵛⵛⴰⵔⵉⵄⴰ ⵏⵏⴻⵛ ⴰⵇⴰ ⴷⴰⵢⴻⵙ ⵎⴻⵥⵔⵉ ⵉⵏⵓ.175ⴻⵊⵊ ⵍⴻⵄⵎⴰⵔ ⵉⵏⵓ ⴰⴷ ⵉⴷⴷⴰⵔ, ⴰⴷ ⵛⴻⴽ ⵉⵚⴻⴱⴱⴻⵃ, ⴰⴷ ⴰⵢⵉ ⵄⴰⵡⵏⴻⵏⵜ ⵍⴼⴰⵔⴰⵢⵉⴹ ⵏⵏⴻⵛ.176ⵏⴻⵛⵛ ⵡⴻⴷⴷⴰⵔⴻⵖ ⴰⵎ ⵢⵉⵊⵊ ⵏ ⵓⵀⵓⵍⵉ ⵉⵡⴻⴷⴷⴰⵔⴻⵏ. ⴰⵔⵣⵓ ⵅ ⵓⵎⵙⴻⵅⵅⴰⵔ ⵏⵏⴻⵛ, ⵎⴰⵖⴰⵔ ⵡⴰⵔ ⵜⵜⵓⵖ ⵍⵓⵎⵓⵔⴰⵜ ⵏⵏⴻⵛ.